Бахшҳо
12 сен 2011 06:57Гузориш

«Ҳомиён» киро пантуркист мекунад?

Гурӯҳе аз соҳибназарон  бар ин боваранд, ки студияи «Ҳамсадо» бо филмҳои тарҷумакардааш теша ба решаи миллат мезанад. Аммо корманди ин студия мегӯяд, моро танқид мекунанд, ки мо ин корро махсус барои пул кор кардан мекунем. Агар мақсади мо пул кор кардан мебуд, мо филмҳоеро мегирифтем, ки ба маданияти мо номувофиқ буд.


Студияи «Ҳамсадо»  эълон дошт, ки панҷ нафар аз ҳунармандони силсилафилми «Ҳомиён»-ро бо интихоби мухлисон ба Тоҷикистон даъват ҳоҳад кард. Ба ин муносибат дар толори бузурги кохи «Борбад» шоу-барномаеро бо унвони «Истиқлол» низ баргузор карданианд. Хабари омад-омади панҷ нафар аз хунармандони филми «Ҳомиён» аз ҷумла Йигит, Ҳалима, Наҷиб-сардор, Мемду ва Хайрӣ ба Тоҷикистон баҳсҳоро атрофи филмҳои туркӣ ва мӯҳтавои онҳову рисолаташон  зиёд кард. Оё ин филмҳо дар ҳақиқат филмҳои ахлоқиву тарбиявианд ё филмҳои зӯроварию хушунат? Ин филмҳо ба тафаккури миллати тоҷик чӣ зарар доранд? Ин суолҳоеанд, ки посухи худро аз масъулин интизоранд.

Студияи «Ҳамсадо»: Мақсади мо пул кор кардан нест!

Студияи «Ҳамсадо» дар Тоҷикистон яке аз аввалин студияҳое мебошад, ки ба тарҷумаи филмҳои туркӣ оғоз кард ва метавон гуфт, ки то ҷое муваффақ ҳам шуд. Гурӯҳе аз соҳибназарон  бар ин боваранд, ки студияи «Ҳамсадо» бо филмҳои тарҷумакардааш  теша ба решаи миллат мезанад. Корманди студияи мазкур, ҳамзамон коргардони ин филм дар сӯҳбат бо мо гуфт, имрӯзҳо моро зиёд танқид мекунанд, ки чаро филмҳои туркиро тарҷума кардем. Бархеи дигар бар ин назаранд, ки мо ин корро махсус барои пул кор кардан мекунем. Агар мақсади мо пул кор кардан мебуд, мо филмҳоеро мегирифтем, ки ба маданияти мо номувофиқ буд. Мисли ҳамсоякишварамон Ӯзбакистон филмҳоеро тарҷума мекардем, ки дар онхо амалҳои ғайриахлоқӣ зиёд ба назар мерасанд. Филмҳои тарҷума кардаи мо аслан дар худ амалҳои фаҳшонӣ ва зӯроварӣ надоранд. Баръакс, филмҳои мо чӣ гуна дӯст доштани ватан ва дар ин роҳ чӣ гуна ранҷ кашиданро нишон медиҳад. То куҷо дуруст будани суханони ин корманди студияи «Ҳамсадо»-ро ба қазовати хонанда ва тамошобинони филмҳои туркӣ мегузорем. Вале иқрор бояд шуд, ки филмҳои турки имруз тавонистанд дар ҷомеа мавқеи худро пайдо намоянд. Аз мушоҳидаҳо байни мардум ба чунин хулоса омадан мумкин аст, ки онҳо филмҳои туркиро болотар аз филмҳои русиву узбекиву ҳиндӣ медонанд ва ҳар қисмати тарҷумашудаи ин филмҳоро интизоранд. Мухлисони филм мегӯянд, ки тарҷумаи ин филмҳо дар ҳақиқат хеле олӣ аст ва ба шукӯҳи филм шукӯҳ зам мекунад.

Кинои тоҷик: «Аз мурдаҳо хам мурдатар»

