Нахуствазири Исроил зимни мусоҳибае ба рӯзномаи «Билед»-и Олмон гуфтааст, ки бо вуҷуди фишорҳои байналмилалӣ, барномаи ҳастайии Эрон «ҳатто як милиметр» ҳам кунд нашудааст.
Хабаргузории Форс менависад, Бенёмин Натаняҳу дар идомаи мусоҳиба ба шарҳи чигунагии амалкарди бомби атомӣ пардохта ва гуфтааст, бомби ҳастаӣ бо маводи тарканда, ки аз он ба унвони «маводи шикофпазир» ёд мешавад, пур шуда аз уран бо ғанои пойин фароҳам мешавад, ки Эрон пештар ба ин мавод даст ёфтааст.
«Чизе ки ҳамакнун аз Эрон хоста мешавад, мутавақиф кардани ғанисозӣ ё хориҷ кардани он урониюми ғанишуда нест. Аз эрониён хоста шуда, то фақат ғанисозии 20%-ро мутаваққиф кунанд. Ин иқдом ба ҳеҷ ваҷҳ барномаи ҳастайии онҳоро мутаваққиф нахоҳад кард. Ин иқдом фақат ба онҳо иҷоза медиҳад, ки барномаи ҳастаияшонро идома диҳанд»,-афзудааст сарвазири Исроил.
Вақте аз вай суол шудааст, ки бар асоси назарсанҷиҳо танҳо 36%-и мардуми Олмон бо Исроил ибрози ҳамдардӣ мекунанд, Натаняҳу ҷавоб дода, ки «ба таври кул дарки нодурусти густардае дар бораи Исроил дар ҷомеаи Олмон ва Аврупои ғарбӣ вуҷуд дорад».
Нахуствазири Исроил дар идома аз тааҳуди Ангела Маркел, садри аъзами Олмон нисбат ба амнияти Исроил тақдир карда ва гуфт, ки як намуна аз ин тааҳуд, иқдоми ахири Олмон дар фурӯши зердарёӣ (киштии зериобӣ) ба Исроил буд, ки кӯмаки муҳим ба амнияти милии Исроил мебошад.
Мӯҳр