Шовалӣ Қаландаров, раиси Шӯрои маркази ҷамъияти тарбияи ҷисмонӣ ва варзиши иттифоқҳои касабаи Тоҷикистон аз муносибати нохуби раиси Кумитаи ҷавонон варзиш ва сайёҳии назди ҳукумати ҷумҳурии Тоҷикистон нигаронӣ мекунад.
Номбурда аснои сӯҳбат бо хабарнигори Озодагон гуфт: “Ҳар моҳ ба ҷамъияти мо 2.380 сомонӣ ҷудо карда мешавад, ки ба ин маблағ мо ҳамаи кормандонамонро маош дода наметавонем. Аз ҳамин хотир, як ду толори “Қасри варзиш”-ро иҷора ва як чанд утоқи кории дигарро низ иҷора додаем, то ки аз ҳисоби маблағҳои иҷора боқимондаи коргарҳоямонро маош диҳему ҳаққи барқу обу хизматрасонии коммуналиро пардохт кунем”.
Дар ҳамин ҳол, Алимаҳмад Мирзоев, муовини раиси Кумитаи ҷавонон варзиш ва сайёҳии кишвар мегӯяд, агар масъулини Шӯрои маркази ҷамъияти тарбияи ҷисмонӣ ва варзиши иттифоқҳои касабаи Тоҷикистон воқеан ҳам фаъол асту фаъолият дорад, назди мо биёянд, ягон пешниҳод дошта бошанд, мо омодаем, ки бо онҳо ҳамкорӣ кунем:
“Аввал ин ки худи онҳо боре назди мо наомаданд, ки бо мо ҳамкорӣ кунанд. Агар онҳо назди мо биёянд, чӣ хел мо дастгирӣ намекунем. Касе, ки назди мо омадааст, мо ҳамаи онҳоро дастгирӣ мекунем. Барои ҳамин онҳо худашонро зӯр мегиранд”.
Тафсилоти бештарро аз гузориши хабарнигорамон мутолиа намоед: https://www.ozodagon.com/g/item/16908
Мӯҳр