Бахшҳо

Бозор Собир: Агар ман раисиҷумҳури Тоҷикистон мешудам...

Бозор Собир, шоири маъруфи тоҷик дар пайи нашри шеъри баҳсбарангезаш дар бораи қатли Фархунда дар суҳбат бо “Озодагон” гуфт, “ваҳшонияти бемисл”-и ин ҷиноят боис шуд, ки ӯ дар бораи Фархунда шеър эҷод кунад.

Дар як суҳбати кӯтоҳи телефонӣ дар мавриди шеъри нави Бозор Собир, “Озодагон” нахуст, суол кард, ки чаро маҳз қазияи Фархунда мавриди таваҷҷуҳаш қарор гирифтааст, зеро ҷиноятҳои даҳшатнок ва қатли мазлумонаи афроди бегуноҳ дар тамоми кишварҳои ҷаҳон кам нестанд?

Бозор Собир: Бале, ман дар сомонаатон хондам, ки сафири Афғонистон дар Тоҷикистон низ дар суҳбат бо шумо ин суолро гузоштааст. Сафир маро экстремист гуфтааст. Кори Афғонистонро монда, ба тоҷикҳо гӯиё дилсӯзӣ кардасту гуфтааст, ана шуморо ҳам мекушанд ку дар Маскаву дигар ҷойҳо. Бале дар Русия ҳам мекушанд, дар Амрико ҳам мекушанд дар дигар ҷойҳо низ мекушанд, ин дуруст аст. Дар ҳама ҷо мекушанд, лекин ба ин ваҳшонияте, ки дар Афғонистон мекушанд, дар ягон ҷои дунё нест. Боз як духтари 27-сола бечораи бекасу бепаноҳро куштаанд. Куштораш 4 соат давом кард, 4 соат ӯро дар майдон сангсор кардаанд, ҳукумат дар куҷо буд? Дар ин 4 соат президент дар куҷо буд? Сарвазир дар куҷо буд? Пулисҳо дар канор истода, тамошобин буданд. Садҳо нафар дар гирду атроф тамошо карданд. Як бечора духтарро калтаккӯбӣ карданд, аз болои бом партофтанд, аз болои ҷасадашон мошин гузаронданд, баъди ин боз сӯзонданд. Ин воқеа 4 соат давом кард, касе нагуфт, ки эй мардум шумо чӣ кор мекунед, ин чӣ гап аст? Боз дар маркази шаҳр. Ҳама тамошобин.

“Озодагон”: Шумо, ки мусоҳибаи Абдулғафури Орзу, сафири Афғонистон дар Тоҷикистонро хондаед, медонед, ки сафир шеъри наватонро “тавҳиннома бар миллати Афғонистон” хондааст ва бо зикри он, ки Шумо “марг бар Афғонистон” гуфтаед, хостори муҳокимаатон шудааст?

Бозор Собир: Бале, ман бар инам. Зиёда аз ин ман агар раисиҷумҳури Тоҷикистон мешудам, рӯзи аввали ҳамин воқеа сафоратхонаи Афғонистонро дар Душанбе мебастам. Бо кӯчу бандашон аз сарҳади Тоҷикистон гуселашон мекардам.

“Озодагон”:
Ҷаноби сафир мегӯянд, Шумо уқда, ё худ мушкилоти таърихие бо Афғонистон доред, ки ба баҳонаи ҳамдардӣ бо Фархунда кафидед ва онро ифшо кардед?

Бозор Собир: Ман ягон мушкил бо Афғонистон надорам, лекин медонам, ки носолимиҳо дар он ҷо зиёданд. Афроди динзадаи ақибмондаи террорист дар сартосари Афғонистон ҳастанд. Ман боварӣ дорам, ки ҳамин экстремистҳое, ки Фархундаро куштанд, маҳз тоҷикони Афғонистонанд. Боварӣ дорам, ин корро ҳатто паштую узбакҳо намекунанд.

“Озодагон”: Дар пайи нашри ин шеъратон, ки ба Фархунда бахшида шудааст, на танҳо сафири Афғонистон, балки шаҳрвандони Тоҷикистон низ иддао пеш гузоштаанд, ки Шумо ҳамчун шоири миллат боре ҳам барои қатл ва “сарбурӣ”-и ҷавонони тоҷик дар Русия садо баланд накардаед?

