Бахшҳо
02 апр 2013 12:03Тоҷикистон / Иқтисодӣ

Хатнасурро як сӯ гузоред, хатти барқ кашед!

Аслиддин ДОСТИЕВ

Дар ҳоле ки аҳолии Точикистон тӯли тақрибан ним сол аз камбуди барқ ранҷ мекашанд, 173 русто дар вилояти Хатлон тамоман аз он маҳрум мондаанд.

Қисмати зиёди деҳоти бе хатти барқ ба навоҳии минтақаи Кӯлоб рост меояд. Ба иттилои Мирзо Исмоилов, сардори ҶСК «Шабакаҳои барқи Кӯлоб», то 1-уми январи имсол дар ин минтақа 110 деҳа бе барқ будаанд. Дақиқтараш, ба ин рустоҳо аслан хатти барқ кашида нашудааст.

Мирзоев мегӯяд, беш аз 50 фисади ин деҳот баъд аз соҳибистиқлолӣ бунёд ёфтаву дар онҳо камтар аз 10 хонавода ба сар мебаранд. Дар баъзеи дигарашон умуман касе зиндагӣ намекунад. Ба гуфтаи мусоҳиби мо, бо ташаббуси ин идора дар соли гузашта ба 10 деҳае, ки аҳолии зиёдтар доранд, хатти барқ кашида шуд.

Дар ҳамин ҳол, Ғайбуллоҳ Авзалов, раиси вилояти Хатлон, дар маҷлиси ҷамъбасти солона дар ҳузури нахуствазири ҷумҳурӣ дар мавриди мушкили барқ барои рустоҳо ҳарф зада, аз ҷумла қайд карда буд, ки дар 173 деҳаи вилоят хати барқ умуман кашида нашудааст. «Ҳамаи ин деҳоти бебарқмонда дар навоҳии минтақаи Кӯлоб мебошанд. Аммо вазъият дар ҷамоатҳои деҳоти Сари Хосори Балҷувон, Чилдухтарони Мӯъминобод, Дашти Ҷами Шӯрообод ва Шугнови Ховалинг ниҳоят ташвишовар аст. Аҳолӣ дар ин маврид тамоман аз иттилоот ва рӯйдодҳои ҳатто чумҳуриявӣ бехабар мемонанд. Дар ин бора якчанд маротиба ба ҳукумати чумҳурӣ расман муроҷиат кардаем, вале муттаасифона, то ҳанӯз аз он ҷониб ҷавобе нагирифтаем».

Дар ҳамин маҷлис Авзалов аз Оқил Оқилов хоҳиш намуд, то дар ҳалли мушкили сокинони бебарқмонда, кӯмаки бевосита намояд. Аммо бо гузашти 3 моҳ, ҳанӯз ҳам дар ин маврид аз ҷониби мақомоти давлатӣ коре ба анҷом нарасидааст. Аммо иддае аз коршиносон бар ин назаранд, ки бо гузашти на танҳо моҳҳо, балки даҳсолаҳои дигар ҳам ба рустоҳои кӯҳдоман бо ташаббуси мақомоти давлатӣ хатти барқ кашида намешавад.

Ба қавли онҳо, дар ин маврид сокинони маҳаллиро лозим аст, то ба қувваи худ ва маблағи худ мушкилашонро ҳал намоянд, ҳарчанд барои сохтмони он маблағи зиёде зарур мешавад. Инчунин, метавон аз ҳисоби соҳибкорони маҳаллӣ низ истифода бурд, зеро ин гуна усули сармояҷалбкунӣ дар кишвар ба ҳукми анъана даромадааст. Ба гумони ғолиб, месазад то ба хатнасурҳову тӯйи арӯсиву домодиҳое, ки бо як супорише ба «эстафета»-и соҳибкорону мақомоти давлатӣ табдил ёфтааст, хотима додану ба корҳои воқеан арзандаву савоб, аз қабили кашидани хати барқу об, бунёди роҳҳо ба маҳаллаҳои эҳтиёҷманд, соҳибкорону савобҷӯёнро даъват кард.

Аммо, агар ҳукумати маҳаллӣ аз ҳисоби буҷа ин корҳоро ба анҷом мерасонид, боз хам хубтар мебуд. Танҳо набояд гуфт, ки маблағи буҷаи ноҳия барои бунёди чанд километр хати барқ ва харидории ноқилу симчӯб намерасад. Вале агар воқеан ҳам инчунин бошад, пас ҳукумати ноҳия ба чӣ кор меояд???
Мӯҳр
Эзоҳ илова кунед
Номи шумо:
Почтаи электронии шумо:
  • bowtiesmilelaughingblushsmileyrelaxedsmirk
    heart_eyeskissing_heartkissing_closed_eyesflushedrelievedsatisfiedgrin
    winkstuck_out_tongue_winking_eyestuck_out_tongue_closed_eyesgrinningkissingstuck_out_tonguesleeping
    worriedfrowninganguishedopen_mouthgrimacingconfusedhushed
    expressionlessunamusedsweat_smilesweatdisappointed_relievedwearypensive
    disappointedconfoundedfearfulcold_sweatperseverecrysob
    joyastonishedscreamtired_faceangryragetriumph
    sleepyyummasksunglassesdizzy_faceimpsmiling_imp
    neutral_faceno_mouthinnocent
ХАБАРҲОИ ОХИРИН
Баҳси пурзӯр кардани ҳифзи сарҳади Тоҷикистону Афғонистон дар дидори Э.Раҳмон ва ҳайати парлумони Аврупо10:09Оғози фурӯши смартфонҳои iPhone 8 ва iPhone 8 Plus!09:49БО ЗАБОНИ ШЕЪР: Ман зи андешаи турконаи як ҳамватанам метарсам...15:34Чаро ҳукумат ҳамеша ба ТАЛКО имтиёз медиҳад?14:16“Шантаж”-и ҳамсар: Аз ҳаққи модарӣ даст накашӣ расвоят мекунам10:27Баҳси буҷа: Аз қарзи маош то қарзи хориҷӣ11:57Сарвазири Тоҷикистон бо Президенти Узбакистон мулоқот мекунад11:05Ҳимояти СММ аз cарбози тоҷики пайрави “Шоҳидони Яҳво”, ки либоси низомиро рад кард10:38АКС+ВИДЕО. Нахустин анҷумани маъюбони Тоҷикистон дар Душанбе11:51Маҷлис: Аз тағйироти кадрӣ то ваъдаи 80 мансабдор барои пулдиҳӣ аз кисаи худ15:46100 метр дуртар: Тамокукашӣ маҳдудтар шуд13:21Аз парвандаи Маҳмудов то муроҷиати ҷабрдидагони "7 бурҷ": Роҳкиро надорем (ВИДЕО)11:18Пешниҳоди журналисти тоҷик ба раҳбарони кишварҳои ҷаҳон: 2018-ро соли беяроқӣ эълон кунем!09:33Агентии зидди коррупсия гуфт, “Умед-88” ва Вазорати молия аз “Роғун” қарз гирифтаанд08:01Таърихи имрӯз: Мавлуд, ҷашн, санаҳои таърихӣ, дамои ҳаво, бозори арз07:44
ТАҚВИМ
«    Март 2024    »
ДушСешЧорПанҶумШанЯкш
 123
45678910
11121314151617
18192021222324
25262728293031
БОЙГОНӢ
Ноябр 2017 (5)
Октябр 2017 (192)
Сентябр 2017 (257)
Август 2017 (314)
Июл 2017 (301)
Июн 2017 (269)