Дар ин бора ба хабарнигори Озодагон дар шӯъбаи мубориза алайҳи гардиши ғайриқонунии маводи мухаддир (ШМЗГҒМН)-и РКД-и вилояти Суғд иттилоъ доданд.
Тибқи иттилои манбаъ, давоми 4 моҳи соли ҷорӣ аз ҷониби кормандони ШМЗГГМН шаҳру навоҳии вилоят аз гардиши ғайриқонунӣ 122 килову 490 грам маводи нашъовар забт ва мусодира шуд, ки зиёда аз 19 кг-и он ҳероин, 100 кило гурӯҳи бангдона ва 2 кг-аш афъюн будааст.
Ин рақам нисбат ба ҳамин давраи соли гузашта 9 кило зиёд медошад. «Дар 4 моҳи соли гузашта аз гардиши ғайриқонунӣ зиёда аз 113 кг. маводи мухаддир мусодира шуда буд»,-афзуд манбаъ.
Тибқи иттилои манбаъ, аз рӯи ин ҷиноятҳо дар давраи сипаригардида 81 парвандаи ҷиноӣ бо моддаҳои 200, 201- (муомилоти ғайриқонуии воситаҳои нашъадор, моддаҳои психотропи ё прекурсорҳо бо мақсади ба соҳибияти каси дигар додан)-и КҶ ҶТ оғоз шуда, тафтишот идома дорад .
Мӯҳр