Бахшҳо
03 май 2013 11:06Тоҷикистон / Иқтисодӣ

Пул биёреду баъд ба дарс дароед!?

Алишер ЗАРИФӢ

Як гурӯҳ сокинони маҳаллаи Истиқлоли ноҳияи Рӯдакӣ мегӯянд, Гулнора Меликова, директори мактаби №15- ин ноҳия ба таври ғайриқонунӣ аз фарзандҳояшон пул талаб мекунад, ки ин амали ғайриқонунии ӯ онҳоро нигарон сохтааст.

Муҳибулло Раҳмонов, ки 4 фарзандаш дар ин мактаб таҳсил мекунад, дар сӯҳбат ба «Озодагон» гуфт, дар ин мактаб таҳсил ройгон аст, аммо рӯзҳое ҳам буд, ки ки барои маблағ напардохтан фарзандҳояшро аз мактаб пеш кардаанду онҳо гирён ба хона баргаштанд.

Номбурда илова кард, ки давоми ҳар моҳ дар мактаб аз фарзандонаш 10 сомонӣ, аз 4 нафар 40 сомонӣ талаб мекунанд, аммо намедонад, ин маблағҳо дар куҷо сарф мешаванд: «Ҳоло кӯдакҳо мегӯянд, то пул надиҳед мактаб намеравем дигар. То мактаб 3 километр роҳ аст ва вақте онҳоро пеш мекунанд дигар ба мактаб барнамегарданд. Ба фарзандонамон мегӯянд, аввал рафта пул биёред, баъд ба дарс биёед».

Ин мусоҳибамон иброз дошт, ки ҳоло шикояти волидайни хонандагон аз ин гуна амалҳои директор ҷиҳати иҷборан пул талаб кардан аз фарзандҳояшон зиёд шуда истодааст.

Муҳибулло Раҳмонов таъкид кард, ки Гулнора Меликова аз вақти ба вазифаи сарварии ин мактаб таъин шуданаш (тақрибан 3-4 сол) боз аз хонандагон пул талаб мекунад, ки онҳо маҷбур шуданд дар соли 2012 ба Вазорати маориф барои ҳалли ин масъала ариза ирсол намоянд. Гурӯҳи волидайни хонандагон, ки ҳудуди 16 нафарро ташкил медиҳад, дар аризаи худ аз масъулини маориф хоҳиш намудаанд, ки директори мактаб аз гирифтани пули хонандагон даст кашад.

Вазорати маориф дар ҷавоб ба аризаи онҳо гуфтааст, ин масъаларо мавриди баррасӣ қарор додаанд ва директори мактаб Гулнора Меликова нисбати камбудиҳои дар ариза ҷойдошта огоҳонида шудааст.

Як падари хонандаи дигари ин мактаб, ки худро Пӯлод муаррифӣ кард, гуфт соли гузашта намояндагони Вазорати маориф баъди ирсоли ариза ба мактаб омаданд ва ба директор гуфта буданд, ки аз хонандагон дигар пул нагирад.

Ба қавли ин ҳамсуҳбатамон, баъди мулоқоти намояндагони Вазорати маориф директри мактаб як муддат аз гирифтани пул даст кашида буд, аммо аз январи ҳамин сол боз пулҷамъкуниро оғоз кардааст.

Гулнора Меликова, директори мактаби №15 ғайриқонунӣ аз хонандагон пул талаб карданашро рад намуда, мегӯяд, ӯ дар асоси шартнома миёни мактаб ва волидайн аз хонандагон пул мегирад: «Пуле, ки мо мегирем маоши омӯзгоронро медиҳем, барои дарсҳои иловагӣ ба омӯзгорон пул медиҳем, андози 13%-и давлатро медиҳем. Касе, ки хоҳиш надорад шартнома имзо накунад ва пул ҳам наорад. Мо касеро маҷбур намекунем».

Ин дар ҳолест, ки зимни баромаданам аз ин мактаб бо як хонандаи синфи 8-и мактаби мазкур суҳбат намудам, ки новобаста аз хоҳишашон, маҷбурӣ пул талаб кардани роҳбарияти мактабро тасдиқ намуда гуфт, «доимо ба мо мегӯянд пул биёред».

Падари як хонандаи ин мактаб ин гуфтаҳоро тасдиқ намуда, илова кард, ки аз мактаб варақаи шартнома миёни волидайн ва мактабро ба дасти фарзандонашон медиҳанд ва мегӯянд, ки «ба падару модаратон гӯед, дар ин шартнома имзо гузоранд».

Маврид ба зикр аст, ки дар мактаби таҳсилоти умумии №15-и ноҳияи Рӯдакӣ 2500 хонанда таҳсил намуда, ба қавли директори ин мактаб 700 нафари онҳо тариқи шарнома ба дарсҳои иловагӣ фаро гирифта шудаанд.

