Бахшҳо
25 май 2012 07:08Гузориш

«Зари Кӯлоб»-ро дуздиданд. Корхонаро муфлисшавӣ таҳдид мекунад

Дуздон маҳсулоти заргариро дар ҷомадони чархакдори сардори корхона бор карда, озодона баромада рафтанд.

Шаби 18-уми май шахсони номаълум ба корхонаи воҳиди давлатии «Зари Кӯлоб» даромада, маҳсулоти тайёри истеҳсолшударо ба яғмо бурдаанд. Тибқи иттилои Шоҳқурбон Ҳакимов, сардори корхона, зиёда аз 20 намуди маҳсулоти нуқрагин бо вазни умумии 9 килову 384 грам, ки бо супориши мизоҷон ба тарзи навъи қадимаи суннатӣ сохта шуда буд, рабуда шудааст. Маҳсулот иборат аз гушвора, дастпона, ҳалқаву гарданбанд, ангуштарину садаф будааст.

«Дуздон ҳамаро бурдаанд. Ба болои маҳсулоти тайёр, боз як килову 432 грам ашёи хом низ ба яғмо рафтааст. Маблағи умумии дуздидашудаи маҳсулоти тайёр 126 ҳазор сомонӣ ва ашёи хом наздик ба 8 ҳазор сомониро ташкил медод. Танҳо чанд грам нуқрае, ки аз аҳолӣ барои коркард гирифта будему тасодуфан паси сатили хошокпартоӣ буд, аз назари ғоратгарон дур мондааст», -гуфт Шоҳқурбон Хакимов.
Манбаъ афзуд, субҳи ҳамон рӯз ба шӯъбаи корҳои дохилӣ муроҷиат кардаанд. Аммо бо гузашти 7 рӯз ҳанӯз ҳам қазия ҳали худро намеёбад.

Ба андешаи Ҷумъахон Самадов, як корманди ҳамин корона ва дар гузашта корманди милиса, дарёфти дуздон усулан мушкил нест. Тадқиқоту кофтукоби зиёдатӣ ҳам тақрибан зарур намеояд. Зеро ба дурустӣ маълум аст, ки дуздон ба болои боми осорхона, ки корхонаи заргарӣ дар як гӯшаи он қарор дорад, баромада, тақрибан 50 метр харақат намуда аз даричаи болои корхона, ки ба бом мебарояд, фуруд омадаанд. Дар ин маврид, изи пойҳои дуздон зери зинапояи оҳанин баръало муайян аст. Баъдан, 6 дари утоқи корхонаро шикаста вориди он гашта, 3 сандуқи оҳанин ва як сейфи оҳанинро ҳам шикаставу маҳсулотро гирифтаанд. Воқеан, сейф ва сандуқҳои оҳанинро бо як кулулаи калони оҳанини худи устоҳо шикастаанд. Мусаллам аст, дуздон на 10-20 дақиқа, балки шояд соатҳо кор карда бошанду аҷиб буд, ки садои баланди задани оҳан ба оҳанро на посбон ва на милисаи дарбон нашунидаанд.

Номбурда меафзояд: «Ғоратгарон моли дуздиашонро ба ҷомадони чархакдори корхона андохта, онро озод гирифта бо роҳи даричаи ба бом мебаромада берун шуда, тор-тори бом ҷомадонро кашида, ба воситаи зинапояи дигари оҳанин, ки аз утоқи кории суратгирхона мебарояд, поин шуда фирор кардаанд. Изи чархакҳои ҷомадон дар болои бом низ ба пуррагӣ муайян мебошад. Аммо аз чӣ бошад, ки кормандони шӯъбачаи кофтукоби ШКД-и шаҳр, ҳамаи инро нодида мегиранд, дар ҳоле ки он далели шайъӣ мебошад».

