Аксу видео: Эътирози тарафдорони Раҳмон алайҳи Зоиров
Як гурӯҳи тазоҳургарон, ки вориди қароргоҳи ҲСДТ шуда буданд, гуфтанд, Зоиров яке аз ташкилкунандагони ноамниҳо дар тобистони соли гузашта дар Хоруғ, маркази Бадахшон, буд. “Ӯро гӯш накунед. Зоиров кист, ки рафта дар Украина ва Қирғизистон эълон медорад, интихобот дар Тоҷикистон ғайридемократӣ баргузор шудааст ва Эмомалӣ Раҳмон президенти қонунӣ нест? Ба гапҳои вай гӯш надиҳед”,-таъкид карданд онҳо дар хитоб ба журналистон.
Яке аз ин занҳо, ки худро Назокат Алиева муаррифӣ кард, гуфт, ӯ дар тазоҳуроти шаҳрвандон дар назди сафоратхонаи Амрико дар моҳи апрел низ иштирок кардааст. Вай афзуд, аслан хабар надошт, ки дар дохил чӣ мешавад: “Аз пеши дарвоза омадам, гуфтанд, ки дарову сӯҳбат кун. Ман ҳам даромада гапҳоямро гуфтам. Охир, ҳамин тинҷии кишвар ба кӣ намефорад? Ҳамин президенти мо Эмомалӣ Раҳмон аст.” Ин дар ҳолест, ки тамоми гурӯҳи тазоҳургарон худро дар дохили дафтари Раҳматилло Зойиров ҳамчун ҳамсояҳои ӯ муаррифӣ карданд.Ин гурӯҳи занон худро муаррифӣ накарда ва гуфтанд, хабари нишасти матбуотии Зоировро аз Интернет фаҳмидаанд. Ҳарчанд Зоиров ва дигар масъулони ҲСДТ гуфтанд, ин нишасти хабарӣ ба президент Раҳмон дахл надорад, вале занҳо бовар накарданд. Чун ба гуфтаи онҳо, “Зоиров ҳамеша ва дар ҳама ҷо дар бораи ҳукумату Раҳмон менависад ва сухан мегӯяд.” “Мо як гурӯҳ заноне ҳастем, ки оромӣ мехоҳем. Монед, оромона зиндагӣ кунем”,-афзуданд онҳо.
Дар пайи чунин шӯру мағали тазоҳургарон нишасти хабарии Раҳматилло Зоиров қатъ шуд ва худи ӯ эълон кард, ки сӯҳбатро дафъаи дигар идома медиҳад. Тазоҳургарон дар қароргоҳи ҲСДТ ба эътирозгарон дар назди сафорати Амрико монанд буданд, ки 5 апрели соли ҷорӣ, баъд аз раҳоии Абдумалик Абдуллоҷонов, нахуствазири пешини Тоҷикистон аз боздоштгоҳе дар Киев, баргузор гардид. Қисми аслии эътирозагронро донишҷӯён ташкил медоданд ва дар миёни онҳо занон низ буданд. Ҳарчанд эътирозгарон дақиқ намегуфтанд, ки бо ташаббуси кӣ ё кадом гуруҳ ҷамъ омаданд, вале алайҳи Абдуллоҷонов шиор медоданд ва ӯро дар дуздии пулу ноамнӣ муттаҳам мекарданд. Баъдан, Вазорати умури дохилӣ ин тазоҳуротро ғайриқонунӣ дониста, чор нафарро барои ташкили он ба ҷавобгарӣ кашид.
[center]
[/center]Моро ҳамроҳӣ кунед:
Дар ФЕЙСБУК (FACEBOOK)
Дар ЮТЮБ (YOUTUBE) Мӯҳр
Эзоҳ илова кунед
ХАБАРҲОИ ОХИРИН
Баҳси пурзӯр кардани ҳифзи сарҳади Тоҷикистону Афғонистон дар дидори Э.Раҳмон ва ҳайати парлумони Аврупо10:09Оғози фурӯши смартфонҳои iPhone 8 ва iPhone 8 Plus!09:49БО ЗАБОНИ ШЕЪР: Ман зи андешаи турконаи як ҳамватанам метарсам...15:34Чаро ҳукумат ҳамеша ба ТАЛКО имтиёз медиҳад?14:16“Шантаж”-и ҳамсар: Аз ҳаққи модарӣ даст накашӣ расвоят мекунам10:27Баҳси буҷа: Аз қарзи маош то қарзи хориҷӣ11:57Сарвазири Тоҷикистон бо Президенти Узбакистон мулоқот мекунад11:05Ҳимояти СММ аз cарбози тоҷики пайрави “Шоҳидони Яҳво”, ки либоси низомиро рад кард10:38АКС+ВИДЕО. Нахустин анҷумани маъюбони Тоҷикистон дар Душанбе11:51Маҷлис: Аз тағйироти кадрӣ то ваъдаи 80 мансабдор барои пулдиҳӣ аз кисаи худ15:46100 метр дуртар: Тамокукашӣ маҳдудтар шуд13:21Аз парвандаи Маҳмудов то муроҷиати ҷабрдидагони "7 бурҷ": Роҳкиро надорем (ВИДЕО)11:18Пешниҳоди журналисти тоҷик ба раҳбарони кишварҳои ҷаҳон: 2018-ро соли беяроқӣ эълон кунем!09:33Агентии зидди коррупсия гуфт, “Умед-88” ва Вазорати молия аз “Роғун” қарз гирифтаанд08:01Таърихи имрӯз: Мавлуд, ҷашн, санаҳои таърихӣ, дамои ҳаво, бозори арз07:44
АХБОРИ ҶОЛИБ
10:09, 04 ноябр 2017
ТАҚВИМ
| « Апрел 2024 » | ||||||
|---|---|---|---|---|---|---|
| Душ | Сеш | Чор | Пан | Ҷум | Шан | Якш |
| 1 | 2 | 3 | 4 | 5 | 6 | 7 |
| 8 | 9 | 10 | 11 | 12 | 13 | 14 |
| 15 | 16 | 17 | 18 | 19 | 20 | 21 |
| 22 | 23 | 24 | 25 | 26 | 27 | 28 |
| 29 | 30 | |||||
