Бахшҳо
25 апр 2013 12:58Тоҷикистон / Сиёсат

Маслиҳати як мақоми афғон барои раҳоии Душанбе аз "чанг"-и Тошканд

Довуди Муродиён, раиси Маркази мутолеоти стратегии Афғонистон, аз тарҳи нерӯгоҳи барқи обии Роғун, ки солҳо боз сохтмонаш ба мушкил печидааст, ҳимоят кард. Дар ҳоле ки ба гуфтаи ӯ, дар сурати бунёди Роғун Кобул метавонад барои бароварда сохтани ниёзмандиҳояш барқи бештареро аз Тоҷикистони ҳамсояаш бихарад.

Оқои Муродиён, ки бо як сафари корӣ ба Душанбе омадааст, дар як сӯҳбати ихтисосӣ бо хабарнигори “Озодагон” гуфт, мушкилоте, ки Узбакистон барои Роғун эҷод кардааст, мисли монеагузориҳои Покистон барои Кобул аст, ки роҳи ҳал дорад. “Ва ин ҳам пайдо кардани дӯстони муштарак барои Тоҷикистону Афғонистон аст”,-афзуд ӯ.

Ба бовари раиси Маркази мутолеоти стратегии Афғонистон, дар ҳоли ҳозир Эрону Амрико ва Ҳиндустон метавонанд дӯстони муштараки хубе ҳам барои Душанбе ва ҳам барои Кобул бошанд.

Довуди Муродиён гуфт, дар ҳар сурат ҷониби Афғонистон ҳамеша аз мавқеи Тоҷикистон дар чунин баҳсҳо ҳимоят кардааст ва мекунад. Зеро ба гуфтаи ӯ, “мо ба ҳайси ду бародар манфиати муштарак дорем. Ҳар қадами неке, ки мо боло мекунем, ҳам ба манфиати мардуми тоҷик асту ҳам мардуми афғон. Мо дар суҳбатҳое, ки бо мақомоти Ҳиндустону Амрико доштем, гуфтем, ҳар хубие, ки Шумо мехоҳед, бо мо дошта бошед, бояд он бо тоҷикҳо низ тақсим шавад.”

Ҳимояти ин мақоми афғон аз тарҳи нерӯгоҳи Роғун дар ҳолест, ки ҳанӯз натиҷаи пажуҳиши фанниву иқтисодӣ ва экологии ин тарҳ аз сӯи коршиносони Бонки Ҷаҳонӣ муаррифӣ нашуда ва маълум нест, оё онҳо барои сохтмони ин нерӯгоҳ мувофиқат хоҳанд кард, ё не. Тоҷикистон дар пайи мухолифатҳои шадиди Узбакистон маҷбур шуд, пажуҳиши ин тарҳро ба дӯши коршиносони Бонки Ҷаҳонӣ вогузорад, то аз ин тариқ ба ҷомеаи ҷаҳонӣ бифаҳмонад, ки ин нерӯгоҳ барои минтақа зиёне нахоҳад дошт.

Дар ҳоле ки Узбакистон иддао дорад, сохтмони нерӯгоҳи Роғун бо садди 335-метрӣ метавонад заминҳои кишти ин кишварро ба харобазор табдил дода, Тоҷикистонро ба мироби минтақа табдил хоҳад дод.

Сӯҳбати комили Довуди Муродиён дар торнамои “Озодагон” ба зудӣ нашр мешавад
Мӯҳр
Эзоҳ илова кунед
Номи шумо:
Почтаи электронии шумо:
  • bowtiesmilelaughingblushsmileyrelaxedsmirk
    heart_eyeskissing_heartkissing_closed_eyesflushedrelievedsatisfiedgrin
    winkstuck_out_tongue_winking_eyestuck_out_tongue_closed_eyesgrinningkissingstuck_out_tonguesleeping
    worriedfrowninganguishedopen_mouthgrimacingconfusedhushed
    expressionlessunamusedsweat_smilesweatdisappointed_relievedwearypensive
    disappointedconfoundedfearfulcold_sweatperseverecrysob
    joyastonishedscreamtired_faceangryragetriumph
    sleepyyummasksunglassesdizzy_faceimpsmiling_imp
    neutral_faceno_mouthinnocent
ХАБАРҲОИ ОХИРИН
Баҳси пурзӯр кардани ҳифзи сарҳади Тоҷикистону Афғонистон дар дидори Э.Раҳмон ва ҳайати парлумони Аврупо10:09Оғози фурӯши смартфонҳои iPhone 8 ва iPhone 8 Plus!09:49БО ЗАБОНИ ШЕЪР: Ман зи андешаи турконаи як ҳамватанам метарсам...15:34Чаро ҳукумат ҳамеша ба ТАЛКО имтиёз медиҳад?14:16“Шантаж”-и ҳамсар: Аз ҳаққи модарӣ даст накашӣ расвоят мекунам10:27Баҳси буҷа: Аз қарзи маош то қарзи хориҷӣ11:57Сарвазири Тоҷикистон бо Президенти Узбакистон мулоқот мекунад11:05Ҳимояти СММ аз cарбози тоҷики пайрави “Шоҳидони Яҳво”, ки либоси низомиро рад кард10:38АКС+ВИДЕО. Нахустин анҷумани маъюбони Тоҷикистон дар Душанбе11:51Маҷлис: Аз тағйироти кадрӣ то ваъдаи 80 мансабдор барои пулдиҳӣ аз кисаи худ15:46100 метр дуртар: Тамокукашӣ маҳдудтар шуд13:21Аз парвандаи Маҳмудов то муроҷиати ҷабрдидагони "7 бурҷ": Роҳкиро надорем (ВИДЕО)11:18Пешниҳоди журналисти тоҷик ба раҳбарони кишварҳои ҷаҳон: 2018-ро соли беяроқӣ эълон кунем!09:33Агентии зидди коррупсия гуфт, “Умед-88” ва Вазорати молия аз “Роғун” қарз гирифтаанд08:01Таърихи имрӯз: Мавлуд, ҷашн, санаҳои таърихӣ, дамои ҳаво, бозори арз07:44
ТАҚВИМ
«    Март 2024    »
ДушСешЧорПанҶумШанЯкш
 123
45678910
11121314151617
18192021222324
25262728293031
БОЙГОНӢ
Ноябр 2017 (5)
Октябр 2017 (192)
Сентябр 2017 (257)
Август 2017 (314)
Июл 2017 (301)
Июн 2017 (269)