Жириновский: Самарқанду Бухороро аз тоҷикон гирифтанд (ВИДЕО)
Навори баромади Владимир Жириновский -- роҳбари Ҳизби либерал-демократи Русия дар мавриди ҳамгироӣ бо кишварҳои Осиёи Марказӣ, ки моҳи апрели соли ҷорӣ дар шабакаи Ютуб гузошта шуда буд, то кунун даҳҳо ҳазор бинанда гирифтааст.
Дар ин навор Владимир Жириновский дар Думаи давлатӣ барои ҳамгироӣ бо кишварҳои Осиёи Миёна зарур хондааст, ки Русия на аз артиш, балки аз лоиҳаҳои иқтисодӣ кор бигирад. Жириновский таъкид кардааст, Русия 150 сол боз бо кишварҳои Осиёи Миёна забон як карда наметавонад ва ишора намудааст, ки Маскав дастандаркори бисёри ихтилофҳо дар минтақаи Осиёи Миёна мебошад.