10 янв 2014 13:35Тоҷикистон / Сиёсат / Дидгоҳи хос

Маҳмадов дар бораи ... бозгардондани Самарқанду Бухоро

Масъалаи бозгардондани Самарқанду Бухоро, аз шаҳрҳои қадимии тоҷикон, ки ҳоло дар қаламрав ё ҳудуди Узбакистон воқеъ аст, дар мизи гирде дар Китобхонаи миллии Тоҷикистон баррасӣ гардидааст.

Абдураҳмон Маҳмадов, корманди Дастгоҳи иҷроияи президент, ки рӯзи 10 январ дар мавзӯи “Ватан ва ифтихори ватандорӣ” суҳбат мекард, ба ин мавзӯъ дахл намуд.

Оқои Маҳмадов гуфтааст, “дар оғози садаи 20 бо аз даст рафтани Самарқанду Бухоро ва қатлу бадарғаи афроди донишманд ва соҳиби хатту саводи миллати тоҷик руҳияи мо воқеан шикаста шуд. Аммо имрӯз агар мо бигӯем, ки рӯҳи мо шикастааст ва то Самарқанду Бухороро ба мо надиҳанд рӯҳияи худро барқарор сохта наметавонем, ин хато аст. Руҳияи мо аз нав бояд эҳё шавад, мардумро аз нав тарбия кунем.

Ин корманди Дастгоҳи иҷроияи президент афзудааст, “ин нукта собит аст, ки баъд аз сари мо фарзандонамон низ ормони Самарқанду Бухороро дар дил хоҳанд дошт. Вале руҳия ва ғурури миллиро аз сари нав тарбият кард ва ҷасоратро ба мардум баргардонд. Зеро миллати тарсу ба ҳеч коре муваффақ намегардад.” Ба таъкиди профессор Абдураҳмон Маҳмадов, “шикастани рӯҳияи як миллат саҳл, вале барқарор кардани он мушкил аст.” Вай дар идомаи сӯҳбат гуфта, ки насли Шӯравӣ то ҳол арзишҳои он давронро муқаддас меҳисобад, то ҷое ки ватандорӣ ва ифтихори миллиро аз он зовия мебинанд. “Аммо дар бештар аз 20 соли истиқлолият, арзишҳои муқаддастаре падид омадаанд, ки бояд инҳоро қадр кард”,-таъкид доштааст ӯ.

Силсилаи мизҳои мудаввар таҳти унвони “Ватан ва ифтихори ватандорӣ” дар як моҳ як бор баргузор мешавад. Дар ин мизои мудаввар масъулон, доишмандон ва донишҷӯён иштирок ва бо ҳам суолу ҷавоб мекунанд.

Мӯҳр

Хабарҳои монанд:

Абдуазизов Рахмачон

Баргордонии Самарканду-Бухоро ба Точикистон ин сарчамшавии миллати Точикон аст. Ахсан ба он шахсе ки ин фикро баен кард.

Ҷавоб диҳед Иқтибос Шикоят

ситораи мохи хоса

аввал зисту зиндагии мардуми точикистонро бехтар кунед аккал бо барк таъмин кунед баъд проблемхои мухочиронро хал намоед . ба самарканду бухоро чи кор доред зисту зиндагонии онхо аз мо бехтар аст. мабодо ин гуфтахои махмадовро бухориву самарканди нахонад, ки боз ба мо дандон тез накунанд барои он ки ин сарзамини онхо мебошад на ин ки аз тты.

Ҷавоб диҳед Иқтибос Шикоят

сафар

бародароне, ки посух менависанд. аввалан бояд одоб ва маданияти истифодабарии интернетро хуб аз худ кунанд. баъдан ба нуктахо ва гуфтахои олимон ва донишмандон гуш диханд. он чизеро, ки намедонанд ва намефахманд ба он посухи ба кавле "ХАВОИ" НАНАВИСАНД. Махмадов, яке аз олимони шинохтаи точик аст. ва мардум бояд дарк намояд, ки ин суханон аз забони ин шахс садо дода истодааст. ва мо бояд ба ин диккат ва эътибор дихем. Он масъалахое, ки дар боло овардаед- мухочират, нарасидани барк ва дигару дигар ин мушкилии танхо як чумхурии мо нест ин проблемаи глобали - чахони аст. барои хамин хамватанони азиз бо диккат бошед. аз он, ки якдигарро паст мезанем бояд дастгири якдигар бошем.

Ҷавоб диҳед Иқтибос Шикоят

Эзоҳ илова кунед