Бозор Собир: Дурӯғ, дурӯғ, дурӯғ. Ман дар ин бора чандин бор навиштагиям. Нахондаанд. Ҳатто ҳамин хел навиштам, ки ин кори саҳюнистҳо аст. Ҳамин кушторҳое, ки шумо гумон мекунед, миллатгароҳои рус мекушанд, не. Инҳоро созмонҳои саҳюнистӣ мекушанд.

“Озодагон”: Инчунин шеъри нави шуморо “як шиорпартоӣ”-и сиёсӣ гуфтаанд. Он давоми сиёсати исломситезӣ, ки ба мақомоти Тоҷикистон нисбат дода мешавад, нест? Оё ягон ангезаи сиёсӣ дорад?

Бозор Собир: Не, ягон чӣ, на ангеза ва на ғаразҳои сиёсӣ дорад. Ягон ғарази миллию миллатчигӣ надорад. Мустақиман фоҷиаи ҳамон духтари бечора аст.

“Озодагон”: Бархе шеъри наватонро аз нигоҳи адабӣ низ мавриди интиқод қарор додаанд ва гуфта мешавад, ба пояи он шеърҳои қаблиятон нест. Баҳои худи шумо ба ин шеър дар муқоиса бо шеърҳои қаблиятон чӣ гуна аст? Аъло, хуб, миёна?

Бозор Собир: Ман инро нишаста ҳунармандӣ накардам. Инро аз ҳамон воқеа бардоштаам. Шоирӣ накардаам, санъатҳои бадеиро накофтам, аммо то ҳадди имкон талош намудам, ҳамон фоҷиаро тасвир кунам.

“Озодагон”: Шумо мегӯед, “Эй ниёгонҷӯён” ва идома медиҳед, ки ин аст, ниёгони Шумо. Ин хитоб ба кист?

Бозор Собир:
Ин хитоб ба тоҷикон аст. Аз мақолаи охири ман “Падарони миллат” гирифта шудааст.

“Озодагон”: Дар шеъратон инчунин аз муллою асҳоб зикр кардаед. Онҳо ба қатли Фархунда чӣ рабт доранд?

Бозор Собир: Барои он, ки ҳамин муллоҳо, шайхҳо, охундҳо халқро фанатики дин карданд. Мардум дигар ғайр аз дину масҷид дигар ҳеч чизро намефаҳманд. Фаҳмидан ҳам намехоҳанд.

“Озодагон”: Сухани Иқбол, ки “айб дар Ислом нест, дар мусалмонии мост” чӣ мешавад?

Бозор Собир:
Ман ба ин чандон розӣ нестам. Ислом миллатро намешиносад, Ватанро намешиносад. Гузаштагони мо тарғиботчии калони Ислом буданд, аммо барои ҷамъият чизе наоварданд. Ягон касро на пӯшида кард, на сер. Ҳамон гадо гадо монду бой бой монд. Танҳо умеди хушбахтӣ дар он дунё, ки ин як найранги дигар аст.

“Озодагон”: Ҳамин шеваи гуфторҳои Шумо боис шудааст, ки дар бисёри доираҳо Шуморо атеист ном мебаранд. Албатта ин ҳаққи шумост, мо танҳо фаҳмидан мехостем, ки ин дуруст аст?

Бозор Собир: Бале, ман атеистам. Атеисти советӣ.

“Озодагон”: Фикр намекунед, ки баъзан ҳамин ошкоргӯиҳоятон як зарба ба боварҳои динӣ, нохунзанӣ ба ҳиссиёти диндорон мешавад?

Бозор Собир: Ман ба гӯру чӯби мардум кор надорам, лекин бо ифтротгароӣ дар Ислом сарукор дорам ва зидди онам.

