Дар Суғд 30.000 бех ниҳоли бангдона кашфу мусодира гардид
Дар ин бора ба Озодагон аз РКД-и вилояти Суғд иттилоъ доданд.
Зимнан, аснои баргузории амалиёти “Кӯкнор-2012” дар шаҳру навоҳии вилоят ин миқдор маводи нашъадор аз ҷониби кормандони милиса дарёфт шуда, майдони кишти ниҳоли бангдона дар қаламрави бригадаи № 6-и хоҷагии деҳқонии ба номи «А.Ҷумъаев»-и ҷамоати Исфисори ноҳияи Бобоҷон Ғафуров ошкор шудааст. Дар ин ҷо, 20 ҳазору 246 адад ниҳоли бангдона решакан гардиданд.
Ба иттилои манбаъ, дар ноҳияи Бобоҷон Ғафуров боз беш аз 6 ҳазор ва дар заминҳои бекорхобидаи деҳоти ҷамоати Пӯлодони ноҳияи Конибодом зиёда аз 8 ҳазор адад ниҳоли бангдона дарёфт ва нобуд карда шуд. Дар деҳаи Табуши ҷамоати Лангари ноҳияи Кӯҳистони Мастчоҳ низ кормандони мақомот беш аз 13 ҳазор ниҳоли бангдонаро дарёфт ва решакан карданд.