Таэквандочиёни тоҷик ба ИМА мераванд. Ба Денвер
Варзишгарони Тоҷикистон дар риштаи таэквондо (WTF) маҳорати худро дар Амрико сайқал медиҳанд.
Муродалӣ Тешаев, сухангӯи Кумитаи миллии олимпии Тоҷикистон дар ин бора ба Озодагон иттилоъ дода афзуд: «10-уми январ ширкаткунандагони Бозиҳои XXX тобистонаи олимпӣ дар Лондон - Фарҳод Неъматов ва Алишер Гулов, ҳамчунин Хисрав Ғиёсов, ки дар Бозиҳои Осиёӣ-2010 мақоми панҷумро касб карда буд барои омодагӣ ба мусобиқаҳои оянда ба ИМА сафар хоҳанд кард»
Тамриноти таълимии таэквондочиёни тоҷик дар шаҳри Денвери иёлати Колорадо таҳти раҳбарии мураббии таэквандо- Комил Латифов баргузор мешавад. Маврид ба тазаккур аст, ки Латифови тоҷикистонӣ аз соли 2005-ум дар ИМА ба сар мебарад ва чандин маротиба ғолиби мусобиқаҳои ҷумҳуриявӣ оид ба таэквандо (WTF) гардидааст.