“Регар-ТадАЗ” бо “Сулземус”-и Олмон ба сабқат мебарояд

Футболбозони дастаи «Регар-ТадАЗ»-и Турсунзода, ки барои бозиҳои мусобиқаи гурӯҳии Ҷоми АFC-2013, дар шаҳри Анталия омодагӣ мебинанд, шоми имрӯз, 28-уми феврал, бо дастаи “Сулземус” (Sulzemoos)-и Мюнхени Олмон бозии санҷишӣ анҷом медиҳанд.

Бозиҳои даставии Ҷоми даъвати АFC-2013 аз 6-уми марти соли равон шурӯъ мегардад. Дар ин бозиҳо ҳар клуби иштирокчӣ ду бозӣ дар сафар ва ду бозӣ дар майдони худ мегузаронад. Дар бозиҳои даставии Ҷоми даъвати АФК-2013, Тоҷикистонро дастаҳои “Регар ТадАЗ” ва “Равшан” муаррифӣ мекунанд,
Футболбозони дастаи “Регар-ТадАЗ”-и Турсунзода, рӯзи 5-уми март, нахустин бозии мусобиқаи гурӯҳии худро дар Ҷоми AFC бо тими «Сафо»-и Бейрут дар гурӯҳи “А” баргузор мекунанд. Нахустин бозии дастаи “Равшан”-и Кӯлоб дар мусобиқаи интихобии Ҷоми AFC-2013 дар гурӯҳи “D” бо тими “Ал-Рамза”-и Урдун, 6-уми март, баргузор мешавад.

Даври дуюми бозиҳои даставии Ҷоми даъвати АFC-2013 12-уми март оғоз мешавад. Дастаиҳои “Равшан” ва “Регар-ТадАЗ” бозиҳои хонагии худро рӯзҳои 12-ум ва 13-уми марти соли равон дар шаҳри Хуҷанд баргузор мекунанд.

Ёдовар мешавем, ки “Регар-ТадАЗ” дар се бозии пешини санҷишӣ дар Туркия аз тими лигаи аввали Қазоқистон - «Оқжетпес»-и Кокшетау бо ҳисоби 1:2, аз тими дивизиони аввали Сербия - «Младеноватс» бо ҳисоби 1:3 ва аз тими «Арсенал» -и Киев, ки дар премйер-лигаи Украина бозӣ мекунад, бо ҳисоби 0:1 шикаст хӯрда буд. Мӯҳр