Намоиши “ҷабрдида”-и нав ва Зайд Саидов тавассути ТВ-ҳои давлатӣ
Дар ин гузориши видеоӣ гуфта шуд, ин ҳодиса моҳи июли соли 2012 дар бӯстонсарои оқои Саидов дар ноҳияи Варзоб иттифоқ уфтодааст. “Зайд Саидов аз роҳи фиреб ин шаҳрванди ҳанӯз ба синни 14 нарасида (соли таваллуд --1999)-и Русияро, ки гӯиё ба лагери пионерӣ мебарад, ба бӯстонсарояш бурда, бо воситаи маводи мадҳушкунандаи номаълум ба номуси ӯ дастдарозӣ мекунад”,-таъкид шуд дар ин гузориш.
Баъдан дар ин навор гуфта шуд, гӯиё Зайд Саидов барои “рӯпӯш” намудани ин амали худ духтари русро, ки аз ӯ “Г.Е.” ном бурда мешавад, аз тариқи зӯр панҷ рӯз дар бӯстонсарояш нигоҳ доштааст. Телевизионҳои давлатии Тоҷикистон дар ин навор бӯстонсаро ва як лаҳзаи рӯбарӯкунии ин духтари наврас дар бинои Оҷонсии зидди фасоди молӣ бо Зайд Саидовро ҳам намоиш доданд. Зоҳиран ин духтар нишон медод, ки Зайд Саидовро мешиносад ва бо забони русӣ мегуфт, ки таҷовуз ба номуси ӯ дар Варзоб ва дар як бинои дуошёна сурат гирифтааст. Аммо вокуниш ва ҳарфи оқои Саидов дар баробари ӯ намоиш дода нашуд.
Аз ин пеш, 24-уми сентябри соли ҷорӣ Оҷонсии мубориза бо коррупсия гуфта буд, ки алайҳи Зайд Саидов, соҳибкор ва раҳбари боздоштшудаи “Тоҷикистони нав”, бо иттиҳоми таҷовуз ба номуси духтари 12-сола боз як парвандаи ҷиноӣ боз кардааст. Вакилони мудофеи Зайд Саидов гуфта буданд, ки нафари таҳти ҳимояташон чунин як иттиҳомро бофтаву сохта донистааст. Ба қавли онҳо, Зайд Саидов гуфтааст, ин духтарро бори аввал мебинад ва намешиносад.
Ин барои дувумин бор аст, ки Оҷонсии мубориза бо коррупсия Зайд Саидовро дар таҷовуз ба номуси духтарони ноболиғ муттаҳам мекунад. Ин оҷонсӣ 16-уми июли соли ҷорӣ низ алайҳи соҳибкори муваффақи тоҷик "барои таҷовуз ба номуси духтари ноболиғ ва ба исқоти ҳамл маҷбур сохтани зан" парвандаи ҷиноӣ оғоз намуда буд. Оҷонсӣ гуфта буд, ба ин ниҳод ноболиғ "А" бо ариза муроҷиат намудааст, ки гӯиё Зайд Саидов ба номуси ӯ таҷовуз кардааст. Иттилое, ки Зайд Саидов онро беасос ва дурӯғин хонда буд.
Зайд Саидов, соҳибкори шинохта ва раҳбари гуруҳи ташаббускори таъсиси ҳизби “Тоҷикистони нав”, як моҳ баъд аз эълони азмаш барои таъсиси ҳизби сиёсӣ, субҳи 19-уми май боздошт шуда, айни ҳол дар боздоштгоҳи муваққатии Кумитаи амнияти миллӣ нигоҳдорӣ мешавад. Мақомот ӯро ба сӯистифода аз мансаб, порагирӣ, қаллобӣ, таҷовуз ба номус, бисёрзанӣ ва ғайра муттаҳам медонанд. Мӯҳр
Эзоҳ илова кунед
ХАБАРҲОИ ОХИРИН
Баҳси пурзӯр кардани ҳифзи сарҳади Тоҷикистону Афғонистон дар дидори Э.Раҳмон ва ҳайати парлумони Аврупо10:09Оғози фурӯши смартфонҳои iPhone 8 ва iPhone 8 Plus!09:49БО ЗАБОНИ ШЕЪР: Ман зи андешаи турконаи як ҳамватанам метарсам...15:34Чаро ҳукумат ҳамеша ба ТАЛКО имтиёз медиҳад?14:16“Шантаж”-и ҳамсар: Аз ҳаққи модарӣ даст накашӣ расвоят мекунам10:27Баҳси буҷа: Аз қарзи маош то қарзи хориҷӣ11:57Сарвазири Тоҷикистон бо Президенти Узбакистон мулоқот мекунад11:05Ҳимояти СММ аз cарбози тоҷики пайрави “Шоҳидони Яҳво”, ки либоси низомиро рад кард10:38АКС+ВИДЕО. Нахустин анҷумани маъюбони Тоҷикистон дар Душанбе11:51Маҷлис: Аз тағйироти кадрӣ то ваъдаи 80 мансабдор барои пулдиҳӣ аз кисаи худ15:46100 метр дуртар: Тамокукашӣ маҳдудтар шуд13:21Аз парвандаи Маҳмудов то муроҷиати ҷабрдидагони "7 бурҷ": Роҳкиро надорем (ВИДЕО)11:18Пешниҳоди журналисти тоҷик ба раҳбарони кишварҳои ҷаҳон: 2018-ро соли беяроқӣ эълон кунем!09:33Агентии зидди коррупсия гуфт, “Умед-88” ва Вазорати молия аз “Роғун” қарз гирифтаанд08:01Таърихи имрӯз: Мавлуд, ҷашн, санаҳои таърихӣ, дамои ҳаво, бозори арз07:44
АХБОРИ ҶОЛИБ
10:09, 04 ноябр 2017
ТАҚВИМ
| « Апрел 2024 » | ||||||
|---|---|---|---|---|---|---|
| Душ | Сеш | Чор | Пан | Ҷум | Шан | Якш |
| 1 | 2 | 3 | 4 | 5 | 6 | 7 |
| 8 | 9 | 10 | 11 | 12 | 13 | 14 |
| 15 | 16 | 17 | 18 | 19 | 20 | 21 |
| 22 | 23 | 24 | 25 | 26 | 27 | 28 |
| 29 | 30 | |||||
