ВИДЕО: Президент дар бораи заказ, савдо, раисгурезонӣ ва барҳамдиҳии Оҷонсӣ
Раисиҷумҳур аз санҷишҳои тӯлонии ғаразноки кормандони Оҷонсӣ дар бархе аз корхонаҳо зикр карда, гуфт: “Санҷишҳоро тӯл медиҳед. Натиҷаи санҷишро саривақт пешниҳод намекунед. Чӣ шудааст, ин ҷо? Савдо!Савдо! Натиҷаи санҷишро дар даруни дипломат нигоҳ дошта, савдо мекунед. Ҳамин қадар медиҳед, ман шумода навишта медиҳам. Ё пеш аз санҷиш рафтан, ман омада истодаам, тайёриятонро бинед. Ман барои чӣ имрӯз бо эҳсосот дар ин бора гап мезанам, чунки ман худам ин сохторро ташкил додам. Бо дасти худам ин сохторро дар ВУД барҳам додам. Ман хулоса баровардам, чӣ қадар сохторҳои назоратӣ зиёд шаванд, ҳамон қадар сатҳи коррупсия зиёд мешудааст”.
Эмомалӣ Раҳмон инчунин санҷишҳои худсаронаи кормандони Оҷонсии зидди фасодро “закази рӯирост” арзёбӣ намуд: “Баъзан корхонаю ширкатҳоро берун аз нақша ё фармон санҷиш мекунанд. Ин закази рӯирост аст. Ҳадафи нопок дорад. Мефаҳмам, агар парвандаи ҷиноӣ бошаду фавран санҷиш кардан даркор. Аммо аксарияташ ғаразнок аст. Мераванд, раисро маҷбур мекунанд, ки се касда ба ман замин медиҳӣ. Не, ки гуфт, тамом. Чор раиси ҷамоат аз дасти корманди коррупсия ва прокуратура ба хориҷ гурехтаанд. Дар ҳамин ноҳияи наздик. Таги бинии мою шумо”.
Дар мавриди заминфурӯшӣ Эмомалӣ Раҳмон таъкид намуд, ки аксарияти кормандони Оҷонсию додситонӣ дар ин кор даст доранд: “15 соли охир фақат супориш медиҳам. Нест ҷаласаи ҳукумат, ки ман дар ин бора супориш надода бошам. На додситонҳо, на кормандони Платаи ҳисоб ва на Агентӣ вазифаашонро поквиҷдонона иҷро намекунанд. Вақте худи кормандони Агентию прокуратура ба заминфурӯшӣ даст мезананд, намебинеду намешунавед. Чашмҳоятонро куру гушҳоятонро кар мекунед. Аксариятатон дар ин корҳо аралаш ҳастед, барои ҳамин аз байн нарафта истодааст. Гап сари як гектар не, ҳазорҳо гектар меравад. Як корманди Агентии зидди коррупсия дар давоми ҳамагӣ се моҳи фаъолияташ дар ин ниҳод дар ноҳияи Рудакӣ раиси ҷамоатро тарсонда ба номи шаш хешаш замин гирифтааст. Сардорони Раёсат надидед ҳаминро. Мо баъд чӣ гуна волоияти қонунро таъмин мекунем?”
Дар робита ба заминфурӯшӣ Эмомалӣ Раҳмон илова кард, ки вазифаи додситонию Оҷонсии зидди фасод барои худу хешу ақрабҳо кор кардан нест: “Канӣ савганди ёдкардаатон? Ман ин сохторро ташкил додам, ки камбудиҳо бартараф шаванд. Нест ноҳияю шаҳре, ки дар он заминфурӯшӣ ҷой надошта бошад. Аз пойтахт сар кард. 10 маротиба ба собиқ прокурори генералию, раиси Агентии коррупсия ва Кумитаи замин супориш додам. Гирду атрофи Душанбе теппа намондаст, оқибат чӣ мешавад? Мардуми бечораю камбағал замин мегирад? Не! Агар ҳамин методи коратон бошад, хубаш, ки ин сохтор набошад. Ба кӣ даркор?”
Президент инчунин ба Абдуфаттоҳи Ғоиб дар мавриди қабули кормандон ба ин ниҳод суол кард, ки “ин чӣ гуна қабули кормандон аст, ки дар давоми ҳамагӣ 5 сол 330 корманд иваз шудаанд? Дар ҳоле, ки Оҷонсӣ ҳамагӣ 495 коргар дорад”.
