Бахшҳо

"Ҷанг"-и занон дар қароргоҳи ҲСДТ: Махсус ё тасодуф?

Ҳумайрои БАХТИЁР

Агарчӣ мақомоти Тоҷикистон дар бораи эътирози як гурӯҳи 20-нафарӣ дар қароргоҳи Ҳизби сотсиал-демократ ва халалдор кардани нишасти хабарии Раҳматилло Зоиров дар он ҷо ҳарфе нагуфтаанд, мухолифон онро як амали тарҳрезишуда медонанд.

Раҳматилло Зоиров, раҳбари ҲСДТ, мегӯяд, эътирозгарон танҳо бо ҳадафи халалдор кардани нишасти хабарии ӯ вориди дафтари кориаш нашуда буданд: “Ин гурӯҳ мехостанд, ба эҳсосот дода шуда, даст бардорам. Ба ман ҳамҳизбиҳо гуфтанд, ки ду-се нафари онҳо миёни дафтару китоби худ корд ҳам доштаанд. Онҳо мехостанд, кор ранги дигар бигирад, задухӯрде ба амал ояд. Аммо мо ҳамаи суханҳои онҳоро хеле оромона қабул кардем.”

Аксу видео: Эътирози тарафдорони Раҳмон алайҳи Зоиров

Раиси Ҳизби сотсиал-демократ ва аз мухолифони ашаддии ҳукумати Эмомалӣ Раҳмон мегӯяд, ҳатто замоне ки аз дафтари кориаш берун омад, занон аз паси ӯ қадам монда, дашном медоданд. “Онҳо интизори он буданд, ки як ҷанҷоле ба вуқӯъ пайвандад”,-афзуд Зоиров. Раҳматилло Зоиров мутмаин аст, ки ин тазоҳурот сад дарсад аз тарафи мақомот тарҳрезӣ шуда, ҳукумати ноҳияи Сино барои сурат гирифтани он мусоидат намудааст. Дар робита ба шикоят бурдан ё набурданаш ба Вазорати умури дохилӣ, Зоиров гуфт, ҳоло тасмим нагирифтаааст ва эҳтимол шикоят набарад.

Парвиз Муллоҷонов, таҳлилгари масоили сиёсӣ, ҳам мегӯяд, ҲСДТ имкони шикоят бурдан ба мақомотро надорад. Зеро, ба қавли ӯ, аз хабарҳо бармеояд, ки ин гурӯҳ танҳо эътироз аз суханони Зоиров кардаанд, ки ин тибқи қонунгузории кишвар ҳаққи ҳар шаҳрванд аст: “Аммо ин ки занону мардон, умуман эътирозгарон, худро муаррифӣ накардаанд, ки шубҳаву баҳсҳоеро ба вуҷуд меорад. Ҳоло дақиқ кардани шахсияти ин ашхос мушкил хоҳад шуд.”

Ба назари ин таҳлилгари тоҷик, дар дафтари кории Зоиров тазоҳуроте рух додааст, ки ҳаққу ноҳақ будани он исботношаванда аст. Ин дар ҳолест, ки ба иддаои Маҳмадалӣ Ҳайит, муовини раиси Ҳизби наҳзати исломии Тоҷикистон, эътироз дар дафтари кории Зоиров амали фармоишӣ ва паём ба ҳамаи мухолифон аст. Ба гуфтаи оқои Ҳайит, гурӯҳи мазкур бо дархости махсус даст ба ин тазоҳурот задаанд. “Ин паёми манфӣ барои тамоми ҳизбҳои сиёсӣ ва ҷомеаи шаҳрвандӣ мебошад”,-илова намуд Маҳмадалӣ Ҳайит.

Субҳи рӯзи 10 декабр ҳангоме ки Раҳматилло Зоиров баъди бозгашт аз сафар ба Украина нишасти матбуотӣ доир менамуд, як гуруҳи 20-нафарӣ вориди дафтари кории ӯ шуда, шӯру мағал бардоштанд. Эътирозгарон дар даъвои худ бештар аз Эмомалӣ Раҳмон ба унвони президенти намунавӣ ва мардумӣ ёд карда, мегуфтанд, Зоиров боиси норомии кишвар ва ҳамчунин омили аслии даргириҳои тобистони соли 2012 дар Бадахшон будааст.

Аммо талоши мо барои дарёфти мавқеи Вазорати умури дохилии Тоҷикистон дар бораи ин эътироз ва занону мардоне, ки алайҳи Зоиров шиор медоданд, бенатиҷа буд. Ҳарчанд гуфта мешавад, бархе аз эътирозгарон дар тазоҳуроти рӯзи панҷуми апрели соли ҷорӣ дар назди Сафорати Амрико дар Душанбе низ ҳузур дошта, алайҳи озодии Абдумалик Абдуллоҷонов аз боздоштгоҳе дар Киев садо баланд карда буданд.


Моро ҳамроҳӣ кунед:
Дар ФЕЙСБУК (FACEBOOK)
Дар ЮТЮБ (YOUTUBE)
Мӯҳр
камоли хоруги
аз мочарои ин занон на Зоировро харос ва на Рахмонро ниёз. Як шармандагие барои чомеаи мо хасту бас!!!!!!!!

ин гуна занон солихои 90-92 дармайдони Озоди бар зидди Акбар Турачонзода овоз баланд карда "нест бод ТУРСУНЗОДА!!!" шиор мезаданд. зеро дар каллаи пучашон миёни ТУРАЧОНЗОДАВУ ТУРСУНЗОДА фарке набуд!!!! шармандахо....

