Ҳудуди 13.000 нафар тайи шаш моҳи соли равон аз хизматрасонии иҷтимоӣ баҳравар гаштаанд.
Дар ин бора ба хабаргузории “Озодагон” аз вазорати меҳнат ва шуғли аҳолӣ иттилоъ доданд. Ин манбаъ мегӯяд, дар нимсолаи аввали соли 2011 аз ҷониби мақомоти тобеи вазорати мазкур ба 13.217 нафар аз рӯи ҳамаи самтҳо хизматҳои иҷтимоӣ расонида шуданд. Аз ҷумла, дар шароити статсионарӣ 1522 нафар, будубоши рӯзона 1856 нафар, дар шароити хона 5710 нафар, табобати санаторӣ-курортӣ 708 нафар, бо аробачаҳои маъюбӣ 625 нафар, бо протезҳои пою даст, пойафзолҳои ортопедӣ ва асобағалҳо 2796 нафар таъмин гардиданд. Айни ҳол дар муассисаҳои давлатии хона-интернатҳо 1522 нафар бошандагон зиндагӣ мекунанд, ки дар қиёс бо соли гузашта 17 нафар зиёд аст. Аз ин шумора 902 нафар мардон ва 620 нафарро занон ташкил медиҳанд, ки 180 нафар маъюбони гурӯҳи якум, 559 нафар маъюбони гурӯҳи дуюм, 127 нафар маъюбони гурӯҳи сеюм (асосан хонандагони Литсей-интернат), 558 нафар маъюбон аз кӯдакӣ, 163 нафар маъюбони бистарӣ ва боқӣ нафақахӯрон мебошанд.
Ҳамзамон, дар муассисаи давлатии “Маркази миллии тавонбахшӣ барои кӯдакон ва наврасони “Чорбоғ” ба 20 нафар кӯдакони маъюб дар як баст ба мӯҳлати 21 рӯз табобату тавонбахшӣ расонида, ба модаронашон омӯзиш ва маслиҳат дода мешавад. {jathumbnail off}
Мӯҳр