“Наҳзатиён”-и Ванҷ алайҳи Булбулов баромаданд
Завқибек Раҳмонов, раиси шуъбаи ҲНИТ дар Ванҷ дар суҳбат ба “Озодагон” гуфт, “иттилои ҷаноби Булбулов, ки гӯиё омори теъдоди наздик ба ду ҳазор узви ҲНИТ дар Бадахшон сиҳат надорад, комилан беасос буда, мо бо масъулияти том изҳор медорем, ки танҳо дар ноҳияи Ванҷ, ҲНИТ 320 узв дошта, шумораи ҷонибдорони он аз 1000 нафар бештар мебошад. Ин дар ҳолест, ки ҷаноби Булбулов теъдоди умумии аъзои ҲНИТ дар Бадахшонро 38 нафар медонад, ки комилан дурӯғ мебошад.”
Бахши ҲНИТ дар Ванҷ бо нигаронии амиқ аз амалкарди Асрор Булбулов изҳор медорад, ки чунин шеваи фаъолият ба обрӯйи ҲНИТ хамчун ҳизби муташаккил ва бузургу мухолиф таъсири манфӣ мегузорад. Ҳамчунин ҷаноби Булбулов узвият дар ҳизбро мисле, ки гуноҳ ва ҷиноят дониста, изҳор медорад: «Кӯр як бор асои худро гум мекунад». Мо ба масъулияти баланд эълом медорем, ки узвият дар ҲНИТ на танҳо гуноҳ ва ҷиноят нест, балки ифтихор ва мавқеи шаҳрвандии фаъол буда, як амалкарди қобили қабули ҷомеаи демократӣ мебошад.
Завқибек Раҳмонов афзуд, ки “шояд ин изҳороти Асрор Булбулов зери фишори шадиди мақомот дар арафаи интихоботи президентии моҳи ноябри соли равон ба бор омадааст ва мо умедворем, ки бахшҳои дигари ҲНИТ дар дигар навоҳии Бадахшон низ мавқеи худро нисбати ин буҳтонномаи телевизионӣ рӯшан мекунанд. Зеро Асрор Булбулов ҳуқуқи маънавии аз номи тамоми мардуми Бадахшон изҳорот доданро надорад.”
Аъзои ҷаласаи изтирории бахши ҲНИТ дар ноҳияи Ванҷ баён медоранд, ки бо назардошти зарурати ҷомеаи шаҳрвандӣ, татбиқ намудани демократия, гуногунандешии сиёсӣ ва эҳтиром гузоштан ба ҳуқуқи инсон ва дигар арзишҳои башарӣ, вуҷуди ҲНИТ-ро натанҳо зарурӣ, балки барои ҷомеаи Тоҷикистон бисёр муҳим меҳисобем.”
Асрор Булбулов, ки худро раҳбари Ҳизби Наҳзати Исломӣ дар маркази вилояти Бадахшон, муаррифӣ намуд, шоми 5-уми август, дар изҳороте тариқи Шабакаи аввали телевизиони давлатии Тоҷикистон, Муҳиддин Кабирӣ, раҳбари ҲНИТ-ро барои барзиёд нишон додани аъзои ҳизб муттаҳам кард. Асрор Булбулов узвияти 3 ҳазор нафар аз ҲНИТ дар Бадахшонро дурӯғе беш надонист ва гуфт, ҳоло ҳамагӣ 38 узви пешини ҲНИТ дар ин минтақа боқӣ мондаанду халос. Аз ҷумла, ба гуфтаи ӯ, ҳоло раёсати ҲНИТ дар Хоруғ ҳамагӣ 5 узв дорад. “Ман ҳатто муовини худро надидаам. Фақат панҷ нафарро мешиносам. Дар ҳолатҳои даркорӣ ҳамин панҷ нафарро даъват мекунам",-афзуд Булбулов. Ӯ таъкид намудааст, ки ин ҳизб барои Тоҷикистон даркор нест. Асрор Булбулов як сол пеш, баъди боздошти Шерик Карамхудоев, собиқ раиси ҲНИТ дар Хоруғ, иҷрокунандаи вазифаи раиси шуъбаи ин ҳизб дар Хоруғ таъин шуда буд. Мӯҳр
Эзоҳ илова кунед
ХАБАРҲОИ ОХИРИН
Баҳси пурзӯр кардани ҳифзи сарҳади Тоҷикистону Афғонистон дар дидори Э.Раҳмон ва ҳайати парлумони Аврупо10:09Оғози фурӯши смартфонҳои iPhone 8 ва iPhone 8 Plus!09:49БО ЗАБОНИ ШЕЪР: Ман зи андешаи турконаи як ҳамватанам метарсам...15:34Чаро ҳукумат ҳамеша ба ТАЛКО имтиёз медиҳад?14:16“Шантаж”-и ҳамсар: Аз ҳаққи модарӣ даст накашӣ расвоят мекунам10:27Баҳси буҷа: Аз қарзи маош то қарзи хориҷӣ11:57Сарвазири Тоҷикистон бо Президенти Узбакистон мулоқот мекунад11:05Ҳимояти СММ аз cарбози тоҷики пайрави “Шоҳидони Яҳво”, ки либоси низомиро рад кард10:38АКС+ВИДЕО. Нахустин анҷумани маъюбони Тоҷикистон дар Душанбе11:51Маҷлис: Аз тағйироти кадрӣ то ваъдаи 80 мансабдор барои пулдиҳӣ аз кисаи худ15:46100 метр дуртар: Тамокукашӣ маҳдудтар шуд13:21Аз парвандаи Маҳмудов то муроҷиати ҷабрдидагони "7 бурҷ": Роҳкиро надорем (ВИДЕО)11:18Пешниҳоди журналисти тоҷик ба раҳбарони кишварҳои ҷаҳон: 2018-ро соли беяроқӣ эълон кунем!09:33Агентии зидди коррупсия гуфт, “Умед-88” ва Вазорати молия аз “Роғун” қарз гирифтаанд08:01Таърихи имрӯз: Мавлуд, ҷашн, санаҳои таърихӣ, дамои ҳаво, бозори арз07:44
АХБОРИ ҶОЛИБ
10:09, 04 ноябр 2017
ТАҚВИМ
| « Апрел 2024 » | ||||||
|---|---|---|---|---|---|---|
| Душ | Сеш | Чор | Пан | Ҷум | Шан | Якш |
| 1 | 2 | 3 | 4 | 5 | 6 | 7 |
| 8 | 9 | 10 | 11 | 12 | 13 | 14 |
| 15 | 16 | 17 | 18 | 19 | 20 | 21 |
| 22 | 23 | 24 | 25 | 26 | 27 | 28 |
| 29 | 30 | |||||
