Бахшҳо
02 ноя 2012 05:42Сӯҳбати рӯз

Абдуқодири Абдуқаҳҳор: ТВ «Пойтахт» ба рақобат омода аст

Телевизиони «Пойтахт» аз ин ба баъд давоми 24 соат фаъолият мекунад. Бо таваҷҷӯҳ ба гузаштан ба пахши шабонарӯзии ин шабака  ва дигар тағйироте, ки ба қавли масъулини ин расона дар фаъолияти он ба миён омадааст ва меояд, хабарнигори Озодагон тасмим гирифт бо Абдуқодири Абдуқаҳҳор, директори тозаинтихоби ин телевизион сӯҳбате анҷом диҳад.

Озодагон: Гузаштан ба пахши шабонарӯзӣ барои Шумо мушкил нест?

Абдуқодири Абдуқаҳҳор: «Мушкил аст, аммо мо мардуми мушкилнописандем. Бубинед, вақте мо ин телевизионро қабул кардем тасаввур кунед, ки ин телевизион бино надорад, тақрибан заминаи техникӣ надорад, заминаи кадрӣ надорад.  Алабатта ин ҷо дастгирии бевоситаи раиси шаҳр аст, ки ҷаноби раис бештар аз 200 ҳазор доллар барои мо ҷудо карда истодааст ва мо тавассути тендер технологияи ин шабакаро  ворид хоҳем кард. Яъне мо  бе заминаи техникӣ ба пахши 24 соата гузаштем. Акнун аз ин ба баъд бо маблағи беш аз 200 ҳазор долларе, ки Маҳмадасаид Убайдуллоев ваъда карданд, технологияи нави замонавӣ харида мешавад, ки бо чунин технолгия НТВ-и Русия кор мекунад. Рости гап бештар аз 40 нафар мутахассисони хеле қавӣ дар атрофи мо ҷамъ омадаанд ва ҳоло ин ҳайат дар телевизиони «Пойтахт» кор карда истодаанд».

Озодагон: Ҳанӯз техника надоштаед ва мегӯед, ки тағйитроти ҷиддӣ мешавад. Оё замонбандӣ барои анҷоми тағйиротро дар назар гирифтаед ва ҳадафи ниҳоиву роҳи расидан ба онро барномарезӣ кардаед?

Абдуқодири Абдуқаҳҳор: «Бале! Ин шабака умуман  як телевизиони дигар мешавад. Мутобиқ ба телевизиони қарни 21 шуда «Пойтахт» аз рӯи се омили асосӣ - иттилоот, фароғат ва маънавиёт, кор мекунад, ки ҳоло телевизионҳои ҷаҳон аз рӯи ҳамин омилҳо фаъолият мебаранд.  Яъне мо ҳоло формати телевизионамонро  дигар кардем. Интизор меравад тақрибан баъди сад рӯз телевизиони «Пойтахт» аз дӯстдоштатарин шабакаҳои миллӣ шавад, ки мо вобаста ба ин масъала ниятҳои хеле ҷиддӣ дорем. Аз якуми январ ба моҳвора пайваст мешавем, эҳтимол меравад, ки моро дар 50 давлатӣ дунё тамошо кунанд ва ҳадафи ниҳоии мо ба 5-умин канали миллӣ табдил додани телевизиони «Пойтахт» аст».

Озодагон: Барои ба моҳвора пайваст шудан низ шаҳрдорӣ ба Шумо кӯмак мекунад?

Абдуқодири Абдуқаҳҳор: «На! Аз ҳисоби маблағҳои тиҷоратӣ мешавад. 10 рӯз шуд, ки Муаттара Ҷӯраева, директори тиҷоратӣ аст. Бештар аз 160 ҳазор сомонӣ ба бахши тиҷоратии мо ворид шуд. Интизор меравад, ки то соли нав 250-300 ҳазор сомонӣ ба бахши тиҷоратии мо ворид гардад. Хуллас, барои ба моҳвора пайваст шудан маблағро худамон пайдо мекунем.»

Озодагон: Оё ТВ «Пойтахт»  тасмим дорад бо дигар шабакаҳои телевизиони кишвар рақобат кунад?

Абдуқодири Абдуқаҳҳор: «Албатта мо бисёр рақиби ҷиддии 4 шабакаи дигар мешавем, зеро аллакай давоми ду ҳафта беш аз 30%-и тамошочиёни ин 4 шабака - «Шабакаи якум», «Сафина», «Баҳористон» ва «Ҷаҳоннамо» ба телевизиони мо гузаштанд. Мо чанд рӯз пеш маниторинг гузаронидем. Аз 100 нафаре, ки дар кӯчаи марказии пойтахт пурсидем, 30 нафараш гуфтанд мо ба шабакаи «Пойтахт» гузаштем, акнун шабакаи мақбули мо «Пойтахт» аст. Бояд бигӯям телевизиони «Пойтахт» шабакаи иттилоотӣ- фароғатӣ аст».

Озодагон: Бархе аз бинандагони телевизиони «Пойтахт» мегӯянд, давоми як моҳе, ки Шумо роҳбарии ин шабакаро ба дӯш доред, ҳеҷ пешравие ба назар намерасад, чаро чунин аст?

