16 апр 2013 17:13Туркманистон / Хабарҳои ҷаҳон

Туркманистон сементи Эронро “мамнуъ” эълон кардааст

Мақомоти туркман вуруди сементи эрониро ба қаламрави кишвараш мамнуъ кардааст.

Тавре рӯзномаи Хуросон менависад, гумрукчиёни Туркманистон бе шарҳи далел нақлиёти ҳомили сементи Эронро дар марзи кишварашон бозмедоранд ва иҷозаи вуруд ба Туркманистон намедиҳанд. Ба навиштаи нашрия ин амал нисбати сементи Эрон, ки барои кишварҳои сеюм пешбинӣ шудааст, татбиқ намешавад.

Бо назардошти ин ҳукумати Эрон ба Вазорати умури хориҷии худ дастур додааст, ки дар наздиктарин фурсат ин мушкилро ҳал кунад ва барои лағви маҳдудиятҳои мақомоти Туркманистон дастёб гардад.

Эрон ба даҳгонаи калонтарин истеҳсолкунандагони семент дар ҷаҳон ворид шуда, ҳамасола то 10 миллион тонна ин навъи масолеҳро содир мекунад. Туркманистон аз ҷумлаи харидорони асосии сементи Эрон маҳсуб ёфта, 7 дарсади сементи содиротии Эрон ба ин кишвар равона мегардад.

Мӯҳр

Хабарҳои монанд:

махди

"Бо назардошти ин ҳукумати Эрон ба Вазорати умури хориҷии худ дастур додааст, ки дар наздиктарин фурсат ин мушкилро ҳал кунад ва барои лағви маҳдудиятҳои мақомоти Туркманистон дастёб гардад".
Чаро чунин дастурро Президенти Точикистон ва Хукамат ба вазорати хоричии мо намедиханд, то мушкилоти роххои оханро бо Узбекистон хал кунад?

Ҷавоб диҳед Иқтибос Шикоят

диловар

махди, аз ту дида шахси сода набудаст, и хукумати авлодии мо кай фикри мардума када буд ки имруз кна? хато пеши хонашона камтарак ов сел бзана даравда ай россия кумак талаб мекна ,кучо расад ба хали рохи охан?! Барьакс болои сохибкорон фишор оварда онхоро ай ватан дур кадестан! Инамихе коршон факат ба хитой заминфурушиву дигару дигар

Ҷавоб диҳед Иқтибос Шикоят

Эзоҳ илова кунед