Дастаи мунтахаби духтаронаи футболи Тоҷикистон (U-14) дар даври дуюми мусобиқаи қитъавӣ дар минтақаи Осиёи Ҷанубӣ ва Марказӣ мунтахаби духтаронаи Бутанро бо ҳисоби 2 бар 1 шикаст дод.
Мавҷуда Сафарова, футболбоздухтари тоҷик дар дақиқаи 14-уми сабқат ҳисобро боз намуд. Муниса Мирзоева бошад дар дақиқаи 44-уми сабқат голи дуюми дастаро ба дарвозаи ҳариф ворид кард. Нимаи аввали дидор бо ҳамин натиҷа анҷом ёфт. Ҳаминтариқ Тшеринг Янгден, футболбози Бутан дар дақиқаи 62-юми сабқат голи ягонаи дастаашро ба дарвозаи ҳарифонашон ворид кард.
Дар мусобиқаи қитъавӣ дар минтақаи Осиёи Ҷанубӣ ва Марказӣ, ки дар шаҳри Коломбо то 10-уми март идома меёбад, дастаҳои духтаронаи синнашон то 14-солаи Бангладеш, Бутан, Тоҷикистон, Шри-Ланка, Ҳиндустон ва Эрон рақобат мекунанд.
Мавқеи дастаҳо дар ҷадвали мусобиқа чунин аст:
Ҷой Дастаҳо Б Ғ М Б Т И1 Эрон 2 2 0 0 8-0 6
2 Ҳиндустон 2 2 0 0 8-1 6
3 Шри-Ланка 2 1 0 1 5-4 3
4 Тоҷикистон 2 1 0 1 2-4 3
5 Бутан 2 0 0 2 2-7 0
6 Бангладеш 2 0 0 2 1-10 0
Тақвими бозиҳои боқимондаи мунтахаби Тоҷикистон:Даври 3-юм. 7 март, панҷшанбе: Тоҷикистон- Бангладеш
Даври 4-ум. 9 март, шанбе: Тоҷикистон -Шри-Ланка
Даври 5-ум. 10 март, якшанбе: Эрон-Тоҷикистон
Ёдовар мешавем, дастаи мунтахаби духтаронаи футболи Тоҷикистон рӯзи 5-уми март дар бозии аввалинашон дар мусобиқаи минтақавии қаҳрамонии Осиё дар Шри-Ланка аз тими Ҳиндустон бо ҳисоби 0:3 шикаст хӯрданд.
Мӯҳр