Ниҳояти баҳси вакилон: “Пули миллӣ” мегӯему “асъори хориҷӣ”
Вакилони Маҷлиси Намояндагон, палатаи поёнии парлумони Тоҷикистон, 24-уми апрел тарҳи қонун “Дар бораи танзим ва назорати асъор”-ро ба тасвиб расонданд. Ин тарҳ ҳафтаи гузашта ба далели рӯ задани баҳс дар бораи ибораҳои пули милливу асъори хориҷӣ ба таъхир гузошта шуда буд.
Рӯзи чаҳоршанбе ваиклон ба ин натиҷа расиданд, ки ибораи пули миллӣ ва асъори хориҷӣ дар қонун боқӣ бимонад. Зеро ба гуфтаи Исмоил Талбаков, намоянда аз Ҳизби коммунист, ки ин тарҳро муаррифӣ мекард, то кунун истифодаи ин ибораҳо дар Тоҷикистон маъмул аст.
Дар ҳоле ки ҳафтаи гузашта оқои Талбаков пешниҳод карда буд, ки ибораи пули миллӣ аз миён бардошта шуда, ба ҷои он ибораи “асъори миллӣ” ва “асъори хориҷӣ” ба кор бурда шавад. Аммо Мирган Шаҳбозов гуфт, “миллӣ” дар ин ибораҳо зиёдатӣ буда, танҳо вожаи “асъор” кофист, ки “мо тамоми навъи пул, ҳам пули миллӣ ва ҳам пули хориҷиро бифаҳмем”.
Муҳиддин Кабирӣ, вакил аз Ҳизби наҳзати исломӣ, низ ба ин баҳс пайваста, вале гуфт, набояд “мо сари вожаи пул ва асъор ин қадар баҳс кунем”. Дар ҳоле ки ба гуфтаи ӯ, асъор калимаи арабӣ буда, маънояш ҳам нарх аст. “Барои ҳамин, беҳтар мебуд, пули миллӣ ва пули хориҷӣ бигӯем”,-таъкид кард Кабирӣ.
Дар ниҳоят вакилони парлумон ба натиҷае расидаанд, ки дар мавриди сомонӣ ибораи “пули миллӣ”-ро истифода кунанд ва нисбати дигар “асъори хориҷӣ” –ро кор фармоянд.
Мӯҳр
ТАҚВИМ
« Март 2024 » |
---|
Душ | Сеш | Чор | Пан | Ҷум | Шан | Якш |
---|
| 1 | 2 | 3 |
4 | 5 | 6 | 7 | 8 | 9 | 10 |
11 | 12 | 13 | 14 | 15 | 16 | 17 |
18 | 19 | 20 | 21 | 22 | 23 | 24 |
25 | 26 | 27 | 28 | 29 | 30 | 31 |