20 авг 2013 09:05Оcиёи Марказӣ / Тоҷикистон

Додоҷони Атовуллоҳ аз раҳоияш хабар дод

Додоҷони Атовуллоҳ, раҳбари ҷунбиши сиёсии “Ватандор”, ки шаби 19 ба 20-уми август, дар фурудгоҳи Тбилисӣ боздошт гардида буд, нисфирӯзи 20-уми август аз раҳоияш хабар дод.

Додоҷон дар саҳифаи фейсбукияш аз қавли монбеъ изҳор медорад, ки ӯро ҳабс нахоҳанд кард ва базудӣ озод хоҳад шуд. Ӯ шаби гузашта ҳангоми парвоз аз Прага ба Тбилисӣ боздошт шуда буд ва тавре худи ӯ иттилоъ дод, "боздошти ӯ бо дархости интерпол сурат гирифтааст ва айни ҳол интизори қарори ҳукумати Гурҷистон мебошад. “Гурҷистон як кишвари демократӣ аст, умедворам, маро озод мекунанд."-гуфта буд ӯ.

Ба навиштаи Додоҷон мақомоти тоҷик ӯро дар терроризм муттаҳам мекунад. Бо вуҷуд мақомоти гурҷӣ ба ӯ имкон додаанд, аз интернет истифода кунад.

Додоҷони Атовуллоҳ, журналист ва раҳбари ҷунбиши сиёсии “Ватандор”, рӯзи 15-уми июл дар фурудгоҳи Шереметевои шаҳри Маскав низ дар ҳоле, ки ӯ аз Прага бармегашт, боздошт шуда буд, аммо баъди чанд соат дубора ба Прага фиристода шуд.

Додоҷони Атовуллоҳ, муассис ва сардабири нашрияи “Чароғи рӯз”, аз мухолифони сарсахти ҳукумати Эмомалӣ Раҳмон, раисиҷумҳури кунунии Тоҷикистон мебошад, ки дар пайи ҷанги дохилии Тоҷикистон кишварро тарк карда, дар Русияву Олмон ба сар мебарад. Мақомоти Тоҷикистон ӯро дар таҳқири раисиҷумҳур ва ҳамчунин даъват ба сарнагунии низом муттаҳам медонанд. Бори охир Додситонии кулли Тоҷикистон соли 2011 нисбат ба ӯ парвандаи ҷиноӣ боз намуда, аз Русия тақозо карда буд, Атовуллоҳро ба Ватан истирдод намояд.

Додоҷони Атовуллоҳ тобистони соли 2001 бо дархости ҷониби Тоҷикистон дар Маскав боздошт шуда, вале баъд аз якуним рӯзи ҳабс раҳо гашта буд. Он вақт созмонҳои журналистӣ ва ҳомии ҳуқуқи инсон аз боздошти ӯ шадидан интиқод карда буданд.

Мӯҳр

Хабарҳои монанд:

саид

худованд устоди азизиморо,ки чони худро барои озодии милати точик дарег надошт дар панохи амнаш нигох дорад ва худокунад ки ба зуди озодшуда мукобили ин рохбарони золиму хоин муборизаи худро идомадихад

Он бародар мегуяд,ки агар Додочони Атоуллох мард мебуд миёмад дар ватани худаш муборизаро барои озодии мардум мебурд ман аз ин бародар мепурсам, ки ин номардхо чандин чавонмардонро дар ватани худашон бегунох зиндони кардан ё инки ба хар макру хилахо ба катл расонданд барои мисол Ёкуб Салим он марде ки чони худро сипар барои ин рохбари шумо кард дар ватани худаш ба чи хол гирифтораш карданд ва дигару дигархо хамаи инро хаки точик медонанд аммо имруз ки ба ту мансабе гумон мекунам расидаас аз хамин хотир норохат шудаи хайфи мо барин миллатеки хама мардумамон гуруснаю ташна дарусия гулломан боз ту шарм нокарда мукобили касе харф мезани у аз хукуки мардум риояшудан харф мезана тарафи касеро мегирики точикистонро бойни хонадони худ таксим карда парвои ин милатро надорад

Ҷавоб диҳед Иқтибос Шикоят

мубориз

Ин даун гайри худаша масхараву мазок кардан дигар кор надорад. Ба дар меронандаш, аз тиреза медарояд. Мегуянд казои саг, ки расид нони чупониш мефорад. О ту дар Гурчистон чи гум кардаи, модарат хешу таборат дар Точикистон. Хона биё, мегуем ба бачахо чангат намекунанд. Ту намедони, ки гурчихо бо русхо, ки пуштибони туянд, чангиянд ва метавонанд бо ду дасти адаб пеши акат роит кунанд. Хе беакле....

Ҷавоб диҳед Иқтибос Шикоят

Ванатдуст

...АТОВУЛЛОХИ, АГАР ТУ ХАМ БА САРИ КУДРАТ БИЁИ МАКСАДИ ТУ ХАМ ХАМИН АСТ, ИМРУЗ ХАМА БАРОИ НАФСУ ЧОНИ ХУД МУБОРИЗАНД, НА БАРОИ МИЛЛАТУ ВАТАН.... НА ВАТАНДОР ВА НА ГР-24 ВА НА ДИГАРХО, ХАМА МАКСАДИ ЯГОНА "ЧИ ГУНА РОХБАРИРО БА ДАСТ ОВАРДА АТРОФИЁНИ ХУДРО ДОРАНДА ГАРДОНЕМ ВА ДИГАРОНРО МУТЕЪ". МАКСАДИ ХАР ЯК ДАЪВОГАР АЗ РОХБАРИЯТИ ИМРУЗА ТО ДИГАРОН МАКСАДИ ЯКХЕЛА ДОРАНД..... БА ХАМИН ХОТИР ХУДОВАНД ИН ГУНА АШХОСИ ЗУЛМКОРРО АБАДИ НАМЕДОРАД, ЯГОН РУЗ ФАНО МЕШАВАНД, ИНШОАЛЛОХ... ХАР КАСЕ МАКСАДАШ ВАЙРОНИИ ВАТАН ВА ПАРЕШОНИИ МИЛЛАТУ ХАЛКИЯТ АСТ, ХОИН ВА ДУШМАНИ ХАЛКИ ХУДОСТ ВА ЗУД АСТ КИ ИНШОАЛЛОХ ФАНО МЕШАВАД.!!!

Ҷавоб диҳед Иқтибос Шикоят

Эзоҳ илова кунед