Шоҳқурбон Ҳакимов мегӯяд, рӯзҳои наздик маҳсулоти истеҳсолиро ба як намоишгоҳ ба шаҳри Душанбе мебурданд. Дар ин намоишгоҳ, ки бо ташаббуси Вазорати энергетика ва саноати Тоҷикистон доир мегардад, намояндаҳои мамолики хориҷӣ низ иштирок менамоянд. «Маҳсулоти омоданамудаи мо иборат аз намудҳои гуногуни нуқравӣ, ки бо усули суннатии қадима тайёр шуда буд, бояд маърази тамошо қарор мегирифт. Аз ин хотир, кормандони корхона ҳамаи маҳсулот, коркарди яксолаи корхонаро дар ду тахтаи махсус омода карда буданд. Дигар дар корхона на маҳсулот мондаасту на ашёи хом ва низ на маблағи пулӣ»,-илова кард номбурда.
Ба андешаи ӯ эҳтимоли аз фаолият бозмондани корхона ҳам мавҷуд аст. Ин дар ҳолест, ки ин ҷо наздик ба 40 ҷавон бо кор таъмин ҳастанд.

Аслиддин Достиев
Мӯҳр
Эзоҳ илова кунед
Номи шумо:
Почтаи электронии шумо:
  • bowtiesmilelaughingblushsmileyrelaxedsmirk
    heart_eyeskissing_heartkissing_closed_eyesflushedrelievedsatisfiedgrin
    winkstuck_out_tongue_winking_eyestuck_out_tongue_closed_eyesgrinningkissingstuck_out_tonguesleeping
    worriedfrowninganguishedopen_mouthgrimacingconfusedhushed
    expressionlessunamusedsweat_smilesweatdisappointed_relievedwearypensive
    disappointedconfoundedfearfulcold_sweatperseverecrysob
    joyastonishedscreamtired_faceangryragetriumph
    sleepyyummasksunglassesdizzy_faceimpsmiling_imp
    neutral_faceno_mouthinnocent
ХАБАРҲОИ ОХИРИН
Баҳси пурзӯр кардани ҳифзи сарҳади Тоҷикистону Афғонистон дар дидори Э.Раҳмон ва ҳайати парлумони Аврупо10:09Оғози фурӯши смартфонҳои iPhone 8 ва iPhone 8 Plus!09:49БО ЗАБОНИ ШЕЪР: Ман зи андешаи турконаи як ҳамватанам метарсам...15:34Чаро ҳукумат ҳамеша ба ТАЛКО имтиёз медиҳад?14:16“Шантаж”-и ҳамсар: Аз ҳаққи модарӣ даст накашӣ расвоят мекунам10:27Баҳси буҷа: Аз қарзи маош то қарзи хориҷӣ11:57Сарвазири Тоҷикистон бо Президенти Узбакистон мулоқот мекунад11:05Ҳимояти СММ аз cарбози тоҷики пайрави “Шоҳидони Яҳво”, ки либоси низомиро рад кард10:38АКС+ВИДЕО. Нахустин анҷумани маъюбони Тоҷикистон дар Душанбе11:51Маҷлис: Аз тағйироти кадрӣ то ваъдаи 80 мансабдор барои пулдиҳӣ аз кисаи худ15:46100 метр дуртар: Тамокукашӣ маҳдудтар шуд13:21Аз парвандаи Маҳмудов то муроҷиати ҷабрдидагони "7 бурҷ": Роҳкиро надорем (ВИДЕО)11:18Пешниҳоди журналисти тоҷик ба раҳбарони кишварҳои ҷаҳон: 2018-ро соли беяроқӣ эълон кунем!09:33Агентии зидди коррупсия гуфт, “Умед-88” ва Вазорати молия аз “Роғун” қарз гирифтаанд08:01Таърихи имрӯз: Мавлуд, ҷашн, санаҳои таърихӣ, дамои ҳаво, бозори арз07:44
ТАҚВИМ
«    Март 2024    »
ДушСешЧорПанҶумШанЯкш
 123
45678910
11121314151617
18192021222324
25262728293031
БОЙГОНӢ
Ноябр 2017 (5)
Октябр 2017 (192)
Сентябр 2017 (257)
Август 2017 (314)
Июл 2017 (301)
Июн 2017 (269)