Собиқадорони амният изҳороти генерал Пояндашоевро маҳкум карданд
Шӯрои собиқадорони Кумитаи давлатии амнияти миллии Тоҷикистон бо пахши як иттилоия изҳороти собиқ генерали амният, Оразшоҳ Пояндашоевро дар мавриди таҳрими интихоботи президентӣ маҳкум кардаанд.
Шӯрои собиқадорон муроҷиати Пояндашоевро "иғвоангезона ва зидди манфиатҳои миллӣ" хонда, ӯро дар манфиатхоҳию хиёнат муттаҳам мекунад. Шӯрои собиқадорони КДАМ аз мардуми Тоҷикистон хостааст, ба даъватҳои ғаразхоҳонаи Пояндашоев дода нашаванд.
Генерал Оразшоҳ Пояндашоев, собиқ муовини раиси Кумитаи амнияти миллии Тоҷикистон, ахиран бо пахши як муроҷиатнома аз мардуми Тоҷикистон хостааст, ба хотири ҳифзи шаъну шарафи худ аз иштирок дар интихоботи президентии 6 ноябр худдорӣ кунанд.
Пояндашоев гуфтааст, ҳукумати феълӣ тайи беш аз 21 соли ҳукмронияш таъқиби мухолифину дигарандешонро пеша карда, ба хотири ғаразҳои шахсӣ аз роҳҳои ғайриқонунию ғайриконститутсионӣ кор мебарад. Бо зикри ин, собиқ генерали амният, ки айни ҳол дар Русия умр ба сар мебарад, аз шаҳрвандони Тоҷикистон даъват кардааст, дар интихоботи президентӣ ширкат накунанд.
Мӯҳр
ТАҚВИМ
« Март 2024 » |
---|
Душ | Сеш | Чор | Пан | Ҷум | Шан | Якш |
---|
| 1 | 2 | 3 |
4 | 5 | 6 | 7 | 8 | 9 | 10 |
11 | 12 | 13 | 14 | 15 | 16 | 17 |
18 | 19 | 20 | 21 | 22 | 23 | 24 |
25 | 26 | 27 | 28 | 29 | 30 | 31 |