Бахшҳо
25 апр 2013 14:53Тоҷикистон / Сиёсат

Дастури Ҳукумов барои ҷалби додситонию хабарнигорон ба қазияи қаторҳо (ВИДЕО)

Ширкати Роҳи оҳани Тоҷикистон бо пахши як иттилоия изҳороти мақомоти воломақоми Русияро дар бораи қаторҳои Тоҷикистон бепоя хонд.

Дар иттилоияи ин ниҳод, ки рӯзи 25-уми апрел пахш гардид, пешниҳоди қатъи омадурафти қаторҳо, "дахолати Русия ба бозори хизматгузории Роҳи оҳани Тоҷикистон" арзёбӣ шудааст.

Ин ширкат мегӯяд, "Корхонаи воҳиди “Мусофирбарӣ” қатори тафтишкардаи Дмитирий Рогозин, муовини нахуствазир ва Геннадий Онишенко, сардухтари санитарии Русияро, ки рӯзи 20-уми апрел ба Душанбе расид, мавриди санҷиш қарор дод. Маълум гардид, нуқсоне, ки аз тарафи мақомоти роҳбарикунандаи Русия дар қатор ошкор шуданд, ҳақиқати воқеӣ надоранд.”

Сардори ин қатор Саид Сатторов ба комиссия гуфтааст, “вақте қатори мо дар истгоҳи Қазон таваққуф карда буд, муовини сарвазири Русия -- Рогозин дохили як вагони поезд гашта, пас аз чанд лаҳза берун шуд. Онишенко бошад, вагон - ресторанро аз назар гузаронду тамом. Вақте онҳо дохили қатор шуданд, ошпазҳои вагон – ресторан ба омода кардани ғизо машғул буданд. Яъне дар ҳолати корӣ тартиботи ресторан ба ҳама маълум аст. Аммо яхдони ресторан кор мекард. Бар замми ин, мусофирон тоза аз қатор берун шуда, роҳбаладон ба тоза кардани вагонҳо машғул буданд.”

Бо ин ҳол, роҳбарияти Корхонаи воҳиди “Мусофирбарӣ” мегӯяд, ҳайати қатори мазкур барои беэътиноӣ ҷазо мегиранд. Амонулло Ҳукумов, сардори КВД “Роҳи оҳани Тоҷикистон” бо назардошти қазияи ахир дастур додааст, аз ҳисоби кормандони Додситонии нақлиёт, Идораи умури дохилии нақлиёти роҳи оҳан ва хабарнигорон комиссияи махсуси дигар ташкил шуда, қаторҳои хатсайри Душанбе – Маскавро мавриди санҷиш қарор диҳанд. Аз Вазорати нақлиёти Тоҷикистон ба “Озодагон” иттилоъ доданд, ки комиссияи мазкур имрӯз тавассути қатор ба самти Маскав раҳсипор хоҳад шуд.

Ахиран Усмон Қаландаров, муовини сардори “Роҳи оҳани Тоҷикистон”, зимни ҷаласаи мушовараи назди Низом Ҳакимов, вазири нақлиёти кишвар, аз бурду бохти роҳи оҳан гузориш дода, таъкид кард, ки “тафтиши қаторҳои мо аз ҷониби ашхоси воломақоми Русия як навъи рақобати носолими бозори нақлиётӣ мебошад. Дар Қарғизистон 80, Озарбойҷон 50 фоиз алаккай қатораҳои русӣ дар равуоанд ва мақомоти рус мехоҳанд, бозори мо ва Узбакистонро низ танг кунанд.”

Қаландаров таъкид кардааст, дар сурате ки мақомоти рус ба мақсадашон ноил шаванду бозори мусофиркашонии Тоҷикистонро ба даст оранд, камаш 500 корманди “Роҳи оҳани Тоҷикистон” бекор мемонад.


Мӯҳр
Иброхим
БЕХТАР МЕШУД,КИ ХУКУМОВ ВАЗИФАРРО БА ЗИММАИ СОБКАЛОВ ВА Ё КАЛАНДАРОВ (ХАРДУ РОХИОХАНЧИЁНИ КАСБИ МЕБОШАНД) МЕГУЗОШТ. БА ШАРОФАТИ У ЧАНД МАРОТИБА ШУД, КИ ТОЧИКОНРРО ШАРМАНДА МЕСОЗАНД. ТАНХО ДАР ТОЧИКИСТОН ОДАМХО АЗ КУЧА ОМАДА СОХИБИ МАНСАБХОИ БАЛАНД ШУДА МЕТАВОНАНД.

Эзоҳ илова кунед
Номи шумо:
Почтаи электронии шумо:
  • bowtiesmilelaughingblushsmileyrelaxedsmirk
    heart_eyeskissing_heartkissing_closed_eyesflushedrelievedsatisfiedgrin
    winkstuck_out_tongue_winking_eyestuck_out_tongue_closed_eyesgrinningkissingstuck_out_tonguesleeping
    worriedfrowninganguishedopen_mouthgrimacingconfusedhushed
    expressionlessunamusedsweat_smilesweatdisappointed_relievedwearypensive
    disappointedconfoundedfearfulcold_sweatperseverecrysob
    joyastonishedscreamtired_faceangryragetriumph
    sleepyyummasksunglassesdizzy_faceimpsmiling_imp
    neutral_faceno_mouthinnocent
ХАБАРҲОИ ОХИРИН
Баҳси пурзӯр кардани ҳифзи сарҳади Тоҷикистону Афғонистон дар дидори Э.Раҳмон ва ҳайати парлумони Аврупо10:09Оғози фурӯши смартфонҳои iPhone 8 ва iPhone 8 Plus!09:49БО ЗАБОНИ ШЕЪР: Ман зи андешаи турконаи як ҳамватанам метарсам...15:34Чаро ҳукумат ҳамеша ба ТАЛКО имтиёз медиҳад?14:16“Шантаж”-и ҳамсар: Аз ҳаққи модарӣ даст накашӣ расвоят мекунам10:27Баҳси буҷа: Аз қарзи маош то қарзи хориҷӣ11:57Сарвазири Тоҷикистон бо Президенти Узбакистон мулоқот мекунад11:05Ҳимояти СММ аз cарбози тоҷики пайрави “Шоҳидони Яҳво”, ки либоси низомиро рад кард10:38АКС+ВИДЕО. Нахустин анҷумани маъюбони Тоҷикистон дар Душанбе11:51Маҷлис: Аз тағйироти кадрӣ то ваъдаи 80 мансабдор барои пулдиҳӣ аз кисаи худ15:46100 метр дуртар: Тамокукашӣ маҳдудтар шуд13:21Аз парвандаи Маҳмудов то муроҷиати ҷабрдидагони "7 бурҷ": Роҳкиро надорем (ВИДЕО)11:18Пешниҳоди журналисти тоҷик ба раҳбарони кишварҳои ҷаҳон: 2018-ро соли беяроқӣ эълон кунем!09:33Агентии зидди коррупсия гуфт, “Умед-88” ва Вазорати молия аз “Роғун” қарз гирифтаанд08:01Таърихи имрӯз: Мавлуд, ҷашн, санаҳои таърихӣ, дамои ҳаво, бозори арз07:44
ТАҚВИМ
«    Март 2024    »
ДушСешЧорПанҶумШанЯкш
 123
45678910
11121314151617
18192021222324
25262728293031
БОЙГОНӢ
Ноябр 2017 (5)
Октябр 2017 (192)
Сентябр 2017 (257)
Август 2017 (314)
Июл 2017 (301)
Июн 2017 (269)