Бахшҳо
21 июн 2011 04:37Гузориш

300 мухлиси футбол дар ҳавлии як сокини Кӯлоб

Тақрибан 300 нафарро ба ҳавлиям дароварданд ва баъдан як норинҷаки газиро тарконданд, ки дар натиҷа аз пои ростам чанд захм бардошта аз по афтидам, гузашта аз ин хонаам низ хароб гардид,мегӯяд Карим Гулмадов



Карим Гулмадов, як сокини шаҳри Кӯлоб иддао дорад, ки рӯзи 14-уми июн дар нисбаташ мақомот бадрафторӣ кардаанд. «Кормандони ОМОН ҳангоми бетартибиҳои  баъди бозии футболи шаҳри Кулоб тақрибан 300 нафар мухлисро ба ҳавлии истиқоматии ман дароварданд ва баъдан як норинҷаки газиро тарконданд, ки дар натиҷа аз пои ростам чанд захм бардошта, аз по афтидам ва гузашта аз ин хонаам низ хароб гардид», мегӯяд Карим Гулмадов, сокини кӯчаи 1-уми майи шаҳри Кӯлоб. Зимни сӯҳбат бо хабарнигори маҳаллии «Озодагон» номбурда афзуд, ки хонаи ӯ наздики роҳи мошингард, тақрибан дар фосилаи 500 метр ба варзишгоҳ мебошад, ки аснои таркиши норинҷаки омончиён фарзандон ва бародараш низ дар ҳавлӣ будаанд ва то ҳол аз садои баланд метарсанд.

Ба қавли Гулмадов, баъди аз по афтидан кормандони милиса ӯро ба мошинашон ба беморхона мебаранд. Гулмадов аз он изҳори нигаронӣ мекунад, ки то ҳол касе аз масъулин ба воқеаъи ба сари ӯ омада таваҷҷӯҳ накардаанд. Ӯ мегӯяд, акнун кӣ ҷуброни зарари ҷисмонию иқтисодии ба сари ӯ омадаро мепардохта бошад?   Гулмадов афзуд, бигузор кормандони мақомоти интизомӣ, ки ба ӯ зарар расонидаанду хонааш хароб гардидааст, баробари ҷавонони мухлиси футбол ба ҷавобгарӣ кашида шаванд. Маврид ба тазаккур аст, ки аз ҳодисаи рухдода модари Карим Гулмадов низ тарсида, ҳоло вазъи саломатиаш нохуб аст.

Прокуратураи генералӣ ҳам дар ҷараён аст

Ин дар ҳолест, ки додситонии шаҳри Кӯлоб нисбат ба 8- тан аз мухлисони дастаи «Равшан» парвандаи ҷиноӣ боз кардааст. Ба қавли мақомоти ҳифзи ҳуқуқ ин ашхос дар  бетартибиҳои шаби 14-уми июн,  пас аз бозии «Равшан»-у «Истиқлол»  рухдода гӯё даст доштанд. Ба иттилои ғайрирасмӣ, аз ҳамон шаб сар карда то  як чанд рӯзи дигар  кормандони мақомоти интизомӣ  бо истифода аз наворҳои сабт гардида,  беш аз 60 нафар  сокинони шаҳрро, ки  ба мухлисӣ рафта буданду  дар  бетартибӣ  бевосита иштирок карданд,  боздошт намуда  ба шӯъбаи корҳои дохила оварданд. Баъди тафтишот ва корҳои фаҳмондадиҳӣ  аксари  боздоштшудагон озод карда шуданд.Тибқи итилои прократура 5 нафар  аз боздоштшудагон бо моддаи 237 кодекси ҷиноятии Ҷумҳурии Тоҷикистон (авбошӣ)  ва 3 тани дигар бо модаи 255, яъне барқасдона расонидани зарар  муттаҳам дониста мешаванд. Дар ин маврид тафтишоти пешакӣ ҳанӯз идома дорад.

