Аксари довталабон аз он шикоят карданд, ки дар Қазоқистон барояшон муассисаҳои таълимӣ ва ихтисосҳои номувофиқ пешниҳод гардидаанд. Довталабон мегӯянд, тайи як соли охир дар Қазоқистон аз курсҳои омодакунӣ гузаштаанд ва тибқи шартнома бо вазорати маориф дар сурате агар зимни имтиҳонҳои дохилшавӣ аз 50 хол бештар мегирифтанд, дар ин кишвар аз рӯи дилхоҳ ихтисосашон ба таҳсил фаро гирифта мешуданд.
Ин гурӯҳ довталабон иброз медоранд, ки зимни санҷиш дар Қазоқистон натиҷаи хубро ноил гаштанд. «Аммо бо вуҷуд ба мо айни ҳол ихтисосҳои ҷангалбонӣ, хокшиносӣ, растанипарварӣ ва дигарҳо пешниҳод шудаанд, ки на дар шаҳрҳои марказӣ, балки дар навоҳии дурдасти кишвар, аз ҷумлаи Чимкенту дигар ҷойҳо таълим дода мешаванд. Ин ихтисосҳо ба кӣ даркоранд? Дар шартнома дигар хел муайян шуда буд. Мо мехоҳем, моро дастгирӣ кунанд, то дар оянда тавонем мутахассиси хуб шуда, гашта дар Тоҷикистон хизмат кунем»,- гуфт яке аз довталабдухтарон.
Баробари ин миёни ҷамъомадагон дар назди бинои Вазорати маориф буданд нафароне, ки аз раванди имтиҳонҳои дохилшавӣ дар худи Тоҷикистон ҳам шикоят карданд. Ба гуфтаи бархе аз ҷамъомадагон сатҳи донишу саводнокӣ зимни қабул ба муассисаҳои олии таълимӣ дар худи Тоҷикистон ҳам сарфи назар шуда, қабули довталабон аксаран тавассути роҳҳои дигар сурат гирифтаст.
Масъулини вазорати маорифи Тоҷикистон изҳор медоранд, ки айни ҳол намояндагони Раёсати маорифи шаҳри Душанбе дар бинои вазорат қарор доранд ва аллакай ба қабули норизоён оғоз кардаанд. Онҳо истифодаи пулисро барои пароканда намудани ҷамъомадагон чорабинӣ барои пешгирӣ аз ташаннуҷ ёфтани вазъ хонданд. Қабули боқимондагон ба рӯзи шанбе ба таъхир гузошта шуд. Масъулини пулис мегӯянд, вақте ҷамъомадагон аз 7 нафар зиёд мешавад, аллакай замина барои бетартибиҳо фароҳам мешавад.
Мӯҳр« Март 2024 » | ||||||
---|---|---|---|---|---|---|
Душ | Сеш | Чор | Пан | Ҷум | Шан | Якш |
1 | 2 | 3 | ||||
4 | 5 | 6 | 7 | 8 | 9 | 10 |
11 | 12 | 13 | 14 | 15 | 16 | 17 |
18 | 19 | 20 | 21 | 22 | 23 | 24 |
25 | 26 | 27 | 28 | 29 | 30 | 31 |