Пажӯҳишгари андешакадаи Ал-аҳром равобити Эрону Мисрро ба нафъ ҷаҳони ислом ва минтақа донисту гуфт, ки сафари Мурсӣ ба Теҳрон заминаро барои кушодани сафоратхонаҳои ду кишвар фароҳам мекунад.
Масъуд Иброҳим Ҳасан устодёри забони форсии Донишгоҳи "Кафар-уш-шайх" дар гуфтугӯ бо хабарнигори Форс дар Қоҳира таъкид кард, ки ҳузури Муҳаммад Мурсӣ, райисҷумҳури Миср ва мақомоти ин кишвар дар нишасти сарони Ғайримуттаҳидҳо дар Теҳрон, ки 29 ва 30 август баргузор мешавад, дар воқеъ озмуне барои раҳбарони кунунии Миср аст то ба ваъдаҳои интихоботии худ мабнӣ бар аз саргирии равобит бо Теҳрон амал кунанд, ин дар ҳоле аст, ки Мурсӣ борҳо нишон дода, ки моил ба барқарории ин равобит аст.
Иброҳим Ҳасан афзуда, ки аз замони пирӯзии Муҳаммад Мурсӣ дар интихобот то кунун нишонаҳои бисёре, ки нишондиҳанда бар наздик шудани ду кишвар ба якдигар мушоҳида мешавад, аз ҷумла ин ки шахси Муҳаммад Мурсӣ низ ба шиддат аз тавсиа ва густариши ин равобит ҳимоят кардааст ва ин тавсиа ва равобит бетардид ба қазоёои ҷаҳони ислом ва минтақа хидмат хоҳад кард. Пажуҳишгари "Ал-аҳром" дар умури Эрон сафари Мурсӣ ба Эронро кушодани саҳфаи ҷадиде дар муносиботи ду кишвар донист ва таъкид кард, ки ин сафар заминаро барои боло бурдани сатҳи дипломатӣ ва ифтитоҳи сафоратхона дар ду кишвар фароҳам мекунад.
Мӯҳр