Бахшҳо

Талаби 11 соли зиндони низомаш сахт ба Шуҳрат Қудратов

Самандар Абдуллозода, айбдоркунандаи давлатӣ аз Додгоҳи шаҳри Душанбе хост, Шуҳрат Қудратов, ҳуқуқшиноси боздоштшудаи тоҷикро ба 11 соли зиндони низомаш сахт маҳкум кунад.

Айбдоркунандаи давлатӣ имрӯз, 7 январ зимни баромадаш дар Додгоҳи Душанбе гуфт, дар мурофиа гунаҳкор будани Қудратов исбот шуд: “Моддаи 247-и Кодекси ҷиноӣ 9 соли зиндон ва моддаи 320-и ин Кодекс то 6 соли зиндонро пешбинӣ кардаанд.”

Ӯ дар маҷмуъ аз додрас хост, Қудратовро ба 11 соли зиндони низомаш сахт маҳкум кунад ва бо назардошти қонуни афв аз се як ҳиссаи ин муҳлатро кам кунад. Айбдоркунандаи давлатӣ инчунин талаб намуд, ки 7 ҳазор доллари ҷуброни зарари расонда ба Охунов аз ҷониби Қудратов пардохт карда шавад. Абдуллозода зимни ироаи дархосташ зикр намуд, ки дар қазияи Қудратов омили сабуккунанда фарзандони ноболиғи айбдоршаванда мебошанд.

Додрас дар мурофиа то фардо, 8 январ танаффус эълон кард. Дар мурофиаи 8 январ баромади Раҳматилло Зоиров, вакили дифои Қудратов дар назар аст, ки ба гуфтаи вакили дифоъ аз 50 саҳифа иборат мебошад.

Қудратов аз рӯи моддаи 320 дар он айбдор мешавад, ки барои сафед кардани зерҳимояаш - Амиралӣ Суламаев аз ӯ гӯиё 2 ҳазор доллар талаб карда, гуфтааст, ин маблағро ба судя медиҳад. Амиралӣ Суламаев як ҳамҷавобгар будааст, ки ҳамроҳ бо Парвиз Бадалов дар расондани зарари молӣ ба ширкати “Пайванд” айбдор мешудаанд. Аммо Қудратов иддао дорад, ин маблағҳо барои пардохти ҷуброн ба ҷабрдида - раиси ширкати “Пайванд” пешбинӣ шуда буданд.

Инчунин Қудратов аз рӯи моддаи 247-и Кодекси ҷиноӣ дар қаллобӣ муттаҳам мешавад. Турабек Охунов қаблан иддао дошт, Қудратов зимни ҳимояи ҳуқуқҳои бародараш - собиқ раиси ширкати "Мовароуннаҳр" - Ҷурабек Охунов, 7 ҳазор доллари амрикоияшонро гирифта, то ҳол барнагардондааст. Тибқи баромади айбдоркунандаи давлатӣ Турабек Охунов бо Қудратов дар барои ҳимояи ҳуқуқи бародари боздоштшудааш, Ҷурабек Охунов созиш карда, ҳаққи ҳармоҳаи вакили дифоъро 500 доллари амрикоӣ муайян намудаанд: “Аммо моҳи сентябри соли 2012 Қудратов аз Охуновҳо боз 10 ҳазор доллари амрикоӣ талаб кардааст. Ба ӯ 8 ҳазор доллар додаанд, ки баъдан ҳазор доллари онро баргардонда, 7 ҳазор доллари дигарро ба манфиати худ истифода кардааст.”

Дар мурофиаи рӯзи 24 декабр Турабек Охунов зимни шоҳидияш дар додгоҳ баён дошт, ки аз даъвояш алайҳи Қудратов даст кашид ва маблағҳоро низ бахшидааст. Охунов дар шарҳи ин тасмимаш ба “Озодагон” гуфт, “ман ҳоли Қудратовро дида ва фикри зану фарзандонашро карда, аз даъвоям даст кашидам.”
Мӯҳр
BRAVO
Ин одамро говсуд не балки харсуд кардестан !!!

