Шурӯъ аз 1-уми июл то 28-уми октябри соли 2012 ҳаракати нақлиёт дар кӯчаи С. Ғанӣ (аз буриши хиёбони Рӯдакӣ то дарвозаи «Боғи Ирам») ва кӯчаи Бохтар (аз назди бинои Муассисаи давлатии «Душанбе Плаза» то буриши кӯчаи Шотемур) қатъ карда мешавад.
Тавре ба Озодагон аз дастгоҳи раиси шаҳри Душанбе хабар доданд, ин тасмим ба хотири гузаронидани корҳои сохтмону азнавсозии роҳҳои автомобилгард ва таъмини бехатарии ҳаракат дар роҳҳо гирифта шудааст. Ба иттилои манбаъ, дар робита шаҳрдори пойтахт қарореро имзо кардааст. Тибқи ин қарор Раёсати корҳои дохилии шаҳри Душанбе муваззаф шудааст, ки ҷиҳати таъмини ҳаракати нақлиёт ба кӯчаҳои ҳамшафат бо дарназардошти гузоштани аломатҳои роҳ ва таъмини ҳаракати шаҳрвандон чораҷӯӣ намояд.
«Ҳамчунин аз роҳбарони корхона, идора, муассиса, ташкилот ва субъектҳои хоҷагидорие, ки дар ҳудуди марзию маъмурии шаҳри Душанбе фаъолият менамоянд, хоҳиш мешавад, ки бобати ҳалли мушкилоти хатҳои муҳандисии иншоотҳои мазкур ба фармоишгар - Муассисаи давлатии «Раёсати сохтмон, азнавсозӣ ва таъмири асосию ҷории роҳҳою кӯпрукҳои ҳудуди марзию маъмурии шаҳри Душанбе»-и Мақомоти иҷроияи маҳаллии ҳокимияти давлатӣ дар шаҳри Душанбе хамаҷониба мусоидат намоянд»,-афзуд манбаъ.
Гуфтанист, назорати иҷрои қарори раиси шаҳри Душанбе ба зимаи муовини шаҳрдор Оев А.М. гузошта шудааст.
Мӯҳр