30 дек 2013 11:04Тоҷикистон / Дидгоҳи хос
Исмонов ва Ғаффоров дар бораи ҳукми зиндони Зайд Саидов
Раҳбарони ҳизби демократ ва сотсиалисти Тоҷикистон дар робита ба 26 сол ҳукми зиндони Зайд Саидов, соҳибкор, вазири пешини саноат ва раҳбари Тоҷикистони нав изҳори назар карданд.
Саидҷаъфар ИСМОНОВ, раиси Ҳизби демократ:
“Ман як чиз мегӯям. Албатта, ин бояд ба иззати нафси рӯзноманигорон ва тарафдорони Зайд Саидов нарасад. Аз ин қазия чунон ҳангома ва силсилае сохтанд, ки шояд дар аввал ҳукумат ба ҳамин Зайд Саидов 5 сол ҳукм бароварданӣ буд. Аммо баъд аз ин ҳама сарусадо 26 сол гирифт. Баъзан, онҳое, ки худро муҳофиз ва тарафдорони Зайд Саидов мегиранд, аз дасташон чизе намеояд, то охир ҳифз карда наметавонанд. Аз тарафи дигар он муҳофизонаш дониши хуби ҳуқуқӣ ҳам надоштанд. Компромисро дар миён ёфтан лозим буд. Аммо аз дасти инҳо чизе наомад. Корро тарзе карданд, ки агар ҳукумат 10-15 сол ҳукм бароварданӣ буд, дар натиҷа он 26 сол шуд. Чунки атрофи ин қазия як фоҷиа сохтанд. Ба ин ончунон обуранг дода барои ҳукумат як мушкили ҷиддӣ “тарошиданд”, шояд дар он сатҳ чунон набуд. Кӣ метавонад бигӯяд, ки Зайд Саидов ҳеч гуноҳе накардааст ва фарзанди беҳтарини Тоҷикистон аст? Кӣ метавонад бигӯяд, ки ин шахс аз рӯи Қуръону Конситутсия амал ва зиндагӣ мекард? Инро касе гуфта наметавонад, агар гӯяд ҳам, дурӯғ мегӯяд. Дуруст аст, ки Зайд Саидов як тоҷири муваффақ буд. Атрофи ин қазия гапҳо зиёд. Ҳоло дигар бояд муфассалтар баромад кунанд. Азбаски моҳҳои охир аз ин қазия зиёд гуфтанд, пас, ҳоло ба мардум расонанд, ки он чӣ буд: Ҳақиқат ё қасдгирӣ? Вой, бар ҳоли онҳое, ки корашон ба чунин вакилони дифои “чалласавод” мерасад. Коре аз дасти ин вакилон наомад.”
Абдуҳалим ҒАФФОРОВ, раиси Ҳизби сотсиалист:
“Ман ин ҷо додрас ва ё додгоҳу додситон нестам, ки бигӯям чӣ камбудӣ ва ё норасоие инҷо ҳаст. Ман наметавонам қазияро пурра мавриди баррасӣ қарор диҳам. Ҳадди ақалл барои он ки тамоми далели парвандаро надидаам. Дуруст аст, ки Зайд Саидов барои рушди Тоҷикистон ҳамчун як соҳибкор мавқеи муаяйн дошт. Он чизе, ки ман медонам, навиштаи рӯзномаву маҷаллаҳост. Агар додгоҳ дар нисбат ба Зайд Саидов ҳукми ғайриқуонунӣ баровард, пас, вакилон бояд аз болои он ба мақомҳои болоӣ шикоят бубаранд. Дуруст ё нодуруст буданро ман на ҳамчун раҳбари сиёсӣ ва на ҳамчун шаҳрванд наметавонам қазоват кунам. Агар тамоми он айбномаҳое, ки дар баробари Зайд Саидов эълон карданд, дуруст бошад, пас, ман аз ҳукми баровардаи Додгоҳи олӣ дастгирӣ мекунам. Агар он туҳмат дар ҳаққи Зайд Саидов бошад, ман ҳеч гоҳ чунин ҳалномаи додгоҳиро тарафдорӣ нахоҳам кард.”
Моро ҳамроҳӣ кунед:
Дар ФЕЙСБУК (FACEBOOK)
Дар ЮТЮБ (YOUTUBE) Мӯҳр
Эзоҳ илова кунед
ХАБАРҲОИ ОХИРИН
Баҳси пурзӯр кардани ҳифзи сарҳади Тоҷикистону Афғонистон дар дидори Э.Раҳмон ва ҳайати парлумони Аврупо10:09Оғози фурӯши смартфонҳои iPhone 8 ва iPhone 8 Plus!09:49БО ЗАБОНИ ШЕЪР: Ман зи андешаи турконаи як ҳамватанам метарсам...15:34Чаро ҳукумат ҳамеша ба ТАЛКО имтиёз медиҳад?14:16“Шантаж”-и ҳамсар: Аз ҳаққи модарӣ даст накашӣ расвоят мекунам10:27Баҳси буҷа: Аз қарзи маош то қарзи хориҷӣ11:57Сарвазири Тоҷикистон бо Президенти Узбакистон мулоқот мекунад11:05Ҳимояти СММ аз cарбози тоҷики пайрави “Шоҳидони Яҳво”, ки либоси низомиро рад кард10:38АКС+ВИДЕО. Нахустин анҷумани маъюбони Тоҷикистон дар Душанбе11:51Маҷлис: Аз тағйироти кадрӣ то ваъдаи 80 мансабдор барои пулдиҳӣ аз кисаи худ15:46100 метр дуртар: Тамокукашӣ маҳдудтар шуд13:21Аз парвандаи Маҳмудов то муроҷиати ҷабрдидагони "7 бурҷ": Роҳкиро надорем (ВИДЕО)11:18Пешниҳоди журналисти тоҷик ба раҳбарони кишварҳои ҷаҳон: 2018-ро соли беяроқӣ эълон кунем!09:33Агентии зидди коррупсия гуфт, “Умед-88” ва Вазорати молия аз “Роғун” қарз гирифтаанд08:01Таърихи имрӯз: Мавлуд, ҷашн, санаҳои таърихӣ, дамои ҳаво, бозори арз07:44
АХБОРИ ҶОЛИБ
10:09, 04 ноябр 2017
ТАҚВИМ
| « Апрел 2024 » | ||||||
|---|---|---|---|---|---|---|
| Душ | Сеш | Чор | Пан | Ҷум | Шан | Якш |
| 1 | 2 | 3 | 4 | 5 | 6 | 7 |
| 8 | 9 | 10 | 11 | 12 | 13 | 14 |
| 15 | 16 | 17 | 18 | 19 | 20 | 21 |
| 22 | 23 | 24 | 25 | 26 | 27 | 28 |
| 29 | 30 | |||||