Аммо коршиноси дигаре, ки нахост номаш ифшо шавад дар як сӯҳбати худ     изҳор дошт, ки дар филмҳои туркӣ ваҳшоният ҷой дорад. Яъне чӣ гуна ба қатл расонидани инсонро сароҳатан нишон медиҳанд, ки ин ба тафаккури аҳли ҷомеа, бахусус наврасону ҷавонон бетаъсир намемонад. Саволе ин ҷо ба миён меояд, ки сабаби ба тезӣ паҳн шудани филмҳои туркӣ дар Тоҷикистон дар чӣ аст? Ё чаро филмҳои истеҳсоли Тоҷикистон наметавонанд, дар хориҷа куҷо, аққалан дар ҷомеаи Тоҷикистон мавқеи худро пайдо кунанд?
Таҳлилгарон дар ин бора назарҳои гуногун доранд. Аз ҷумла коршиноси соҳаи кино ва ҳамчунин коргардон Далер Раҳматов мегӯяд, сабаби асосии қафомонии кинои точик ин нарасидани кадрҳои баландихтисос  дар ин соҳа мебошад. Мутаассифона, кадрҳое, ки дар Тоҷикистон тайёр мешаванд ба талабот чавоб дода наметавонанд. Илова бар ин имрӯзҳо дар донишгоҳҳои хориҷӣ аз Тоҷикистон дар соҳаи кино кам нафарон таҳсил мекунанд. Бе набудани мутахассисон мо наметавонем, ин соҳаро пеш барем. Зеро ин соҳа кори ҷиддиро меҳоҳад, на кори таваккалиро. Барои пеш бурдани соҳаи кино мо бояд дар мадди аввал ба тайёр намудани мутахассисони хуб диққат дихем. Зарур аст, мавзӯъҳоеро интихоб намоем, ки ба мардум наздик бошанд то онҳоро ҷомеъа хуш кабул намояд.
Коргардони дигари тоҷик Носир Сайид, ки филми «Қиёми рӯз» моли ӯст мегӯяд,   дар ҳоли ҳозир мутаассифона дар кинои тоҷик мавзӯъҳоеро мегиранд, ки ба халқ наздик нестанд. Имрӯзҳо дар байни коргардонхои тоҷик чунин ақидаи нодуруст мавҷуд аст, ки агар дар филм артистони машҳур нақш офаранд, филми онҳо машҳур мешаваду онҳо фиттаҳои филмро зиёд мефӯрушанд. Инро бошад, онҳо барои худ муваффақият меҳисобанд. Носир Саидов мегӯяд зарур аст, мавзӯъҳоеро интихоб намоем,ки ба мардум наздик бошанд, то онҳоро мардум хуш қабул намояд. Сабаби асосии ба тезӣ паҳн шудани филмҳои туркиро дар Тоҷикистон Носир Саидов дар холӣ будани бозор медонад. Ӯ мегӯяд ,мардум чизеро тамошо бояд кунад ва чун мебинад, ки хостаҳои худро аз филмҳои тоҷикӣ дарнаёфт, рӯй меорад ба филмҳои туркиву дигар филмҳои хориҷӣ.

Муллораҷаб Юсуфӣ{jathumbnail off}
Мӯҳр
Ачали турк
Эй бесаводон ин филми Хомиёнатон тахкири халки хамзабони курди мост на ход шумо туркони точикшуда инро нафахмед?Он чизеро,ки афсарони турк соли 1924 нисбати мо точикон раво дидаанд бояд хеч гох фаромуш накунем.На давлаташон,на дустияшон,на хаммазхабияшон на ягон чизашон бамо лозим нест.Онхо максадхои дуру дароз ва аники зиддиточики доштанд,доранд ва хоханд дошт!

Эзоҳ илова кунед
Номи шумо:
Почтаи электронии шумо:
  • bowtiesmilelaughingblushsmileyrelaxedsmirk
    heart_eyeskissing_heartkissing_closed_eyesflushedrelievedsatisfiedgrin
    winkstuck_out_tongue_winking_eyestuck_out_tongue_closed_eyesgrinningkissingstuck_out_tonguesleeping
    worriedfrowninganguishedopen_mouthgrimacingconfusedhushed
    expressionlessunamusedsweat_smilesweatdisappointed_relievedwearypensive
    disappointedconfoundedfearfulcold_sweatperseverecrysob
    joyastonishedscreamtired_faceangryragetriumph
    sleepyyummasksunglassesdizzy_faceimpsmiling_imp
    neutral_faceno_mouthinnocent
ХАБАРҲОИ ОХИРИН
Баҳси пурзӯр кардани ҳифзи сарҳади Тоҷикистону Афғонистон дар дидори Э.Раҳмон ва ҳайати парлумони Аврупо10:09Оғози фурӯши смартфонҳои iPhone 8 ва iPhone 8 Plus!09:49БО ЗАБОНИ ШЕЪР: Ман зи андешаи турконаи як ҳамватанам метарсам...15:34Чаро ҳукумат ҳамеша ба ТАЛКО имтиёз медиҳад?14:16“Шантаж”-и ҳамсар: Аз ҳаққи модарӣ даст накашӣ расвоят мекунам10:27Баҳси буҷа: Аз қарзи маош то қарзи хориҷӣ11:57Сарвазири Тоҷикистон бо Президенти Узбакистон мулоқот мекунад11:05Ҳимояти СММ аз cарбози тоҷики пайрави “Шоҳидони Яҳво”, ки либоси низомиро рад кард10:38АКС+ВИДЕО. Нахустин анҷумани маъюбони Тоҷикистон дар Душанбе11:51Маҷлис: Аз тағйироти кадрӣ то ваъдаи 80 мансабдор барои пулдиҳӣ аз кисаи худ15:46100 метр дуртар: Тамокукашӣ маҳдудтар шуд13:21Аз парвандаи Маҳмудов то муроҷиати ҷабрдидагони "7 бурҷ": Роҳкиро надорем (ВИДЕО)11:18Пешниҳоди журналисти тоҷик ба раҳбарони кишварҳои ҷаҳон: 2018-ро соли беяроқӣ эълон кунем!09:33Агентии зидди коррупсия гуфт, “Умед-88” ва Вазорати молия аз “Роғун” қарз гирифтаанд08:01Таърихи имрӯз: Мавлуд, ҷашн, санаҳои таърихӣ, дамои ҳаво, бозори арз07:44
ТАҚВИМ
«    Март 2024    »
ДушСешЧорПанҶумШанЯкш
 123
45678910
11121314151617
18192021222324
25262728293031
БОЙГОНӢ
Ноябр 2017 (5)
Октябр 2017 (192)
Сентябр 2017 (257)
Август 2017 (314)
Июл 2017 (301)
Июн 2017 (269)