Бахшҳо

Мавлавӣ Абдураҳим: “Ҳарфи ман дар бораи ҳизбҳои исломӣ фармоишӣ набуд”

Абдураҳим Каримов, маъруф ба Мавлавӣ Абдураҳим, иддао дар бораи “фармоишӣ” будани изҳороташ дар бораи ҳизбҳои исломиро беасос хонд. Ӯ дар суҳбат бо хабаргузории "Озодагон" гуфт, ҳарфҳое, ки ду ҳафта пеш дар яке аз навоҳии вилояти Суғд дар бораи аҳзоби исломӣ баён дошт, назари шахси худи вай буд ва ҳоло ҳам бар ин ақидааш собит аст.

Ду ҳафта қабл як гурӯҳ аз кормандони Кумитаи умури дини Тоҷикистон, ки дар миёнашон Мавлавӣ Абдураҳим низ буд, ба баъзе аз навоҳии шимоли Тоҷикистон сафар кардаанд. Мавлавӣ Абдураҳим дар сӯҳбати худ дар ноҳияи Масчо ба мавзӯи ҳизбҳои хусусияти динидошта дахл карда ва аз ҷумла гуфтааст, “ҳизбҳои исломӣ асос надоранд”.

Ин изҳороти Мавлавӣ Абдураҳим дарҳол вокуниши Ҳизби наҳзати исломиро, ки танҳо ҳизби динии сиёсӣ дар тамоми Осиёи Марказист, ба бор овард. Масуълини ҲНИТ гуфтанд, ки ҳадаф аз ин ҳарфҳо сиёҳ кардани ҳизб асту халос. Вале Мавлавӣ Абдураҳим дар суҳбат бо “Озодагон” гуфт, “бале, суҳбати мо дар мавриди ҳизбу ҳаракатҳое буд, ки дар дунё бо номи Ислом фаъолият доранд. Инҳо ҳеҷ асоси исломӣ надоранд. Асоси исломие, ки бар он далолат менамояд, то дар рӯйи замин ҳизбҳо бо номи Ислом таъсис ёбанду ба манфиати дину миллат хидмат намоянд, ингуна асос дар Ислом нест. Вале урфу одат ва қонунҳои имрӯз иҷозат медиҳанд, ки ингуна ҳизбҳо бо номи ислому дигар таъсис меёбанд. Албатта, мо ба ин тарафи масъала кордор намебошем. Вале Ислом ин чизро иҷозат намедиҳад.”

Ӯ афзуд, “мо танҳо андешаи худро аз нуқтаи назари чаҳор унсури Ислом, аз ҷумла китобу суннат ва иҷмоъ баён намудем. Зеро бар пояи ин чаҳор унсур ингуна ҳизбҳо асос надоранд.”

Дар посух ба ин суол, ки оё Мавлавӣ Абдураҳим бо хоҳиши худ намояндагони Кумитаи динро дар ин сафар ҳамроҳӣ кардааст, ё бо даъвати мақомот, гуфт, “мо бо хоҳиши худ рафта будем. Аз тарафи Кумитаи умури дин ба мо гуфтанд ва мо низ розӣ шудем. Дар ин сафар мо ва муовини раиси кумитаро раиси Донишкадаи исломӣ ва намояндагони Маркази исломшиносӣ ҳамроҳӣ намуданд.”

Мусоҳиби мо мегӯяд, дар ин сафар намояндагони Кумитаи дин бештар дар бораи қонунгузорӣ, ҷашну маросимҳо ва қонун дар бораи масъулияти падару модар сӯҳбат карда, ҳамчунин ба масъалаи ҳизбу ҳаракатҳое, ки дар дунё ва аз он ҷумла Тоҷикистон фаъолият доранд, дахл намуданд. Мавлавӣ Абдураҳим гуфт, ҳарфҳо дар бораи ҳизбҳои исломиро дар посух ба яке аз саволи иштирокдорони вохӯрӣ баён доштааст.