Ҳоло волидайни хонандагон тасмим гирифтаанд, аз рӯи амалҳои директори ин мактаб ба Прокурори генералии Тоҷикистон ва дигар ниҳодҳои дахлдор шикоят баранд. Аммо то куҷо ин масъала аз ҷониби масъулин ҷиддӣ гирифта мешавад ва сари он чораҷуӣ менамоянд, инро вақт нишон хоҳад дод.
Мӯҳр
бале рост аст дар Панчакент хам ах хар як хонанда 10-15 сомони талаб менамоянд вале намедонем ки ин пулхо ба кучо мераванд

Падар
Бовар кунед ин кадар мафияи ин муаллимхо ва мактабхо кави шудааст, ки дигар бо хеч рох намешавад пеши онро гирифт ё пул медихед ё фарзандаторнро аз мактаб мегиред. Бадбахти дар он аст, ки ин кори муаллимхо ба рухияи талабхо таъсири бисёр манфи гузоштааст, агар касе пул набарад дар миёни талабахо бо тахкири муаллиму муаллимахо ру ба ру мешавад ва ба хамин хотир хамму гами талабахо факат кай пул бурдан ба мактаб шудааст. Илтимос ба доди ин мардум расед, вахорати маориф парвои ин кор надорад. агар касе шикоят кунад дигар фарзандаш дар он мактаб хонда наметавонад. Агар вазъ хамин хел идома кунад дар сохои баъди мо як насли бесавод хохем дошт, ки то чандин дахсолахои дигар дар Росия гуломи мекунанд.

Рустам
Озодагон дар хакикат Озод буди, аз Радиои Озоди гузарониди!!! Радио Озоди хамин хел матлабро нашр карда хамон руз аз сайташ тарсида гирфт!!! Номи маколааш Мактабхо банкрот мекунанд ном дошт ва Google то хол нишон медихад. Хамаи Мактабхо пул мегиранд, мачбуран шартнома мефиристанд, ки имзо накунад ба холаш дар мачлис падару модарон механданд!!!!

Рустам
Хамин макола 4 руз пеш дар Радиои Озоди буд, тарсида гирифт: "Мактаб оилаҳои камбизоатро банкрот мекунад"
www.ozodi.org/.../tajik.../24972515.html
4 days ago – "Бовар кунед, ҷонамон ба лабамон омадааст аз дасти устодони мактабҳо.

Инчоро бинед Гугл нишон медихад чи хел Радиои Озод нест
https://www.google.com/search?q=мактаб+банкрот+мекунанд

Махина
Хамаи гуфтахои бародарону хохарон як вокеият аст, ки мардум ба дод омадааст. Дар хамин нохияи Рудаки бесохиби дар тамоми сохаш аз заминфуруши то дигар сохахои мухими хаёт бо тамоми тантана Хукмрони дорад.Мудири маориф бошад холо ба фикрам танхо дар гами худаш аст ва бо директорн танхо накшахои худро амали мекунанд. Чаро ба донишу илм касе таваччух намекунад, кучост шарафу обруи баъзе аз директорон, ки барои мушарраф шудани хонандагон дар озмунхо, гирфтани медал ва шаходатномахои сурх талош кунанд. Аз дахони баъзе омузгорон танхо толибилмон суханхои кабех мешунаванд ва мехру суханронии устодонаи омузгор дигар кариб нест. Кудак хамеша кудак намемонад ва хар гуна муносибате ки устод мекунад дар оянда дар хотираи шогирдон хамон гуна боки мемонад. Онхо низ шояд шахсиятхои хуб шаванд. Охир устод касест, ки доираи зиёди чамъияти атрофаш бо у мемонад ва уро мешиносад. Пас аз имруз боандеша бошед. Ман бовар дорам ки ин суханхо ва суханхои бародарони дигар ба онхо таъсир хам намерасонад.Бехуда нагуфтаанд, ки аз хама касби душвор ин инсон будан аст. Илтимос Озодагон чоп кунед.

Мисли Гулнора Меликова зиёд аст, хусусан дар хамин нохияи Рудаки. Хеч кас пеши рохи ин бедодиро гирифта наметавонад. Акнун барои чунин афрод боз бахонаи нави пулчамъкуни огоз гардид. ба кавле сезон сар шуд. Либоси мактабии ягона ва рузномахои навбаромад. Мачбури ки ин либос ва рузномахоро харид куни, набошад аз мактаб пеш мекунанд. Тахдиди нав барои фарзанди бечораи точик пайдо шуд. Яъне то хатми мактаб бечора кудак дили ларзон ба мактаб меравад. Аз тарс ба сараш илм намегунчад дигар. Либос ягона аст, хеле хуб, зебову шинам, аммо сифаташ чи, ва нарх оё ба хама рост аст? охир аз он хаво намегузарад, фарзанди оне ки хамонро истехсол мекунад ва ё мансабдору имкондор аст, онро ба бар мекунад? не албатта. Инсоф дар кучо аст? Хитойи чиву истехсоли ватани чи пас. Агар дили мо ба фарзанди миллат насузад, кучост дигар мусулмонии мо. Рузномахоро то огози мактаб аксаран бо нархи 5 сомон харидаанд. Акнун мачбур дубора ва бо тахдиди навбати модарону падарон бо сар хам онро аз директорон 7 сомони мехаранд. Дар вакти карор баровардан касе аз волидон намепурсад ва вазъи зиндагии мардум ба инобат гирифта намешавад.Яъне хукукхо поймол мегардад!!!!!!!