Ин дар мусоҳиба дар ҳоле сурат гирифт, ки шеъри нави Бозор Собир, бо номи “Иди Наврӯз ҷаҳонӣ шуду фархунда нашуд” дар ҷомеаи Тоҷикистон вокунишҳои зиддунақиз, аз ҷумла норозигии сафири Афғонистонро ба вуҷуд овард. Ин шеъри тозаро Бозор Собир ба Фархунда, як духтари 27-солаи афғон бахшидааст, ки рӯзи 19 март аз ҷониби тӯдаи мардон бо иттиҳоми қуръонсӯзӣ дар шаҳри Кобул - пойтахти Афғонистон кушта шуд:

Марги Фархундаи ноком ба ман мегӯяд,
Ки ба ҳар як дару девор нависам ба зуғол:
Марг ба Афғонистон!
Сангдевори занон!!
Маҳбаси зан!!!

Доду бедод аз ин ҷаллодӣ,
Доду бедод аз ин кафторӣ,
Лошахорони Худо дар назарам
Ҷигари духтари маъсуми маро меканданд,
Лошаи хоҳари яктои маро мехӯрданд.

Ватан ин асту ватандор агар бандит аст,
Ватан ин асту ватандор агар авбош аст,
Ватан ин асту ватандор агар мурдагав аст,
Говриш аст,
Туф ба ватан,
Ах ба ватан.

Агар ин аст мусалмонии Афғонистон,
Ҳама он бомба, ки янки ба сараш рехт кам аст,
Кам аст.
Боз ҳам кам нашавад абри матираш аз тир,
Ғайри хумпора набинад гули сурх,
Ғайри норинҷаки тарканда начинад норинҷ.

Эй ниёгонҷӯён,
Ана, ин аст ниёгони Шумо;
Сангборони занон,
Дӯзахи зан,
Ба задан куштани зан...

Араби хонагӣ-шайх аст ниёгони шумо,
Араби хонагӣ-охунд ниёгони шумост,
Араби хонагӣ-муллост ниёгони шумо...
Хуни занҳо ҳама дар гардани асҳоби шумост;
Ана, ин аст ҳамон асли “асиле”, ки шумо меҷӯед.

Иди Наврӯз ҷаҳонӣ шуду фархунда нашуд,
Чунки Фархунда набуд.
Баъди Фархунда, бигӯед дар Афғонистон
Ҳеҷ фархунда наояд Наврӯз.
Мӯҳр
Дар Афғонистоне, ки чор даҳа ҷангу хунрезист, ба андозаи Русия сар набуридаанд. Сари одамони бегуноҳ ва қабл аз ҳама муҳоҷирони кории Осиёи Марказиро. Ку Бозор Собири васвосӣ як намуна аз сарбурии кӯдакондар Афғонистонро биёрад! Дар Русия дар соли 2004 фашистҳои рус Хуршедаи 9 солаи тоҷикро куштанд. Ваҳшонияте, ки миллигароҳои рус дар ҳаққи муҳоҷирони кории Осиёи Марказӣ ва бахусус тоҷикон раво мебинанд, камтар аз ҷинояте нест, ки ифротиҳо дар робита ба хонуми Фархунда анҷом доданд. Фақат чашмони Бозор Собир дигар ғаразро дида метавонанд, ки зиёни он на танҳо ба худаш, балки ба обурӯи Тоҷикистону мардумитоҷик мерасад. Ман ҳадди ақал чанд соли ахир аз мубҳаму ёвагӯиҳои Бозор Собир хиҷолат мекашам...

Хакикатан девонаи Собир

ООООФАРИН БОЗОР СОБИРИ АТЕИСТИ ШУРАВИ !!!!!
ШУМО 19% ОДАМОНИ ДУНЁРО ( 1,300,000,000 НАФАР МУСУЛМОНРО )
"ДУШМАН"-И ЭЪТИКОДИИ ХУД ГАРДОНДЕД-А ????? АММО :
ЗОХИД АР РИНДИИ ХОФИЗ НАКУНАД ФАХМ ,ЧИ БОК?
ДЕВ БИГРЕЗАД АЗ ОН КАВМ ,КИ КУРЪОН ХОНАНД. !!!!!

о ту шоир чува боши ту як девона хасти зеро ки шоирони гузашта хаммашон хофизи куръон будаанд! !!!

Ахсан ба Шумо, Устоди Бузур!

