Намоишгоҳи байналмилалии китоб дар Тоҷикистон баргузор мегардад.
Интизор меравад, ин чорабинӣ рӯзҳои 25-27 майи соли равон дар бинои Филармони давлатии ба номи Акашариф Ҷӯраев баргузор гардад. Тибқи иттилои вазорати фарҳанги кишвар барои ширкат дар намоишгоҳ сафорату намояндагиҳои кишварҳои хориҷӣ, созмонҳои байналмилали муқими Тоҷикистон ва ташкилоту муассисаҳои ватаниву хориҷии интишоротӣ, тиҷорати китоб, оҷонсиҳои адабӣ ва иттилоотӣ даъват карда мешаванд. Зимнан, дар ҳаҷми 4 метри мураббаъ ҷой ва таҷҳизоти зарурӣ, аз ҷумла ғурфаю қафасаҳо ва рафҳои китобмонӣ ба ихтиёри ҳамаи иштирокчиён ба таври ройгон гузошта мешаванд. Аммо хароҷоти рафтуомад, ҳамлу нақли маводи намоишӣ ва истиқомати ширкаткунандагони хориҷӣ, ки дар намоишгоҳ иштирок мекунанд, аз ҳисоби худи онҳо сурат мегирад. Дархостҳо барои ширкат дар ин чорабинии фарҳангӣ то 15-уми майи соли равон бо нишонии вазорати фарҳанг қабул карда мешаванд.
Мӯҳр