Абдураҳим Каримов, ки ҳоло мударриси Донишкади исломист, дар гузашта намояндаи Ҳизби наҳзати исломии Тоҷикистон дар Кӯлоб буд. Дар даврони ҷангии шаҳрвандӣ ба Афғонистон паноҳ бурда, пас аз имзои Созишномаи сулҳ дар ҳайати сидарсадӣ вориди ҳукумат шуд ва муддате раёсати Кумитаи гумрукро бар уҳда дошт.

Дар акс: Мавлавӣ Абдураҳим (нафари аввал аз тарафи чап)
Мӯҳр
salmon
zidi kalimai islom nabaromadiyan zidi istifoda dar kgairi makon baromadiyan dar hakikat islom ba partiyahoi ba nom islom muhtoj nest baroiki islom hama muminonro ba itihodi va itifoki amr mekunad

kadom mullo kudakora az masjid raftan man kard fikr mekunam in kalima dar injo istifoda nameshava josha khto kardi tutiboi

barzagov
in baromadhoyashon foida dorad khondan gir baad mefahmi oli maida shumo ukojon

Эзоҳ илова кунед
Номи шумо:
Почтаи электронии шумо:
  • bowtiesmilelaughingblushsmileyrelaxedsmirk
    heart_eyeskissing_heartkissing_closed_eyesflushedrelievedsatisfiedgrin
    winkstuck_out_tongue_winking_eyestuck_out_tongue_closed_eyesgrinningkissingstuck_out_tonguesleeping
    worriedfrowninganguishedopen_mouthgrimacingconfusedhushed
    expressionlessunamusedsweat_smilesweatdisappointed_relievedwearypensive
    disappointedconfoundedfearfulcold_sweatperseverecrysob
    joyastonishedscreamtired_faceangryragetriumph
    sleepyyummasksunglassesdizzy_faceimpsmiling_imp
    neutral_faceno_mouthinnocent
ХАБАРҲОИ ОХИРИН
Баҳси пурзӯр кардани ҳифзи сарҳади Тоҷикистону Афғонистон дар дидори Э.Раҳмон ва ҳайати парлумони Аврупо10:09Оғози фурӯши смартфонҳои iPhone 8 ва iPhone 8 Plus!09:49БО ЗАБОНИ ШЕЪР: Ман зи андешаи турконаи як ҳамватанам метарсам...15:34Чаро ҳукумат ҳамеша ба ТАЛКО имтиёз медиҳад?14:16“Шантаж”-и ҳамсар: Аз ҳаққи модарӣ даст накашӣ расвоят мекунам10:27Баҳси буҷа: Аз қарзи маош то қарзи хориҷӣ11:57Сарвазири Тоҷикистон бо Президенти Узбакистон мулоқот мекунад11:05Ҳимояти СММ аз cарбози тоҷики пайрави “Шоҳидони Яҳво”, ки либоси низомиро рад кард10:38АКС+ВИДЕО. Нахустин анҷумани маъюбони Тоҷикистон дар Душанбе11:51Маҷлис: Аз тағйироти кадрӣ то ваъдаи 80 мансабдор барои пулдиҳӣ аз кисаи худ15:46100 метр дуртар: Тамокукашӣ маҳдудтар шуд13:21Аз парвандаи Маҳмудов то муроҷиати ҷабрдидагони "7 бурҷ": Роҳкиро надорем (ВИДЕО)11:18Пешниҳоди журналисти тоҷик ба раҳбарони кишварҳои ҷаҳон: 2018-ро соли беяроқӣ эълон кунем!09:33Агентии зидди коррупсия гуфт, “Умед-88” ва Вазорати молия аз “Роғун” қарз гирифтаанд08:01Таърихи имрӯз: Мавлуд, ҷашн, санаҳои таърихӣ, дамои ҳаво, бозори арз07:44
ТАҚВИМ
«    Март 2024    »
ДушСешЧорПанҶумШанЯкш
 123
45678910
11121314151617
18192021222324
25262728293031
БОЙГОНӢ
Ноябр 2017 (5)
Октябр 2017 (192)
Сентябр 2017 (257)
Август 2017 (314)
Июл 2017 (301)
Июн 2017 (269)