конундон
Ба хонаи шахсе бе ичозати махсус яне санксия зада даромадан ин авбоши аст. Агар ВКД ягон чора набинад малум мешавад ки дар ин мамлакат конун гуфтани чиз нест.

Э Р
ҲНИТ, ҲСДТ ва Ҳизби Тоҷикистони нави, ки дар фазо нобудшуд. Аз як реша буда се шоха дорад. дар якҷояги инхел аст ҲНИСДТН-и бечораҳол.

эй мардуми беакл ин кадар бедодгариро мебинед хомушед дар як холате тазохурот мекунед ки ин тазохуроти шумо ба касе даркор нест о барои боло рафтани нарх садо бароред ё барои беадолатихои дигар о шумо патхалимии худатона нишон додаистодаед.

Кас хайрон мешавад ки дар холате ки дар хонаи ин занон на газ хасту на барк на кор доранду на пул чаро тазохурот намекунанд.Чаро руи рах намебароянд ин шармандагист рафикон.Инхоро бурда 10 руз дар сизо хобонен баъд мефахманд.Зоировро мебояд ки ба додгох шикоят бурда инхоро мучозот намояд.Аз руе ки либосхои хуб доранд инхо "десанти" ягон муассиса мебошанд.

Суруш
Ин занхо бовар кунед,точик нестанд ,онхо хамонхоеанд,ки дар вакташ барои коммунизм ва хайкали Ленин чанчол намуда,мухолифи истиклолияти давлатии точикон буданд.Ин ашхос ба гайр аз манфиатхои нафси ва мансаби дигар парвои хеч чиз хатто мурдани 200 хазор фарзандони точик дар чанги тахмилии Руссия ва Узбакистон низ надоранд.Барои ин гуна шахсон гур сузаду дег чушад дар зиндагони шиор хаст!

Антирихмон
Аз афту башараи онхо бармеояд, ки ба 2 дирам ба хама корхои харомтарин тайёранд.

ин гурухи ним занхо дар бораи абдулочонов хам гап зада буданд махсус хамин калони дандон тиллош ...озодагон барои чи чоп намекуни каменти мара вроде номат ништякай...

Ин як гурухи кучаки авбошонад ,хамин якеш дар назди сафорати амрико сакич мехойд то бахол сакичи дахонашро напартофтааст .
Инхоро занхам ё модар гуфтан хайфаст..............

Ххахахахахах хахахахахах
хахахахаха
хахахахахах
хахахахахах
хахаха

Эзоҳ илова кунед
Номи шумо:
Почтаи электронии шумо:
  • bowtiesmilelaughingblushsmileyrelaxedsmirk
    heart_eyeskissing_heartkissing_closed_eyesflushedrelievedsatisfiedgrin
    winkstuck_out_tongue_winking_eyestuck_out_tongue_closed_eyesgrinningkissingstuck_out_tonguesleeping
    worriedfrowninganguishedopen_mouthgrimacingconfusedhushed
    expressionlessunamusedsweat_smilesweatdisappointed_relievedwearypensive
    disappointedconfoundedfearfulcold_sweatperseverecrysob
    joyastonishedscreamtired_faceangryragetriumph
    sleepyyummasksunglassesdizzy_faceimpsmiling_imp
    neutral_faceno_mouthinnocent
ХАБАРҲОИ ОХИРИН
Баҳси пурзӯр кардани ҳифзи сарҳади Тоҷикистону Афғонистон дар дидори Э.Раҳмон ва ҳайати парлумони Аврупо10:09Оғози фурӯши смартфонҳои iPhone 8 ва iPhone 8 Plus!09:49БО ЗАБОНИ ШЕЪР: Ман зи андешаи турконаи як ҳамватанам метарсам...15:34Чаро ҳукумат ҳамеша ба ТАЛКО имтиёз медиҳад?14:16“Шантаж”-и ҳамсар: Аз ҳаққи модарӣ даст накашӣ расвоят мекунам10:27Баҳси буҷа: Аз қарзи маош то қарзи хориҷӣ11:57Сарвазири Тоҷикистон бо Президенти Узбакистон мулоқот мекунад11:05Ҳимояти СММ аз cарбози тоҷики пайрави “Шоҳидони Яҳво”, ки либоси низомиро рад кард10:38АКС+ВИДЕО. Нахустин анҷумани маъюбони Тоҷикистон дар Душанбе11:51Маҷлис: Аз тағйироти кадрӣ то ваъдаи 80 мансабдор барои пулдиҳӣ аз кисаи худ15:46100 метр дуртар: Тамокукашӣ маҳдудтар шуд13:21Аз парвандаи Маҳмудов то муроҷиати ҷабрдидагони "7 бурҷ": Роҳкиро надорем (ВИДЕО)11:18Пешниҳоди журналисти тоҷик ба раҳбарони кишварҳои ҷаҳон: 2018-ро соли беяроқӣ эълон кунем!09:33Агентии зидди коррупсия гуфт, “Умед-88” ва Вазорати молия аз “Роғун” қарз гирифтаанд08:01Таърихи имрӯз: Мавлуд, ҷашн, санаҳои таърихӣ, дамои ҳаво, бозори арз07:44
ТАҚВИМ
«    Март 2024    »
ДушСешЧорПанҶумШанЯкш
 123
45678910
11121314151617
18192021222324
25262728293031
БОЙГОНӢ
Ноябр 2017 (5)
Октябр 2017 (192)
Сентябр 2017 (257)
Август 2017 (314)
Июл 2017 (301)
Июн 2017 (269)