Боз як шаҳрванди Тоҷикистон дар Русия аз сӯи афроди номаълум ба қатл расидааст.
Тавре аз Хадамоти муҳоҷирати Тоҷикистон ба хабаргузории Озодагон иттилоъ доданд, ин куштор рӯзи 15-уми ноябри соли равон дар маҳаллаи Белоусовскии шаҳри Обнински вилояти Калуга ба таври фоҷиавӣ сурат гирифтааст. Марҳум Тоҷибев Зоҳирҷон Алиҷоновичи 19-сола (соли таваллудаш 1993), зода ва сокини шаҳри Турсунзода буда, дар натиҷаи латукӯби бераҳмона ҷони худро аз даст додааст.
Манбаъ мегӯяд, нисбати ин куштор парвандаи ҷиноӣ оғоз гардида, тафтишот идома дорад.Бояд зикр намуд, ин бори аввал нест, ки шаҳрвандони Тоҷикистон аз ҷониби ашхоси номаълум дар Русия кушта мешаванд.
Мӯҳр