Бахшҳо
14 апр 2013 19:46Тоҷикистон / Тема дня

Ҳамсари Қувватов: “Шавҳарам аз роҳи интихобкардааш пушаймон нест”

Қумрӣ Ҳафизова, ҳамсари Умаралӣ Қувватов, ҳукми додгоҳи Дубайро дар бораи истирдоди шавҳараш ба Тоҷикистон ноодилона номид. Ӯ рӯзи якшанбе дар суҳбат бо “Озодагон” гуфт, ин ҳукм дар ҳоле эълон шуда, ки ҳамсараш дар толори додгоҳ ҳузур надошт.

Хонум Ҳафизова мегӯяд, бори охир Қувватовро рӯзи нуҳуми апрел дар мурофиаи додгоҳӣ дар Дубай дида, 14-уми апрел бо ӯ суҳбати телефонӣ кардааст. “Вақте шавҳарамро дидам, бо ман хайрухуш кард. Гуфт, шояд дигар набинем. Боз мегӯям, ки шавҳари ман бегуноҳ аст”,-афзуд ӯ.

Ҳамсари Қувватов мегӯяд, раҳбари созмони сиёсии “Гурӯҳи 24” барои халқ худро қурбон кардаву аз ин роҳи интихобкардааш ҳам пушаймон нест. Ӯ ба ҳамсараш гуфтааст, агар мардум ӯро бо некӣ ёд кунанд, барояш кофист. Қумрӣ Ҳафизова гуфт, “фахр мекунам, ки чунин шавҳар дорам! Ӯ мардонавор рафтор кард. Худро барои мардуми азияткашида қурбон кард. Фикри 5 фарзанди ноболиғашро накард. Хоҳиш мекунам, ки мардум дар ҳаққи шавҳари ман дуо нек кунанд.”

Мусоҳиби мо дар идома афзуд, бовар надорад, ки дар сурати истирдодаш ба Тоҷикистон, Умаралӣ Қувватов зинда бимонад. Аз ин пеш, бархе аз созмонҳои ҳомии ҳуқуқи инсон, аз ҷумла Амнести Интернешнл аз Имороти Муттаҳидаи Арабӣ хоста буд, Қувватовро ба Тоҷикистон таслим накунад. Зеро ба бовари ин созмон раҳбари “Гурӯҳи 24”-ро дар Ватан ҳабси тӯлонӣ ва шиканҷа интизор аст.

Ҳакимов: Қазияи Қувватов кайҳо сиёсӣ шудааст

Ин дар ҳолест, ки Шокирҷони Ҳаким, доктори илми ҳуқуқ ва муовини раҳбари Ҳизби умумимиллии сотсиал-демократи Тоҷикистон, мегӯяд, дар сурати истирдод Умаралӣ Қувватовро ягон вакили дифоъ наметавонад ҳимоя кунад. Чаро ки ба гуфтаи ҳуқуқшиноси тоҷик, қазияи Қувватов кайҳо аз чорчӯби ҳуқуқ берун рафта ва сиёсӣ шудааст.

Ҷаноби Ҳакимов рӯзи 14-уми апрел дар суҳбат бо “Озодагон” гуфт, “ҳукми додгоҳи шаҳри Дубай ниҳоӣ нест ва марҳилаҳои дигари додгоҳиро бояд интизор шуд.” Аммо ӯ мегӯяд, агар Умаралӣ Қувватовро воқеан ба Тоҷикистон истирдод намоянд, “бешубҳа нисбат ба вай меъёрҳои марбутаи Кодекси ҷиноии ҷумҳурии Тоҷикистонро татбиқ намуда, аз озодӣ маҳрум менамоянд. Ман гумон намекунам, ки вакилони мудофеъ дар шароити кунунии кишвар имконияти ҳимоя кардани ӯро дошта бошанд.”

Рӯзи якшанбе додгоҳи шаҳри Дубай ҳукм кард, ки роҳбари созмони сиёсии “Гуруҳи 24” Умаралӣ Қувватов ба Тоҷикистон истирдод шавад. Ҳоло дақиқ нест, ин ҳукм ба чӣ шакл ва дар кадом муддат иҷро хоҳад шуд. Бо ин ҳол, вакили мудофеи Қувватов гуфта, ки имкон дорад, аз болои ин ҳукм шикоят бурда, нафари таҳти ҳимояташро раҳо кунанд.
Мӯҳр
диловар дангараги
иншоАллох дуо мекнем ки хочи Умарро озод кунанд, дар хакикат дар муддати 20 сол як шердил баромаду хакикатро ба мардум исбот кард , аммо афсус мардуми мо ки бесавод аст хамеша афсонахои дуругини хукуматро бовар мекунанд баьди ин фикр мекунанд ки умарали дар хакикат каллоб асту дигару дигар, бузурге гуфтааст :шогирд агар одам шавад ,аз каштали устод мегирад, хамин маьнои онро дорад ки домоди чаноб шогирд буду умарали устод, ана имруз шогирд одами шуду каштали устодша гирифт(яьне хаму точирону фарозро кашида гирифт), хой мардум бийоед бас кунед ай ин дуругихои хукуматро бовар кардан, агар хукумат рост мегуфт хаму ваьдахое ки дода буд то соли 2009-ро ичро мекард, бин имруз 2013 , ку ягон ваьдаша ичро кард? Не свет .не пешрави не иктисодиет .не об, 2 млн одам гуломи русо ва гайрахо,

