Барои Қӯшунҳои сарҳадии Ҷумҳурии Тоҷикистон ду дидбонгоҳи сарҳадӣ дар наздикии маҳаллаҳои Рибхоз ва Сайёди Вилояти Хатлон ба истифода дода шуд.
Дар ин бора ба Озодагон аз Шӯъбаи равобити бо ҷомеаи Сафорати ИМА дар Душанбе иттилоъ доданд.
Бино ба иттилои манбаъ, дар маросими расмии кушодашавии ин дидбонгоҳҳо Сюзан М. Эллиотт аз номи Бахши ҳамкориҳои ҳарбии Сафорати ИМА ва фармондеҳи Қӯшунҳои сарҳадӣ генерал-лейтенант Шерали Мирзо ширкат варзиданд.
Дидбонгоҳҳои мазкур омодагии марзбонони минтақаро ҷиҳати ҳифзи марзҳои ҷанубии кишвар аз қочоқчиёни маводи мухаддир ва таҳдидҳои дигар ба амниятро тақвият медиҳанд.
Сафир Сюзан Эллиотт афзуд, ки сохтмони дидбонгоҳҳои сарҳадӣ иқтидори марзбонии Ҳукумати Тоҷикистонро ба таври назаррас тақвият медиҳад ва ба таҳким додани фаъолияти марзбонони минтақа низ кӯмак мерасонад.
Мӯҳр