Мехрубон Исломов
Намедонам то кадом дарача ин шикоятхо хакикат доранд,аммо ман ки хонандаи хамин муассиса хастам инро пурра тасдик карда наметавонам,зеро на хамаи омузгорон чунин рафтори ношоям менамоянд.чанд соле пеш чунин корхо арзи вучуд доштанд аммо шукр ки имруз ин кор то хади имкон аз байн рафтааст ва ман хамчун як чавони хушбахт аз номи кулли истикоматкунандагони Чамоати шахраки Мирзо Турсунзода ба Вазорати Маорифи чумхурии Точикистон гуфтани хастам,ки Мо ба муассисаи нав ниез дорем.худи муассисаи раками 15;ки барои 900 нафар дар ду баст таъсис ефтааст,имруз бошад муттаассифона кариб 3500 нафар дар се баст тахсил менамоянд........гуфтанихо зиед аст аммо максад ки ба доди мо чавонон бирасед..мо дар таълим мушкилихо дорем ва ин боиси косташавии аклу дониши мо мегардад....Ба мо Муассисаи нав сохта ба истифда дихед.


Эзоҳ илова кунед
Номи шумо:
Почтаи электронии шумо:
  • bowtiesmilelaughingblushsmileyrelaxedsmirk
    heart_eyeskissing_heartkissing_closed_eyesflushedrelievedsatisfiedgrin
    winkstuck_out_tongue_winking_eyestuck_out_tongue_closed_eyesgrinningkissingstuck_out_tonguesleeping
    worriedfrowninganguishedopen_mouthgrimacingconfusedhushed
    expressionlessunamusedsweat_smilesweatdisappointed_relievedwearypensive
    disappointedconfoundedfearfulcold_sweatperseverecrysob
    joyastonishedscreamtired_faceangryragetriumph
    sleepyyummasksunglassesdizzy_faceimpsmiling_imp
    neutral_faceno_mouthinnocent
ХАБАРҲОИ ОХИРИН
Баҳси пурзӯр кардани ҳифзи сарҳади Тоҷикистону Афғонистон дар дидори Э.Раҳмон ва ҳайати парлумони Аврупо10:09Оғози фурӯши смартфонҳои iPhone 8 ва iPhone 8 Plus!09:49БО ЗАБОНИ ШЕЪР: Ман зи андешаи турконаи як ҳамватанам метарсам...15:34Чаро ҳукумат ҳамеша ба ТАЛКО имтиёз медиҳад?14:16“Шантаж”-и ҳамсар: Аз ҳаққи модарӣ даст накашӣ расвоят мекунам10:27Баҳси буҷа: Аз қарзи маош то қарзи хориҷӣ11:57Сарвазири Тоҷикистон бо Президенти Узбакистон мулоқот мекунад11:05Ҳимояти СММ аз cарбози тоҷики пайрави “Шоҳидони Яҳво”, ки либоси низомиро рад кард10:38АКС+ВИДЕО. Нахустин анҷумани маъюбони Тоҷикистон дар Душанбе11:51Маҷлис: Аз тағйироти кадрӣ то ваъдаи 80 мансабдор барои пулдиҳӣ аз кисаи худ15:46100 метр дуртар: Тамокукашӣ маҳдудтар шуд13:21Аз парвандаи Маҳмудов то муроҷиати ҷабрдидагони "7 бурҷ": Роҳкиро надорем (ВИДЕО)11:18Пешниҳоди журналисти тоҷик ба раҳбарони кишварҳои ҷаҳон: 2018-ро соли беяроқӣ эълон кунем!09:33Агентии зидди коррупсия гуфт, “Умед-88” ва Вазорати молия аз “Роғун” қарз гирифтаанд08:01Таърихи имрӯз: Мавлуд, ҷашн, санаҳои таърихӣ, дамои ҳаво, бозори арз07:44
ТАҚВИМ
«    Март 2024    »
ДушСешЧорПанҶумШанЯкш
 123
45678910
11121314151617
18192021222324
25262728293031
БОЙГОНӢ
Ноябр 2017 (5)
Октябр 2017 (192)
Сентябр 2017 (257)
Август 2017 (314)
Июл 2017 (301)
Июн 2017 (269)