Обдуздӣ дар Тоҷикистон як падидаи маъмулӣ аст

Алимурод Тағоймуродов, мудири кулли КВД «Хоҷагии манзилию коммуналӣ» мегӯяд, наздики 80 фоизи об дар навоҳӣ ва деҳоти Тоҷикистон соҳиб надорад.

Ба ҳисоби масъулини ин ниҳод ҳамагӣ 22 фоизи низоми таъминот бо об дар деҳоти Тоҷикистон назорат мешаваду бас. Раиси КВД таъкид мекунад, ки боқимонда бесоҳиб аст: «Вақте соҳиб нест, албатта назорат ва безараргардонӣ ҳам сурат нахоҳад гирифт».
Тағоймуродов фаҳмонд, ки бесоҳиб гуфта оби кӯлу чашмаро дар назар надорад:
«Онҳоеро гуфта истодаам, ки хатҳои кашидаи об, онҳое, ки чоҳ доранд, обкашак доранд».
Тағоймуродов мегӯяд, ҳастанд одамони алоҳида дар навоҳӣ, ки барои об пул ҷамъ мекунанд, вале ягон ҳисобот надоранд: «Ин дуздии рӯйирост аст. Худаш маош мегирад. Ду-се одами дигарро маош медиҳад. Дигар на андоз, на фонди нафақа месупорад. Дар ягон ҷо мӯҳр надорад. Ин ҳамаро муттаҳид кардан даркор ба як низом даровардан лозим аст».
Тағоймуродов мегӯяд, айни ҳол ҳамагӣ 48,6 фоизи мардуми Тоҷикистон бо оби ошомиданӣ ва 12 фоиз бо оби ташноб таъмин асту халос.

Мӯҳр