Ватандор
Салом Озодагон як хохиш дорам ва бовари дорам, ки купли мардуми точик маро дастгири мекунам. Хохишмандам дигар шеърхо ва дар бораи хамин атеист экстремист ягон матлаб нашр накунед. Ин экстремист як дуруя ва чоплус аст.

Рустам
Бозор Собир пас аз марг мефахми Иншооллох Ислом чист.

ПАТРИОТ
Хар кас ки бар дину ватани аҷдодиаш хиёнат кунад пас душмани номери 1 давлату миллаташ аст.
Ду гуноҳи нобахшиданист 1ум тарки дину оини аҷдодӣ. 2юм хиёнат ба ватан.

Собир
бозорбой, дар Афгонистон чанг аст, аммо соли 2007 дар Точикистон тинчи буд, дар шахри Вахдат як чавон 6 соат дар байни об монду хукумат тамошогараш буд, чаро дар ин бора на навиштед? Падари ин чавони 17 сола аз Русия расида омад, аммо хукумат дар 6 соат тамошо кард, ки у кай мемирад

Дилшод
ин бозорчая худша

Шукри худованд, ки Шумо раисичумхур нестед. Барои раисичумхур будан фахму фаросат ва аклу заковат доштан лозим.

мхочир
хами шоири бозору хами озоди шумо хардуш як хаст ! харчи махкул шуд менависад локин агар номи ленина гач бгири талхаш мекафа!

Ташаккур барои чунин шеър! Дарди дили хазорон занхоро навиштед! Ягон бахонаю исботу далел ин амали нангинро сафед карда наметавонад. Мо хам бо гурухи занон вакте ин наворхоро бори аввал тамошо кардем ба вахшат омадем ва беихтиёр ох кашидем Марг ба Афгонистон, марг ба мардхои афгон ки на ватанашонро химоя карда метавонанд, на занхояшонро!!! Зурашон ба занхо мерасад халос, ин кадар кувваву махорати сухангуи ва мот кардан дошта бошанд, бо мард ба набард бароянд на бо зан. Сафир дар ин вакт бояд хомуш мебуд, бехтар мешуд. зеро ки ончи аён аст хочат ба баён нест. Фикру андешахои сафир таъсиргузор нест ва наметавонад бошад!!! Шумо устод шоири асили миллат будед мемонед. зеро ки шеъри шоир, хусусан шеъри шумо сухане аз чону чигар аст. аз чону чигари хар як нафари сохибдил ва рушанфикр аст.

Bozor sobor, shoiri tawonoi in millat, haqiqatro dar mawridi Afgghhoniston dar in sheerash bayon kardaast, yaake dar sheeri ba Farkhundai shahid bakhshidaash. Man ham shabi qatl shudani Farkhunda, bo madadi dustoni afghoni sahamai qatli in dukhtari mazlumro, misli translyatsiya az awwal to okhir tamosho karda, qarib, ki dewona shuda budam, dar safhahoi khomusho facebool bo tamomi sado, besado dod zadam, KI: ay afghonhoi haywon! in chi kor ast, ki shumo meluned? Magar dar hukumati shumo qonun wujud nadorad? nakuned, bas kuned, hek musal,om quroonro otash namezanad. Charo be taftsh, khudsarona dast barsari in dukhtari jawon bardoshtaed? Wale hayhot! kase ba sukhanhoi man gush nakard. Ustod Bozor rost meguyad. Marg ba in guna dawlat, ba in guna millat, ba in guna johiliyat, ba in guna islomu musalmoni, agar islom hamin boshad. Haywon az musalmon behtar ast, agar musalmoni hamin boshad. Marg ba in safiri ablahi Afghoniston, ki didawu donista az in fashisthoi uislomi pushtiboni mekunad wa nuqsi afghonhoro dar ijtimoo nadida megirad. Sag az in guna musalmon behtar ast, agar musalmoni hamin boshad. Ustod Bozor hamesha shoiri mollat wa mardumi bechora budu hast. Hamai harfhoi u dar mawridi qaziyai Farkhunda haq astu rost. wa har kase, ki in dahshati asrimiyonagiro ba chashmi khud dida boshad, boayd beharfi izofa haq budani Ustod Bozorro iitirof namoyad, agar hanuz insone boqi monad boshadu az yod naburda boshad, ki shiri zan- modarro khurdaast. Na misli onhoe, ki hatto dar murofiai sudi Farkhunda ham, bo on, ki mutahham budand, az qotol budani khud hatto moftikhor ham mekardand. Aziyat karda kushtani zan baroi baaze az "mardon"-i ablahi sag Iftikhor budaast. In iftikhori afghonist diga.