Дар ҳамин ҳол, корманди масъули додситонии шаҳри Кӯлоб, ки номаш махфӣ монд ба хабарнигори маҳаллии «Озодагон» гуфт, қазияи бетартибиҳои пас аз футболи рӯзи 14-уми июн зери назорати бевоситаи прокуратураи генералӣ қарор дошта, нисбати кормандони низомӣ, ки болои  мухлисон пакетҳои газӣ партофтаанд низ парвандаи ҷиноӣ ифтитоҳ шудааст.

Ёдрас менамоем, пас аз бозии футбол дар рӯзи 14-уми июни соли равон, ки миёни тимҳои «Равшан»-и Кӯлоб ва «Истиқлол»-и Душанбе сурат гирифт, дар шаҳри Кӯлоб бетартибӣ сар зада, бойиси бархӯрди мухлисон ва мақомоти интизомӣ гардид. Тафтишоти қазияи мазкур алъон идома дорад.

{jathumbnail off}

Мӯҳр
Эзоҳ илова кунед
Номи шумо:
Почтаи электронии шумо:
  • bowtiesmilelaughingblushsmileyrelaxedsmirk
    heart_eyeskissing_heartkissing_closed_eyesflushedrelievedsatisfiedgrin
    winkstuck_out_tongue_winking_eyestuck_out_tongue_closed_eyesgrinningkissingstuck_out_tonguesleeping
    worriedfrowninganguishedopen_mouthgrimacingconfusedhushed
    expressionlessunamusedsweat_smilesweatdisappointed_relievedwearypensive
    disappointedconfoundedfearfulcold_sweatperseverecrysob
    joyastonishedscreamtired_faceangryragetriumph
    sleepyyummasksunglassesdizzy_faceimpsmiling_imp
    neutral_faceno_mouthinnocent
ХАБАРҲОИ ОХИРИН
Баҳси пурзӯр кардани ҳифзи сарҳади Тоҷикистону Афғонистон дар дидори Э.Раҳмон ва ҳайати парлумони Аврупо10:09Оғози фурӯши смартфонҳои iPhone 8 ва iPhone 8 Plus!09:49БО ЗАБОНИ ШЕЪР: Ман зи андешаи турконаи як ҳамватанам метарсам...15:34Чаро ҳукумат ҳамеша ба ТАЛКО имтиёз медиҳад?14:16“Шантаж”-и ҳамсар: Аз ҳаққи модарӣ даст накашӣ расвоят мекунам10:27Баҳси буҷа: Аз қарзи маош то қарзи хориҷӣ11:57Сарвазири Тоҷикистон бо Президенти Узбакистон мулоқот мекунад11:05Ҳимояти СММ аз cарбози тоҷики пайрави “Шоҳидони Яҳво”, ки либоси низомиро рад кард10:38АКС+ВИДЕО. Нахустин анҷумани маъюбони Тоҷикистон дар Душанбе11:51Маҷлис: Аз тағйироти кадрӣ то ваъдаи 80 мансабдор барои пулдиҳӣ аз кисаи худ15:46100 метр дуртар: Тамокукашӣ маҳдудтар шуд13:21Аз парвандаи Маҳмудов то муроҷиати ҷабрдидагони "7 бурҷ": Роҳкиро надорем (ВИДЕО)11:18Пешниҳоди журналисти тоҷик ба раҳбарони кишварҳои ҷаҳон: 2018-ро соли беяроқӣ эълон кунем!09:33Агентии зидди коррупсия гуфт, “Умед-88” ва Вазорати молия аз “Роғун” қарз гирифтаанд08:01Таърихи имрӯз: Мавлуд, ҷашн, санаҳои таърихӣ, дамои ҳаво, бозори арз07:44
ТАҚВИМ
«    Март 2024    »
ДушСешЧорПанҶумШанЯкш
 123
45678910
11121314151617
18192021222324
25262728293031
БОЙГОНӢ
Ноябр 2017 (5)
Октябр 2017 (192)
Сентябр 2017 (257)
Август 2017 (314)
Июл 2017 (301)
Июн 2017 (269)