Раисиҷумҳури Тоҷикистон дар хитоб ба кормандони Оҷонсӣ ва додситонӣ гуфт, вазифаи шумо ҳаст, ки бояд донед, кадом хизматчии давлатӣ аз кадом ҳисоб зиндагӣ мекунад: "Бозори Шоҳмансур равед, мегӯянд, ба шумо, ки кадом хизматчии давлатӣ ба чӣ кор машғул аст. Дар донишгоҳҳо ба шумо мегӯянд, ки кадом омӯзгор чӣ кор мекунад. Афкори ҷомеаро омӯхта бо ҷомеа кор кардан даркор. Вазифаи мою шумо танҳо зери панҷара шинондани шаҳрвандон нест. Корҳои профилактикӣ кардан, даркор, ки даст ба ҷиноят назананд. Ҳисоб кунед, агар 10 ҳазор нафарро маҳбас кунед, чӣ қадар кӯдак ятим мемонад? Чӣ қадар зарари маънавӣ мешавад?”
Раисиҷумҳур ҳамчунин аз бахилиҳо дар мақомот суҳбат кард, ки ҳам аризаро ташкил мекунанду ҳам худашон санҷиш мегузаронанд, то ин ё он кадрро миёншикан кунанд: “Ин хел фактҳо ҳам дорем. Аммо ин аз рӯи инсонгарӣ нест. Хубаш пеши роҳашро бе телевизиону дигар гиред”.
Эмомалӣ Раҳмон дар хитоб ба мансабдорони тоҷик таъкид намуд, ки “ягон нафари шуморо мардум интихоб накардааст. Мардум роҳбари худро интихоб кардаасту роҳбар ба шумо бовар карда, ба вазифа таъин кардааст. Ман далелҳо дорам. Ҳатто наворҳо дорам. Ҳозир ягон чиро пинҳон кардан намешавад. Мардум бояд донад, ҳаракату даромаду зиндагии ҳамаи мо-хизматчиёни давлатиро”.
ВИДЕОИ ПУРРАИ БАРОМАДИ ПРЕЗИДЕНТ ДАР ШӮРОИ АМНИЯТ:
Мӯҳр
Эзоҳ илова кунед
ХАБАРҲОИ ОХИРИН
Баҳси пурзӯр кардани ҳифзи сарҳади Тоҷикистону Афғонистон дар дидори Э.Раҳмон ва ҳайати парлумони Аврупо10:09Оғози фурӯши смартфонҳои iPhone 8 ва iPhone 8 Plus!09:49БО ЗАБОНИ ШЕЪР: Ман зи андешаи турконаи як ҳамватанам метарсам...15:34Чаро ҳукумат ҳамеша ба ТАЛКО имтиёз медиҳад?14:16“Шантаж”-и ҳамсар: Аз ҳаққи модарӣ даст накашӣ расвоят мекунам10:27Баҳси буҷа: Аз қарзи маош то қарзи хориҷӣ11:57Сарвазири Тоҷикистон бо Президенти Узбакистон мулоқот мекунад11:05Ҳимояти СММ аз cарбози тоҷики пайрави “Шоҳидони Яҳво”, ки либоси низомиро рад кард10:38АКС+ВИДЕО. Нахустин анҷумани маъюбони Тоҷикистон дар Душанбе11:51Маҷлис: Аз тағйироти кадрӣ то ваъдаи 80 мансабдор барои пулдиҳӣ аз кисаи худ15:46100 метр дуртар: Тамокукашӣ маҳдудтар шуд13:21Аз парвандаи Маҳмудов то муроҷиати ҷабрдидагони "7 бурҷ": Роҳкиро надорем (ВИДЕО)11:18Пешниҳоди журналисти тоҷик ба раҳбарони кишварҳои ҷаҳон: 2018-ро соли беяроқӣ эълон кунем!09:33Агентии зидди коррупсия гуфт, “Умед-88” ва Вазорати молия аз “Роғун” қарз гирифтаанд08:01Таърихи имрӯз: Мавлуд, ҷашн, санаҳои таърихӣ, дамои ҳаво, бозори арз07:44
АХБОРИ ҶОЛИБ
10:09, 04 ноябр 2017
ТАҚВИМ
| « Апрел 2024 » | ||||||
|---|---|---|---|---|---|---|
| Душ | Сеш | Чор | Пан | Ҷум | Шан | Якш |
| 1 | 2 | 3 | 4 | 5 | 6 | 7 |
| 8 | 9 | 10 | 11 | 12 | 13 | 14 |
| 15 | 16 | 17 | 18 | 19 | 20 | 21 |
| 22 | 23 | 24 | 25 | 26 | 27 | 28 |
| 29 | 30 | |||||