Бозор Собир: Бале, ман бар инам. Зиёда аз ин ман агар раисиҷумҳури Тоҷикистон мешудам, рӯзи аввали ҳамин воқеа сафоратхонаи Афғонистонро дар Душанбе мебастам. Бо кӯчу бандашон аз сарҳади Тоҷикистон гуселашон мекардам. Дар точикхои мо як гапи хуб аст мегуянд "Худованд харро шинохт, ки шохаш надод" Инро Саъди Бузургвор хуб ба калам додааст: Ин ду шохи гов агар хар дошти, Як шикам дар одами нагзошти. Бозорча ниятут нек нест барои президент шудан фикри хам накун муру малах моба даркор нест. Раисичумхури мо яктаай Точикистони моро тинчу ором нигох кардестай мода басай

Эзоҳ илова кунед
Номи шумо:
Почтаи электронии шумо:
  • bowtiesmilelaughingblushsmileyrelaxedsmirk
    heart_eyeskissing_heartkissing_closed_eyesflushedrelievedsatisfiedgrin
    winkstuck_out_tongue_winking_eyestuck_out_tongue_closed_eyesgrinningkissingstuck_out_tonguesleeping
    worriedfrowninganguishedopen_mouthgrimacingconfusedhushed
    expressionlessunamusedsweat_smilesweatdisappointed_relievedwearypensive
    disappointedconfoundedfearfulcold_sweatperseverecrysob
    joyastonishedscreamtired_faceangryragetriumph
    sleepyyummasksunglassesdizzy_faceimpsmiling_imp
    neutral_faceno_mouthinnocent
ХАБАРҲОИ ОХИРИН
Баҳси пурзӯр кардани ҳифзи сарҳади Тоҷикистону Афғонистон дар дидори Э.Раҳмон ва ҳайати парлумони Аврупо10:09Оғози фурӯши смартфонҳои iPhone 8 ва iPhone 8 Plus!09:49БО ЗАБОНИ ШЕЪР: Ман зи андешаи турконаи як ҳамватанам метарсам...15:34Чаро ҳукумат ҳамеша ба ТАЛКО имтиёз медиҳад?14:16“Шантаж”-и ҳамсар: Аз ҳаққи модарӣ даст накашӣ расвоят мекунам10:27Баҳси буҷа: Аз қарзи маош то қарзи хориҷӣ11:57Сарвазири Тоҷикистон бо Президенти Узбакистон мулоқот мекунад11:05Ҳимояти СММ аз cарбози тоҷики пайрави “Шоҳидони Яҳво”, ки либоси низомиро рад кард10:38АКС+ВИДЕО. Нахустин анҷумани маъюбони Тоҷикистон дар Душанбе11:51Маҷлис: Аз тағйироти кадрӣ то ваъдаи 80 мансабдор барои пулдиҳӣ аз кисаи худ15:46100 метр дуртар: Тамокукашӣ маҳдудтар шуд13:21Аз парвандаи Маҳмудов то муроҷиати ҷабрдидагони "7 бурҷ": Роҳкиро надорем (ВИДЕО)11:18Пешниҳоди журналисти тоҷик ба раҳбарони кишварҳои ҷаҳон: 2018-ро соли беяроқӣ эълон кунем!09:33Агентии зидди коррупсия гуфт, “Умед-88” ва Вазорати молия аз “Роғун” қарз гирифтаанд08:01Таърихи имрӯз: Мавлуд, ҷашн, санаҳои таърихӣ, дамои ҳаво, бозори арз07:44
ТАҚВИМ
«    Март 2024    »
ДушСешЧорПанҶумШанЯкш
 123
45678910
11121314151617
18192021222324
25262728293031
БОЙГОНӢ
Ноябр 2017 (5)
Октябр 2017 (192)
Сентябр 2017 (257)
Август 2017 (314)
Июл 2017 (301)
Июн 2017 (269)