Дастгир шудани ноболиғон бо ҷурми фурӯши «хлопушка»

Аз ВКД ба Озодагон иттилоъ доданд, ки зимни ин амалиёт кормандони ҳифзи ҳуқуқи ноҳияи Шоҳмансури Пойтахт ноболиғон-Хуршеди Қирғиззодаи 17 сола ва Ромизи Қиёмиддини 16 сола, хонандагони мактаби миёнаи таҳсилоти умумии №79-ро ҳамчун гумонбар дар муомилоти ғайриқонунии маводи тарфгарӣ дастгир карданд.

Гуфта мешавад, ҳангоми кофтуков аз онҳо 90480 дона «хлопушка» дарёфт ва мусодира карда шуд.

Ҳамчунин дар ноҳияи Бобоҷон Ғафуров ноболиғ Бобоҷон Ҳоҷибоеви 16 сола, хонандаи синфи 10-и мактаби миёнаи таҳсилоти умумии №34 автомашинаи тамғаи «ВАЗ-2107»-ро идора менамуд, ки боздошт карда шуд. Зимни азназаргузаронии автомашинаи мазкур ба миқдори 28800 дона маводи тарфгарӣ д мусоидира карда шуд, ки маводи мазкур ба ноболиғ Хуршед Саломови 16 сола, тааллуқ доштааст.

Манбаъ мегӯяд, дар кӯчаи Рӯдакии пойтахт аз маркази тиҷоратии «Мармариён» Завқибек Сафарови 27 сола дастгир карда шуд, ки ҳангоми кофтуков аз ӯ 2500дона маводи «хлопушка» дарёфт ва мусодира карда шуд.