Наворбардори синамо ва суратгири тоҷик Заур Дахте ба ифтихори таҷлили Рӯзи Русия бо аввалин дипломи Маркази илму фарҳанги Русия воқеъ дар шаҳри Душанбе сарфароз гардонида шуд.
Тибқи иттилоъи аккос, ҷоизаи мазкурро дар ҷараёни мизи мудаввар бахшида ба Рӯзи Русия дар мавзӯи «Русия - давлати муқаддаси мо, Русия кишвари маҳбуби мо» ба ӯ супориданд.
Маврид ба ёдоварист, намоиши суратҳои Заур Дахте бо ибтикори Иттиҳоди доғистониҳои Тоҷикистон дар моҳи майи соли равон дар Душанбе ташкил карда шуда буд. Заур Рустамовичи қафқозӣ беш аз 60 сол боз дар Тоҷикистон зиндагӣ мекунад.
Бисёр асарҳои суратгири шинохта Заур Дахте дар намоишгоҳҳои кишварҳои Чин, Ҳиндустон, Ҷопон, Русия, Фаронса, Олмон, Қазоқистон, Озарбойҷон ва Беларус намоиш дода шудаанд.
Мӯҳр