Як ҳайати баландпояи давлати Қатар бо сафари дурӯза вориди Душанбе мешавад.
Аз Хадамоти муҳоҷирати кишвар ба Озодагон иттилоъ доданд, ки қарор аст, ин боздид рӯзҳои 26-27-уми апрел анҷом шавад. Баррасии лоиҳаи «Созишномаи байни ҳукумати Тоҷикистон ва ҳукумати давлати Қатар оид ба ҷалби муташакилона ва истифодаи муҳоҷирони меҳнатӣ» аз ҳадафҳои аслии сафари ҳайати мазкур унвон мешавад. «Лоиҳаи созишномаи мазкур, ки Хадамоти муҳоҷират онро таҳия намудааст, мавриди баррасӣ ва мувофиқаи ҷонибҳо қарор хоҳад гирифт. Ҳамчунин дар ҷараёни сафар дар назар аст, ки ҷониби Қатар аз маконҳои таърихӣ ва дастовардҳои фарҳангии Тоҷикистон дидан намояд»,-афзуд манбаъ.
Мӯҳр