Абдуқодири Абдуқаҳҳор: «Дар мавриди он ки давоми 1 моҳ чизе тағйир наёфтааст ҳаминро гуфтани ҳастам, ки мо аз ҳамин рӯз  (1.11.2012) корро сар кардем. Яъне давоми як моҳ мо кадр даъват кардем, база сохтем, яку якбора барои пахши 24 соата омодагӣ дидем. Яъне  ҳар касе, ки мегӯяд давоми як моҳ чизе тағйир наёфтааст бояд худаш андеша кунад, ки мо аз ҳеч телевизион сохта истодаем».

Озодагон: Баъзе аз коршиносон бар ин назаранд, ки телевизионҳои давлатӣ аз танқид ва гуфтани камбудӣ худдорӣ мекунанд, «Пойтахт» ҳам бо чунин шева кор мекунад?

Абдуқодири Абдуқаҳҳор: «Интиқод шеваи кори телевизиони «Пойтахт» аст. Мо як барномае аллакай таҳия кардем, ки номаш «Арз» аст. Ҳар сокини шаҳри Душанбе, ки арзе дорад метавонад ба телевизиони мо ояд. Аллакай давоми 3 рӯзе, ки рекламаи ҳамин барнома идома дорад, бештар аз 40 нафар арз карданд. Ҳар арзу шикояте, ки мешавад мо пайгирӣ мекунем. Гузашта аз ин, баъди моҳи январ давоми ҳар се моҳа дар телевизиони «Пойтахт» бо 4 раиси ноҳия ва давоми ҳар шашмоҳа бо раиси шаҳр ду соат бо ҳамватанон гуфтугӯи мустақим мешавад.  Дилхоҳ камбудиҳо, эродҳо ва саволҳо аз ҷониби ҳамвататнон матраҳ мешавад. Яъне силсилабарномаҳои таҳлилӣ- интиқодӣ дар телевизиони «Пойтахт» дар назар аст».  

Мусоҳиб: Алишер ЗАРИФӣ
Мӯҳр
Эзоҳ илова кунед
Номи шумо:
Почтаи электронии шумо:
  • bowtiesmilelaughingblushsmileyrelaxedsmirk
    heart_eyeskissing_heartkissing_closed_eyesflushedrelievedsatisfiedgrin
    winkstuck_out_tongue_winking_eyestuck_out_tongue_closed_eyesgrinningkissingstuck_out_tonguesleeping
    worriedfrowninganguishedopen_mouthgrimacingconfusedhushed
    expressionlessunamusedsweat_smilesweatdisappointed_relievedwearypensive
    disappointedconfoundedfearfulcold_sweatperseverecrysob
    joyastonishedscreamtired_faceangryragetriumph
    sleepyyummasksunglassesdizzy_faceimpsmiling_imp
    neutral_faceno_mouthinnocent
ХАБАРҲОИ ОХИРИН
Баҳси пурзӯр кардани ҳифзи сарҳади Тоҷикистону Афғонистон дар дидори Э.Раҳмон ва ҳайати парлумони Аврупо10:09Оғози фурӯши смартфонҳои iPhone 8 ва iPhone 8 Plus!09:49БО ЗАБОНИ ШЕЪР: Ман зи андешаи турконаи як ҳамватанам метарсам...15:34Чаро ҳукумат ҳамеша ба ТАЛКО имтиёз медиҳад?14:16“Шантаж”-и ҳамсар: Аз ҳаққи модарӣ даст накашӣ расвоят мекунам10:27Баҳси буҷа: Аз қарзи маош то қарзи хориҷӣ11:57Сарвазири Тоҷикистон бо Президенти Узбакистон мулоқот мекунад11:05Ҳимояти СММ аз cарбози тоҷики пайрави “Шоҳидони Яҳво”, ки либоси низомиро рад кард10:38АКС+ВИДЕО. Нахустин анҷумани маъюбони Тоҷикистон дар Душанбе11:51Маҷлис: Аз тағйироти кадрӣ то ваъдаи 80 мансабдор барои пулдиҳӣ аз кисаи худ15:46100 метр дуртар: Тамокукашӣ маҳдудтар шуд13:21Аз парвандаи Маҳмудов то муроҷиати ҷабрдидагони "7 бурҷ": Роҳкиро надорем (ВИДЕО)11:18Пешниҳоди журналисти тоҷик ба раҳбарони кишварҳои ҷаҳон: 2018-ро соли беяроқӣ эълон кунем!09:33Агентии зидди коррупсия гуфт, “Умед-88” ва Вазорати молия аз “Роғун” қарз гирифтаанд08:01Таърихи имрӯз: Мавлуд, ҷашн, санаҳои таърихӣ, дамои ҳаво, бозори арз07:44
ТАҚВИМ
«    Март 2024    »
ДушСешЧорПанҶумШанЯкш
 123
45678910
11121314151617
18192021222324
25262728293031
БОЙГОНӢ
Ноябр 2017 (5)
Октябр 2017 (192)
Сентябр 2017 (257)
Август 2017 (314)
Июл 2017 (301)
Июн 2017 (269)