Александр Лукашенкоро барои ширкат дар маросими ифтитоҳи бозиҳои Олимпии Лондон роҳ надоданд. Чунин қарорро Кумитаи тадорукоти ин бозиҳо қабул кардааст.
Гуфта мешавад ин тасмими Кумитаи тадорукот дар пайи як интиқоди Лукашенко, ки бозиҳои олимпиро “сиёсатолуда” номида буд, сурат гирифтааст. Аз сӯи Мински расмӣ ҳанӯз ба ин тасмими масъулини Кумитаи байналхалқии олимпӣ ҷавобе сурат нагирифтааст.
Аммо бо вуҷуди бозиҳои олимпиро “сиёсати ифлос” номиданаш Лукашенко, президенти Белорус, аз варзишгарони кишвараш тақозо кардааст, то ҳарчӣ бештар нишонҳои ин сабқатро ба даст биёранд. Ӯ зимни гусели варзишгарон гуфтааст, “барои мо муҳим ширкат нест, барои мо муҳим ғалаба аст”. Президент Лукашенко, ҳамзамон президентии Кумитаи олимпии Белорусро ба ӯҳда дорад.
Маврид ба ёдоварист, дар нисбати Лукашенко таҳрими вуруд ба кишварҳои аврупоӣ барои фасодкориҳо дар интихобот ва пайгирии мухолифини сиёсиаш роҳандозӣ, ӯ ва як қатор мансабдорони ин кишвар ба “рӯйхати сиёҳ”-и Иттиҳоди Аврупо шомил карда шудаанд.
Мӯҳр