10 апр 2015 10:17Тоҷикистон / Иҷтимоӣ / Рӯ ба рӯ / Тема дня

Дарёфти ҷасади 6 қурбонии ярч дар Файзобод

Кормандони Кумитаи ҳолатҳои фавқулодаи Тоҷикистон ҷасади боз 3 қурбонии ярчро дар деҳаи Яккабеди Файзобод аз зери хок пайдо карданд.

Ориф Нозимов, сухангӯи ин ниҳод, имрӯз, 10 апрел ба “Озодагон” иттилоъ дод, ки нафарони ёфтшуда Худойбердӣ Одинаеви 52-сола, Саид Ҷалилови 18-сола ва Наим Қурбонови 26-сола мебошанд.

Ориф Нозимов қабан ба "Озодагон" гуфта буд, ки низомиёни маркази наҷотдиҳии кумита соати 8:00-и рӯзи 7 апрел ҷасади Мақсуд Толибов, соли тавалудаш 1996-ро аз зери хок берун овардаанд. Дар маҷмуъ то ҳол аз 10 қурбонии ярч дар Файзобод ҷасади 6 нафарашон дарёфт шуда, кофтукоби ҷасади 4 нафари дигар идома дорад.

Маврид ба зикр аст, ки рӯзи 3 апрели соли равон дар деҳаи Яккабеди ҷамоати деҳоти Меҳрободи ноҳияи Файзобод тақрибан соати 13:10 дақиқа ярч фаромада, 10 сокини деҳаро, ки тариқи ҳашар ба таъмири қубури обгузар машғул будаанд, зер кард. Дар пайи ҷустуҷӯ рӯзи аввал ҷасади ду нафар -- Шодмон Алимардонов, соли таваллудаш 1990 ва Муҳаммад Умаров соли таваллудаш 1987 дарёфт шуда, ҷанозаи ҳашт тани дигар дар ҷои ҳодиса хонда шуд. Бо далели мавҷуд набудани роҳи мошингард ва зиёд будани хоки лағжида корҳои ҷустуҷӯӣ муваққатан қатъ гардид, аммо ба зудӣ он аз сар гирифта шуд. Кумитаи ҳолатҳои фавқулода гуфт, то ҷои ҳодиса роҳ кушодаанд ва чанд техника ҳам барои гуруҳҳои наҷотдиҳанда ҷудо шудааст.

Дар акс: Мақсуд Толибов, яке аз қурбониён

Мӯҳр

Хабарҳои монанд:

абдуллочон

Озодагон холатхои фавкулода не мардуми дехаи якабед худаш он ёфтаанд

Ҷавоб диҳед Иқтибос Шикоят

Султон Гулмуродоа

Ба Абдуллочон
Бародари азиз шукрона кунед
Фаркаш чи вазорати холатхои фавкулода ефт е мардуи дехаи якабед
Мо хама як миллатем. Шукронаи Худованд ки давлати мо тинч ором осуда аст. Аз ин бадбинихо хубтараш дилхоро тоза карда бо якдигар тифок шавем хама аз як гиребон сар бароварда сиесати пешгирифтаи рохбари давлатро дастгири намуда дар рушду нумуи кишвар сахми хешро гузорем.

Ҷавоб диҳед Иқтибос Шикоят

Эзоҳ илова кунед