Агар 11 сол таклиф шуда бошад, новобаста ба бегунохиаш ба Шухрат на камтар аз 9 сол медиханд. Инро тачрибахои пешина собит мекунанд. Хеч судяе талаби прокурорро то ба имруз рад накардааст ва намекунад.

Хар суд не балки сагсуд.О ин беадолати то ба кай?

tojik
Вах
Камуш пурсидед и бояд Зайд Саидов барин 26 сол мегирифт мухтарам айбдоркунанди давлати

uzbek
Салим
Нагзш кадан худша гарении бад мегирифт.

Салим,Инхо пагох дар назди Аллох чи чавоб мегуфта бошан

Хо бо думи шер бози карди ахир дар капкан афтиди ки дигар баромаданат душвор ба камиш 8-сол дар пешонитай Шухрат Кудратов, акнун пеши Зайд акоба рафта якчоя чой хурда мегарден

Эзоҳ илова кунед
Номи шумо:
Почтаи электронии шумо:
  • bowtiesmilelaughingblushsmileyrelaxedsmirk
    heart_eyeskissing_heartkissing_closed_eyesflushedrelievedsatisfiedgrin
    winkstuck_out_tongue_winking_eyestuck_out_tongue_closed_eyesgrinningkissingstuck_out_tonguesleeping
    worriedfrowninganguishedopen_mouthgrimacingconfusedhushed
    expressionlessunamusedsweat_smilesweatdisappointed_relievedwearypensive
    disappointedconfoundedfearfulcold_sweatperseverecrysob
    joyastonishedscreamtired_faceangryragetriumph
    sleepyyummasksunglassesdizzy_faceimpsmiling_imp
    neutral_faceno_mouthinnocent
ХАБАРҲОИ ОХИРИН
Баҳси пурзӯр кардани ҳифзи сарҳади Тоҷикистону Афғонистон дар дидори Э.Раҳмон ва ҳайати парлумони Аврупо10:09Оғози фурӯши смартфонҳои iPhone 8 ва iPhone 8 Plus!09:49БО ЗАБОНИ ШЕЪР: Ман зи андешаи турконаи як ҳамватанам метарсам...15:34Чаро ҳукумат ҳамеша ба ТАЛКО имтиёз медиҳад?14:16“Шантаж”-и ҳамсар: Аз ҳаққи модарӣ даст накашӣ расвоят мекунам10:27Баҳси буҷа: Аз қарзи маош то қарзи хориҷӣ11:57Сарвазири Тоҷикистон бо Президенти Узбакистон мулоқот мекунад11:05Ҳимояти СММ аз cарбози тоҷики пайрави “Шоҳидони Яҳво”, ки либоси низомиро рад кард10:38АКС+ВИДЕО. Нахустин анҷумани маъюбони Тоҷикистон дар Душанбе11:51Маҷлис: Аз тағйироти кадрӣ то ваъдаи 80 мансабдор барои пулдиҳӣ аз кисаи худ15:46100 метр дуртар: Тамокукашӣ маҳдудтар шуд13:21Аз парвандаи Маҳмудов то муроҷиати ҷабрдидагони "7 бурҷ": Роҳкиро надорем (ВИДЕО)11:18Пешниҳоди журналисти тоҷик ба раҳбарони кишварҳои ҷаҳон: 2018-ро соли беяроқӣ эълон кунем!09:33Агентии зидди коррупсия гуфт, “Умед-88” ва Вазорати молия аз “Роғун” қарз гирифтаанд08:01Таърихи имрӯз: Мавлуд, ҷашн, санаҳои таърихӣ, дамои ҳаво, бозори арз07:44
ТАҚВИМ
«    Март 2024    »
ДушСешЧорПанҶумШанЯкш
 123
45678910
11121314151617
18192021222324
25262728293031
БОЙГОНӢ
Ноябр 2017 (5)
Октябр 2017 (192)
Сентябр 2017 (257)
Август 2017 (314)
Июл 2017 (301)
Июн 2017 (269)