17 сен 2013 15:43Тоҷикистон / Фарҳангу адаб / Интихобот - 2013

Барзу Абдураззоқов барои интихобот ба Тоҷикистон баргашт

Барзу Абдураззоқов, коргардони саршиноси тоҷик, ки тайи тақрибан панҷ моҳи охир дар Бишкек, маркази Қирғизистон ба сар мебарад, барои иштирок дар маъракаи интихоботи президентӣ ба Тоҷикистон омадааст.

Оқои Абдураззоқов рӯзи 17-уми сентябр дар Анҷумани даҳуми Ҳизби наҳзати исломӣ ҳамчун шахси боэътимоди Ойниҳол Бобоназарова, номзади ягонаи ислоҳталабон, эълон шуд. То ин дам Ҳоҷӣ Акбар Тӯраҷонзода, қозии пешини мусалмонон, танҳо шахси боварнок ва ё боэътимоди Бобоназарова дониста мешуд.

Худи Барзу зимни суханронӣ дар анҷумани ҲНИТ гуфт: “Муаллимаи азиз, имрӯз инҷо ҳастам. Барои он ки назди Шумо бошам, хидмат кунам. Барои он ки дар паҳлуи Шумо бошам, паҳлуи ҳамаи шумо. Иншоаллоҳ пирӯз мешавем.”

Барзу Абдураззоқов дар суҳбат ба “Озодагон” гуфт, бо ин мақсад аз Қирғизистон омада ва қарор аст то ду моҳи дигар, яъне то анҷоми интихоботи президентӣ, дар Тоҷикистон бимонад. Ин коргардони шинохтаи тоҷик панҷ моҳи қабл ба Қирғизистон рафта, барои таҳияи чанд намоишнома бо ҳунармандони қирғиз ҳамкорӣ мекард. Аз ҷумла, рӯзи бистуми июни соли ҷорӣ намоишномаи “Қиёмат”-и ӯ аз рӯи асари Чингиз Айтматов барои нахустин бор дар Бишкек ба намоиш даромадва маривди истиқболи сокинони Бишкек қарор гирифт.

Баъдан ӯ ба Театри давлатии академӣ ба номи Абдумомунови Қирғизистон даъват шуда, то намоишномаеро аз рӯи асари Чингиз Айтматов -- "Пегий пес, бегущий краем моря" ба рӯи саҳна орад. Интизор меравад, ҳамин моҳ (сентябр) бахшида ба 85-солагии Чингиз Айтматов, нависандаи маъруфи қирғиз, дар Қирғизистон як ҷашнвораи вижае баргузор шавад ва ин намоишномаҳои Барзу маҳз барои ҳамин фестивал таҳия гаштаанд.

Барзу Абдураззоқов, яке аз коргардонҳои саршиноси Тоҷикистон аст, ки дар гузашта раҳбарии Театри ба номи Камоли Хуҷандӣ ва Театри ҷавонон ба номи Маҳмуди Воҳидро ба уҳда дошт.

Мӯҳр

Хабарҳои монанд:

Сайд

Кулоби,
Дусти азизам. Барзу нони хучандихоро хурда ба намакдонашон туф накардааст, балки ин хучандихо ва дар симои онхо Косимчон Косимов нисбати у ситамхои зиёде карданд. У омад ва театр рушд кард, у омад дар панч сол театри мурдаи Хучанд 7 чоизаро сохиб шуд, у омад хунармандони театри Камоли Хучанди ба хорич сафар карданд, лекин вакти аз театр рафтанаш акси худашро низ барояш фурухтанд. Яъне сурати худашро, ки дар театр зада шуда буд, 10 сомони дода харид....
Барзу метавонад ин вазифаро сарбаландона ичро кунад.

Ҷавоб диҳед Иқтибос Шикоят

Саид...

Барзу ака Д. Худойназаров....Б. Собир такдири онхо ба шумо дарс не ми...хол он ки фоидае хам намеоваред..точики намедонед..сиёсат чист намедонед...ин сахна не...карсак намешавад..

Ҷавоб диҳед Иқтибос Шикоят

Фидоии миллат

Ба Барзу нарасед хаматон мисли ман дар кишлоки Душанбе зиндаги дорен Барзу мисли ..ПОСЛЕДНИЙ ИЗ МОГИКАН ХАСТ...дар ватани мо...ИНТИЛЕГЕНТ.. намондааст.

Ҷавоб диҳед Иқтибос Шикоят

Эзоҳ илова кунед