Тими «Истиқлол» ба ҷои ҳафтуми ҷадвали Лигаи олӣ рафт. «Хуҷанд» якум шуд
Даври сеюми мусобиқаи Лигаи олии футболи Тоҷикистон бо пирӯзии дастаҳои «Равшан», «Зарафшон», «Энергетик»,«Хуҷанд», «Хайр» ва «Вахш» анҷом ёфт.
Тими «Равшан» ба дарвозаи «Истиқлол» як голи беҷавоб зад (19-уми апрел). «Зарафшон» «Гвардия»-ро бо ҳисоби 3:0 шикаст дод. Ҳарифи «Энергетик» ин навбат дастаи «Истаравшан» буд. Ин дидор 3:2 поён ёфт (21-уми апрел).
«Хуҷанд» рақибаш дастаи «Парвоз»-ро бо ҳисоби 3:2 шикаст дод. Дидори «Хайр» ва «Ҳосилот» 2:1 хулоса шуд. «Вахш» ССКА «Помир»-ро бо ҳисоби 3:0 мағлуб кард (22-юми апрел).
Баъди анҷоми даври сеюм тими «Хуҷанд» бо 7 имтиёз дар ҷадвали мусобиқа садрнишин аст. Дастаи «Хайр» ҳам 7 хол дорад, вале аз рӯи таносуби тӯбҳо дар ҷои дуюм нишастааст.
«Регар-тадАЗ» , «Вахш» ва «Равшан» 6 имтиёзӣ доранд ва мутаносибан ҷойҳои се, чор ва панҷумро ишғол мекунанд. Тими «Истиқлол» бо 4 хол дар зинаи ҳафтум аст.
«Парвоз», «Ҳосилот» ва «Гвардия» бидуни ҳеч имтиёз дар хири феҳраст нишастаанд.