Бахшҳо
27 фев 2012 09:45Гузориш

«Белорус» дар Кӯлоб

Як мавзеъ дар Душанбе, ду ҷой дар ноҳияи Данғара ва ахиран корхонаи «Козто»-и шаҳри Кӯлоб пешниҳоди ҳамкорон шуда буд. Ахиран, интихоб болои «Козто» қарор гирифт…

 

Дар шаҳри Кӯлоб, корхонаи истеҳсоли тракторҳои тамғаи «Белорус-82» ба роҳ монда мешавад. Дар ин бора Рустам Неъматов, муовини раиси шаҳри Кӯлоб иттилоъ дод.

Маврид ба ёдоварист, ҳанӯз ахири соли 2011-ум ҷониби Тоҷикистон ва ҷумҳурии Белорус дар як созишномаи муштарак ба мувофиқа омада буданд, то дар Тоҷикистон  корхонаи истеҳсоли тракторро ба роҳ монанд. Зимнан, даҳаи дуюми декабри соли гузашта, санади марбута бо имзои президенти ҷумҳурии Белорус   оид ба дида баромадан ва кӯмак намудан барои истеҳсол ва баровардани тракторҳо дар ҳудуди вилояти Хатлони ҷумҳурии Тоҷикистон («Рассмотрет  вопрос об организатсии сборочного производства тракторов в Хатлонской области республике Таджикистан») ба нашр расид.

Ба ҳамин хотир, намояндагони заводи тракторбарории Белорус  аз корхонаи «Кӯлоб-Сомон-таҷҳизот»-и шаҳри Кӯлоб (дар гузашта заводи машҳури СССР «Козто») дидан карда, онро мувофиқ ба мақсад донистанд. Зеро ҳамин корхона, тақрибан ба ҳамаи талаботи мутахассисони белорусӣ ҷавобгӯ будааст.

Пеш аз ҳама, корхона, ки дар гузашта низ ба баровардани техникаву таҷҳизоти технологӣ фаъолият мекард, дорои майдони фароху васеъ, биноҳои барҳаво барои коркарди ҳар гуна металлу оҳан ва таҷҳизоту техника, таҷҳизоти зарурии техникӣ, электрокранҳо, бинои рангзании техникӣ, бинои санҷишӣ, таҷҳизоти ҳаводории беш аз 6 атмосфера ва дигар шароити мусоид мебошад.

Гузашта аз ин, барои ҳамкорони белорусӣ мавқеи ҷойгиршавии корхона низ мувофиқ омадааст. Зеро он дар назди истгоҳи роҳи оҳан қарор дорад, ки бевосита барои воридоти ҳар гуна маҳсулоту таҷҳизоти  корӣ, инчунин дар ҳолати содирот низ нақши муҳим мебозад. Инчунин, шаҳри Кӯлоб, ки наздик ба сарҳади ҷумҳурии Афғонистон мавқеъ дорад, бо барориши тракторҳо метавонад, онро ба кишоварзони ин давлат ва низ ба ҷумҳурии Покистон, ки харидори тракторҳои Белорус  будаанд, бе мамониат содир намояд.

Бурди ду ҷониб

Вазорати кишоварзӣ ва вазорати саноати Тоҷикистон барои фаъолияти муштараки ин корхонаи тоҷикистону белорус дар мавриди барориши тракторҳои кишоварзӣ 4 минтақаро пешниҳод карда буданд: Як мавзеъ дар Душанбе, 2 ҷой дар ноҳияи Данғара ва  корхонаи «Козто»-и шаҳри Кӯлоб.

Ба қавли Рустам Неъматов,  муовини райиси шаҳри Кӯлоб, мутахиссисони белорусӣ аз ҳамаи ин ҷойҳо корхонаи «Кӯлоб-Сомон-таҷҳизот»-ро  ихтиёр кардаанд.

Тибқи шартномаи тарафайн, то рӯзи 15-уми апрел ҷониби корхонаи «Кӯлоб-Сомон-таҷҳизот» пешниҳоди ҷониби заводи тракторбарории Белорусро ба анҷом расонида, дархост ирсол менамояд. Намояндагии заводи белорус баъди пурра иҷро гаштани дархосту талаботҳояшон ба фаъолият оғоз хоҳанд кард.

