20 ноя 2013 10:32Тоҷикистон / Дин ва зиндагӣ / Мусоҳибаҳо

Нигаронии Кабирӣ аз сангаргириҳо дар мавриди шиаву суннӣ

Муҳиддин Кабирӣ, раиси Ҳизби наҳзати исломӣ ва вакили парлумони Тоҷикистон, аз баҳси густурдаи мусалмонҳо дар бораи шиаву суннӣ изҳори нигаронӣ кардааст.

Оқои Кабирӣ, ки дар як суҳбати ихтисосии худ бо “Наҷот”, нашрияи расмии ҲНИТ, дар ин бора ибрози назар кардааст, мегӯяд, “талоши беҳудаи ҳамаро яксара шиа ё суннӣ кардан миллиардҳо маблағ ва миллионҳо нерӯи инсониро ба худ машғул кардааст.” Ба гуфтаи Муҳиддин Кабирӣ, ин раванд вақтҳои охир ба бузургтарин мушкилоти нерӯҳои исломӣ табдил ёфтааст. Раиси ҲНИТ илова кардааст, имрӯз ҷаҳони Ислом дар марҳилае қарор дорад, ки Ғарб онро чандин аср пеш тай карда буд: “Мо тақрибан дар ҳамон марҳилае мебошем, ки Аврупо чандин аср пеш буд ва католикҳову протестантҳо якдигарро аз лиҳози мазҳабӣ таҳаммул надоштанд.”

Инчунин, раиси ҲНИТ яке аз мушкилиҳои асосии дигари ақибмондагии олами Исломро дурӣ аз илму дониш арзёбӣ кардааст. Ӯ мегӯяд, “мушкили асосии олами Исломро имрӯз дар камбуди маърифат ва илм мебинам, болои ин ду масъала сармоягузорӣ накардем. Дар сурате ки Ғарб ҳарчи дорад аз маърифату илм аст. Мо ҳам ҳарчи дар гузашта доштем, аз эътибор додан ба ҳамин ду масъала бастагӣ дошт. Имрӯз мо, мусалмонҳо танҳо фахре дорем аз ин ду мафҳум, на аз асли онҳо. Ҳамаи мушкилоти мо: иқтисодиву сиёсӣ, ҳатто диниамон ҳам аз ҳамин ду масъала маншаъ мегиранд.”

Ибрози назари раиси ҲНИТ дар бораи мазоҳиби исломӣ дар ҳолест, ки вақтҳои охир баҳси суннию шиа ба мушкили умда табдил ёфтааст ва ахиран ҳам Муҳаммад Ҷавоб Зариф, вазири умури хориҷии Эрон низ аз бархурди фирқаии пайравони дини мубини Ислом нигаронӣ карда, ин равандро таҳдид ба амнияти минтақа хонд: “танишҳои фирқаӣ байни мусалмонони шиа ва суннӣ ҷиддитарин таҳдид барои амнияти ҷаҳон аст.”

Мӯҳр

Хабарҳои монанд:

иброхим

чаноби Кабири чашо нигаронетонро дар зиед шавии шиа намекунед чаро бисери и азоени шумо шиаянд бо эшони Акбар хамаро дилатон шиа кардан аст?

Ҷавоб диҳед Иқтибос Шикоят

nomdor

naboyad ba in fitna ki az tarafi gharb wa sahyonistho rohandozi meshawad doda shawem ,,, boyad hushyoru ogoh boshem ki kurboni in behudagiho nashawem ikhtilof dorem bale lekin boyad ihtiormi ham doshta boshem wa dar masoile ki ittifok dorem hamkori namoem... wa dar masoile ki ikhtilof dorem hamdigaro maazur dorem...

Ҷавоб диҳед Иқтибос Шикоят

дусти кабири

Abu Maryam,инкадар боэхсосот кабириро рофизи мегуи ки хамрохаш
дар як чойгох хобрафта боши бехае шарманда

Ҷавоб диҳед Иқтибос Шикоят

Эзоҳ илова кунед