Сафорати Иёлоти Муттаҳида Амрико дар Тоҷикистон дар робита ба нақзи ҳуқуқи журналистон баёнияи расмӣ пахш кард.
Дар ин изҳорот, ки субҳи имрӯз, 5-уми феврал унвонии кулли расонаҳои кишвар ва мақомоти масъули ҳукумати Тоҷикистон ироа гардидааст, аз ҳукумати кишвар даъват мешавад, ки "озодии матбуотро эҳтиром намуда, механизми аён ва шаффофи марбут ба сабти номи хабарнигоронро таъсис диҳад".
Ҳамзамон, дар идомаи матлаб омадааст, ки ИМА, мунтазам озодии сухан, васоити ахбори омма ва ҳуқуқи хабарнигоронро бо мақсади фаъолияти бидуни тарс, сензура ва таъқиботи сиёсӣ, дастгирӣ менамоянд: «Мо, Сафорати Амрико, ҳамеша нигаронии худро оиди муносибат бо хабарнигорон дар Ҷумхурии Тоҷикистон, минҷумла бо ҷаноби Абдуқаюм Қаюмзод бо Ҳукумати Ҷумҳурии Тоҷикистон, матраҳ менамоем».
Маврид ба ёдоварист, ҳафтаи гузашта садорати Радиои «Озодӣ», ки аз сӯи Конгресси ИМА маблағгузори мешавад ва дар аксари кишварҳои дунё намояндагиашро дорад, бо пахши баёнияе аз сабти ном нашудани Абдуқаюми Қаюмзод, хабарнигори бахши тоҷикии радио аз сӯи Вазорати умури хориҷаи Тоҷикистон иттилоъ дод.
Мӯҳр