Аллох нигахбону мададгорад бошад ва оилаи шуморо Аллох дар хифзаш нигох дорад...

Умарали яккаву танхо ба мубориза бархост.Як чанговар дар майдон хеч аст.Аккалан шахрвандии Россияро кабул мекард.хедо бехавф мешуд.Гарчанде,ки у агар шахрванди Россия мешуд,албатта хукуки комил надошт,ки ба мукобили режими Рахмон аз Россия истода мубориза барад.лекин метавонист,ки хамчун химоягари хукуки инсон тавассути Институти байналмиллалии хукуку озодии инсон.ба режими Рахмон ва хукумати Точикистон.таъсирхои сиёси расонад.Афсус,ки ин тавр нашуд.Агар ба Аврупо рафта, панох мечуст,такдираш дигар хел мешуд.Абдуллочоновро махз Гарб ва Амрико начот дод.Чи илоч,худо нигохбонаш бод!.

https://www.youtube.com/watch?v=zGynZs-BJBw

Эзоҳ илова кунед
Номи шумо:
Почтаи электронии шумо:
  • bowtiesmilelaughingblushsmileyrelaxedsmirk
    heart_eyeskissing_heartkissing_closed_eyesflushedrelievedsatisfiedgrin
    winkstuck_out_tongue_winking_eyestuck_out_tongue_closed_eyesgrinningkissingstuck_out_tonguesleeping
    worriedfrowninganguishedopen_mouthgrimacingconfusedhushed
    expressionlessunamusedsweat_smilesweatdisappointed_relievedwearypensive
    disappointedconfoundedfearfulcold_sweatperseverecrysob
    joyastonishedscreamtired_faceangryragetriumph
    sleepyyummasksunglassesdizzy_faceimpsmiling_imp
    neutral_faceno_mouthinnocent
ХАБАРҲОИ ОХИРИН
Баҳси пурзӯр кардани ҳифзи сарҳади Тоҷикистону Афғонистон дар дидори Э.Раҳмон ва ҳайати парлумони Аврупо10:09Оғози фурӯши смартфонҳои iPhone 8 ва iPhone 8 Plus!09:49БО ЗАБОНИ ШЕЪР: Ман зи андешаи турконаи як ҳамватанам метарсам...15:34Чаро ҳукумат ҳамеша ба ТАЛКО имтиёз медиҳад?14:16“Шантаж”-и ҳамсар: Аз ҳаққи модарӣ даст накашӣ расвоят мекунам10:27Баҳси буҷа: Аз қарзи маош то қарзи хориҷӣ11:57Сарвазири Тоҷикистон бо Президенти Узбакистон мулоқот мекунад11:05Ҳимояти СММ аз cарбози тоҷики пайрави “Шоҳидони Яҳво”, ки либоси низомиро рад кард10:38АКС+ВИДЕО. Нахустин анҷумани маъюбони Тоҷикистон дар Душанбе11:51Маҷлис: Аз тағйироти кадрӣ то ваъдаи 80 мансабдор барои пулдиҳӣ аз кисаи худ15:46100 метр дуртар: Тамокукашӣ маҳдудтар шуд13:21Аз парвандаи Маҳмудов то муроҷиати ҷабрдидагони "7 бурҷ": Роҳкиро надорем (ВИДЕО)11:18Пешниҳоди журналисти тоҷик ба раҳбарони кишварҳои ҷаҳон: 2018-ро соли беяроқӣ эълон кунем!09:33Агентии зидди коррупсия гуфт, “Умед-88” ва Вазорати молия аз “Роғун” қарз гирифтаанд08:01Таърихи имрӯз: Мавлуд, ҷашн, санаҳои таърихӣ, дамои ҳаво, бозори арз07:44
ТАҚВИМ
«    Март 2024    »
ДушСешЧорПанҶумШанЯкш
 123
45678910
11121314151617
18192021222324
25262728293031
БОЙГОНӢ
Ноябр 2017 (5)
Октябр 2017 (192)
Сентябр 2017 (257)
Август 2017 (314)
Июл 2017 (301)
Июн 2017 (269)