Барои бори дигар дар Тоҷикистон дастрасӣ ба шабакаи иҷтимоии Facebook тариқи бархе аз провайдерҳои интернетрасон маҳдуд гардид.
Дар ҳамин росто хабарнигори Озодагон аз Асомуддин Атоев, сарвари Академияи иттилоот ва коммуникатсияи Тоҷикистон суол кард, ки ин дафъа чӣ омиле боиси тасмими навбатӣ гардид? Оқои Атоев иброз дошт, ки дар ҳамин ҳол, барои бастани шабакаи иҷтимоии Facebook аз сӯи Хадамоти давлатии алоқаи Тоҷикистон пайёмак расидааст, аммо бештари ширкатҳо, аъзоёни Ассотсиатсияи провайдерони интернет мунтазири мактуби расмӣ мебошанд.
-Айни замон дастрасӣ ба шабакаи иҷтимоии Facebook тариқи провайдери «Истэра» номумкин аст. Дар мавриди баста шудани сайтҳои кишвар пайёмак наомадааст, лекин аз аз рӯи шунидам дастраси ба 4 сомона, аз ҷумла Озодӣ, Топ.тҷ ва дутои дигар бояд маҳдуд карда шаванд.”
Ёдовар мешавем, ки барои аввалин бор нест, ки чунин тасмим дар кишвари мо «роҳандозӣ» мешавад, вале имсол аз аввали соли равон шурӯъ гардид. Тайи соли гузашта, дар Тоҷикистон дастрасӣ ба «Фейсбук» ду дафъа маҳдуд шуда, ҳудуди 30 сомонаи дигар то ҳол дар кишвар дастнорасанд.
Мӯҳр