Дар марҳилаи аввал, дар корхонаи муштарак истеҳсол ва барориши 500 трактор дар як сол ба нақша гирифта шуда аст. Баъдан, ҳамин корхона қудрати ҷамъу гир ва истеҳсоли то яку ним ҳазор тракторро дар як сол дорад, ки метавонад онро ба ҷамоҳири Афғонистону Покистон ба савдо барорад.

Коршиносон мегӯянд, созишномаи муштараки корӣ ҳам барои тоҷикон ва ҳам барои ҷониби Белорус манфиатовар мебошад. Агар аз як тараф, ҷониби Тоҷикистон, ки дар шароити ҳозира эҳтиёҷ ба ин гуна корхона доштаву гузашта аз ин, даҳҳо ҷойҳои корӣ барои сокинон муҳайё мегардад, барои белорусҳо ҳам аз як тараф фаъолияти густардаи байнидавлатӣ ва ҳам ҷалби қувваи кории арзон фоидаи бештаре меоварад.

Аслиддин Достиев

Мӯҳр
Эзоҳ илова кунед
Номи шумо:
Почтаи электронии шумо:
  • bowtiesmilelaughingblushsmileyrelaxedsmirk
    heart_eyeskissing_heartkissing_closed_eyesflushedrelievedsatisfiedgrin
    winkstuck_out_tongue_winking_eyestuck_out_tongue_closed_eyesgrinningkissingstuck_out_tonguesleeping
    worriedfrowninganguishedopen_mouthgrimacingconfusedhushed
    expressionlessunamusedsweat_smilesweatdisappointed_relievedwearypensive
    disappointedconfoundedfearfulcold_sweatperseverecrysob
    joyastonishedscreamtired_faceangryragetriumph
    sleepyyummasksunglassesdizzy_faceimpsmiling_imp
    neutral_faceno_mouthinnocent
ХАБАРҲОИ ОХИРИН
Баҳси пурзӯр кардани ҳифзи сарҳади Тоҷикистону Афғонистон дар дидори Э.Раҳмон ва ҳайати парлумони Аврупо10:09Оғози фурӯши смартфонҳои iPhone 8 ва iPhone 8 Plus!09:49БО ЗАБОНИ ШЕЪР: Ман зи андешаи турконаи як ҳамватанам метарсам...15:34Чаро ҳукумат ҳамеша ба ТАЛКО имтиёз медиҳад?14:16“Шантаж”-и ҳамсар: Аз ҳаққи модарӣ даст накашӣ расвоят мекунам10:27Баҳси буҷа: Аз қарзи маош то қарзи хориҷӣ11:57Сарвазири Тоҷикистон бо Президенти Узбакистон мулоқот мекунад11:05Ҳимояти СММ аз cарбози тоҷики пайрави “Шоҳидони Яҳво”, ки либоси низомиро рад кард10:38АКС+ВИДЕО. Нахустин анҷумани маъюбони Тоҷикистон дар Душанбе11:51Маҷлис: Аз тағйироти кадрӣ то ваъдаи 80 мансабдор барои пулдиҳӣ аз кисаи худ15:46100 метр дуртар: Тамокукашӣ маҳдудтар шуд13:21Аз парвандаи Маҳмудов то муроҷиати ҷабрдидагони "7 бурҷ": Роҳкиро надорем (ВИДЕО)11:18Пешниҳоди журналисти тоҷик ба раҳбарони кишварҳои ҷаҳон: 2018-ро соли беяроқӣ эълон кунем!09:33Агентии зидди коррупсия гуфт, “Умед-88” ва Вазорати молия аз “Роғун” қарз гирифтаанд08:01Таърихи имрӯз: Мавлуд, ҷашн, санаҳои таърихӣ, дамои ҳаво, бозори арз07:44
ТАҚВИМ
«    Март 2024    »
ДушСешЧорПанҶумШанЯкш
 123
45678910
11121314151617
18192021222324
25262728293031
БОЙГОНӢ
Ноябр 2017 (5)
Октябр 2017 (192)
Сентябр 2017 (257)
Август 2017 (314)
Июл 2017 (301)
Июн 2017 (269)